FILIPIAMI 1:10 - Sumi Naga CL (Re-edited) Bible (BSI)

¹⁰ tishianguno kiu no akighiche keno nongu no kishelu no Khristo Tsala loye mqhamqhiyi eno tukutiye küha püzü

BAIBEL (BSI)

¹⁰ tishianguno nonguno akiviu kiu keno kishelu nani eno Khristo Tsalalo nonguye muqhamiqhiyi eno tukutiye kuha nanike.

Sümi Tiqhelimi Bible

¹⁰ tishianguno nongu pelo kiu no akiviu keno jupililu pe eno Khristo tsalà ghenguno akimthe eno tukutiye küha püzü,

FILIPIAMI 1:10 Iomraidhean Croise

BOTHUBO 20:5

Pa ye I vilo, ‘Li ye I chepu’ ipike kumo? Eno li ghi, ‘Pa ye I mu’ ipi li ampi no pie. I mlo lo akikhi eno I u lo akipimi kühakeu lono ni ye hipau shivae.”

JOB 12:11

Ataha no achuqupu michelu ketoi akini no atsa kimchi mlani kea?

JOB 34:3

kughengu ataha no achuqupu miche chekeshi akini no atsapi piqhiju cheni.

MICAH 3:2

Nongu akivi mithi eno küsakügha kimiye chekeqo, Nongu no Iw timi yiko lhave tsüno asaghi lono ashi sülavetsü,

MATTHEW 16:23

Ikemu Jisü no tsüghüwo Peter vilo pi, “I launo wuvelo, Satan! No ye I püxa ani, kughengu no ye Alhou kükümsü kumono timi kükümsü ghola lo ani.”

MATTHEW 26:33

Peter no pa khochile, “Panongu kümtsü no o qhive namu, ni ye khilemu o qhimo nani.”

John 1:47

Nathanael no pa lau cheghi keu Jisü no ithulu püzü pa ghili ishi pi, “Julo, Israelmi kuchou, pa lolo pishikiqhi kühae.”

John 3:20

Alhoksa kümla shi chekemi kümtsü no aküvü mithi cheni eno pano kümla ithuluve nosa kehu aküvü lo ipeghi chemoe.

Apostolmi 24:16

Ikehu ni ye alhokuthu Alhou eno timi zülo I lolo kiviküsa lotsü tsüghükhüi qhinike pükapütsa cheni.

Rommi 12:2

Hipa yeghi xüghola sasü kimshive kevi, ikemu nongu kükümsü püxü kithelu keu vecheo aküxü pekili lulo, tishianguno nongu no chhejuke lono kiu no Alhou lopu, kiu no akivi, ikhikulupu eno kupukülai keno kimchilu nani.

Rommi 12:9

Kikimiye ye mtsümishei shilo. Alhoksa mithilo, eno kiu no akivi keno tsüqülu lo.

Rommi 16:17

Athiküzümiqo, I no nongu ghutu anike khunono kijetha cheni eno akülü tsa nongu shikave keqo kumono bidelau tsa pesü aküküpna shicheni keno, tipaqo launo putosüve lo.

Rommi 2:18

eno Ayezah lono o qophe püaghi kehu no ye Pa pulou ithi no kiu kiumu akighicheu shichenie pi aghi aye;

Rommi 7:16

Ikehu I no kiu shinishi chemo keno shiuve cheghi aye, Ayezah ye aloe pi ni ghi pulo auvae.

Rommi 7:22

Kughengu I mlo alouno ni ye Alhou Yezah lo I züküvü acheni,

Rommi 8:7

Ashi küdau amlo tsükeu ye Alhou ghümi shivae, kughengu ti ye Alhou Yezah qhoqhü luamoe; kuchou no ti ye qhoqhü lumo nani.

1 Kor. 1:8

Pa no ashekha kutolo nongu shikumto no ni Mpeu Jisü Khristo tsala lo küqü mono aghi penani.

1 Kor. 10:32

Jewmi na, Greekmi na, Alhou kukuhou namu, khuu laumu akipimi tsü kevilo,

1 Kor. 8:13

Tighenguno achuqupu no I thiküzümi pelo küpxa lupe aghi aye, ni ye khilemu ashi chumo nani, tikumo aye I no I thiküzümi küpxalu nosae.

2 Kor. 1:12

Kughengu ni qheküzapu ye hi ke, ni lolo kiviküsa lotsü no ashepe tsü anike ningu ye ayeghi lo akikhi eno Alhou lau amlo tsüqhiyi shi, ayeghi lo lokütsü lono kumono Alhouw küpükini lono xücheni, eno akhoto no nongu lau tishi acheni.

2 Kor. 2:17

Kughengu ningu ye timi kutomo no shiche ketoi, Alhou tsa jekuchumi kumoe, ikemu Alhou zülo amlo tsüqhiyi kemi, Alhou no puwu kemi kehu ningu ye Khristo pulou lono picheni.

2 Kor. 6:3

Timi khuu laghi lomu ningu ye lakükha qhitsü chemoe, tishianguno ni kümla lo akipimi kiumu phulu pemo niye ke,

2 Kor. 8:8

I no hi pi akeu ye azakütsü lono kumoe, ikemu kütami no pulopinyi akeu vecheo nongu kikimiye ghi kuchou kepi piye niye ke.

Galatiami 5:11

Ikemu, athiküzümiqo, tsala I no itehi kutolo aphighüyiko kügha sheshu cheghi aye, kushiye itehimu I ghime aphi kea? Tishini kelo kros lono shokukholu chekeu ye ikhivae.

Ephesiami 4:15

Tishinike züqhu, kikimiye lono kuchou tsape pesü ningu ye ala kümtsü lono thuiku Khristo, khuu akütsü keno, Pa lau eno Pa lolo xüsülu masae.

Ephesiami 5:10

Kiu no Ampeu lopu shilu cheni keno pükapütsa no vethalulo.

Ephesiami 5:27

eno akukuhou pesü tukutiye momu jekujeli kiumu kühano jukighilepu shi tsüghükhüi eno akimthe shi paw shiniye ke.

Ephesiami 6:24

Shipüsa mlakeu kikimiye pesü ni Mpeu Jisü Khristo kimiye chekemi kümtsü lau Alhouw küpükini apeniu.

FILIPIAMI 1:16

Hi amqo akiniu no ni ye atsakiviu sükusho ghenguno hilau akughushi anipi ithi no kikimiye lono mla cheni.

FILIPIAMI 1:6

I no mtsüqhei hi pi ani, khuu no nongu lolo akümla kivi huthutsü keno Pa no ti pekibewo Jisü Khristo ikighi Tsala lono kupukülai kishekha tsü nani.

FILIPIAMI 2:16

nongu no mtotoi aküxüpu tsa tsüqülu keu lono ishilu nani, tishikeu lono Khristo Tsala lo ni ye adou lono po püamo momu ime püamo kepi I kijivilelu nani.

1 Thes. 3:13

tishianguno ni Mpeu Jisü no Pa küpülümi sasü ighi kelo, Pa no nongu mlo pesü ni Pu Alhou zülo tukutiye küha no akimthe shitsü peni.

1 Thes. 5:21

ikemu thokha pejulo; kiu no akivi keno mtotoi tsüqü lulo.

1 Thes. 5:23

Aloinokütsü Lhou ampi no nongu shikimthetsü peni, eno ni Mpeu Jisü Khristo ikighi lo nongu ghungu, angulho eno aphimpi kümtsü tukutiye kühano aghi peni.

JOSHUA 24:14

“Tighenguno itehi Ampeu sümsa eno amlo tsüqhiyi aküpülü lono Pa qelo. No puasüqo no Aghoki kukuu eno Egypt lo mlla chekeu lhouqo phevelo eno Ampeu qelo.

1 John 4:1

Kimiye chekemiqo, aghungu jeli kümtsü pülü kevilo, ikemu tipaqo ye Alhou launo kemo keno ithini ke chhejulo, kughengu ayeghiqha lo kichile tungkupmi kutomo ipeghivae

Piyeküsü 2:2

“‘O kümla, o ghime eno nono kutuokutuu puqhe chekeu I no ithi ani, nono kishi küsaküghami tshalu chemo keno, eno kumomu alikhi ampi pesü apostolmie piche keqo nono phuju no kichileu shive aghikeu I no ithi ani.