EZRA 8:21 - Sumi Naga CL (Re-edited) Bible (BSI)

²¹ Tithiu I no kümvüni ke Ahava ghoki lono asheshu, tishino ningu ampi no Alhou zülo aqhokighe shinike, eno Pa launo ningu ghüzüla, ni tianuli eno tinhemgha kümtsü süshotsü penike Pa phuni keu shie.

BAIBEL (BSI)

²¹ Ninguno Ahava ghokilo ngo akelo ningu Lhou sukumsa piyenike kumvu nike piputotsu, eno ningu pelo akivishi chewulu, ni sushotsu, nitinuli eno ni nhemghaqo sasu chelu penike khuinilu.

EZRA 8:21 Iomraidhean Croise

YEKIKITHI AKINIU 20:3

Tileno Jehoshaphat ye msave no pa gi kughope Ampeu phu, eno Judah ghakhu kümtsü no kümvü penike azah tsü.

YEKIKITHI AKINIU 20:4

Judah timi no Ampeu lau akukuphu khunike hekütsü luve; Judah lo mishighüna kümtsü lono Ampeu phu ighi.

EZRA 8:15

Ahava lo qowu akeu ghoki lono I no panoqo hekütsü, eno tilau ningu ye atsala küthü aghazü shipe ngoe. I no hekütsülu keqo eno achinemi phuju kelo, Levi laghami ye lakhimu aghimoe.

EZRA 8:31

Tithiu ningu ye aqhi atüghüu atsala chighiakiniu lono Jerusalem lo wuniye Ahava ghoki qhive. Ningu Lhou u no ni gholo ae, eno Pa no aghümi ngo ghüthemi u lono ningu xaphetsü.

NEHEMIA 9:1

Atsala muku abidini Israelmi no yeqhiyephi pepusü ayeghimkhu epe akütsü lo puku no kümvü ae.

ESTHER 4:16

“Wulo, Susa lo Jewmi ithulu keqo kümtsü hekütsü lo, eno I ghenguno kümvü lo, putho pucho tsala küthü chusho kevilo. Ni eno Iw lhothelimi ghi nongu toi kümvüni. Tishino ayezah hexa aghimu I no akükau lau wuni, eno tsala I pühave kepu shimu, ni ye pühaveni.”

LESHELE 137:1

Babylon ghoki mkülo, kughou ningu no Zion kümsülu keno ningu no tilehi iqano mloqa.

LESHELE 5:8

I ghümi anike O chipiu mikucho lono I sachelo, O Ampeu; I zülo O laghi müzüchoi shitsülo.

LESHELE 5:9

Kughengu panoqo kichi lo kuchou kühae; pano lolo shiküpsapu likhie; pano kughoki ye akumoki lhaphe püakeu ke; pano mili no akimki picheni.

LESHELE 8:2

Nono amkhü kulumi ngo aghümi ghasüve niye Anga kughunu ngo ititunu kichi lono, O ghümi ghenguno akumto ghope qhie.

AHOLE 3:6

Nono mlaitha keu kümtsü lo Ampeu kümsülu lo, eno Pa no o laghi kümtsü shikümzü tsü nani.

ISAIAH 30:21

Kughou nongu no ajeu momu piyiu tsüghüveni keno, nongu thiu no, “Ala ye hike, hipa la pülalo” ipikeu sütsa nongu kini lono chilu nani.

ISAIAH 35:8

Tile alaghila auve no tipau pesü Akimthe Laghi ipi ku nani; mithekumomi ye ti pülamo nani. Ti ye Alhou timiqo sala shinani; mbomzümi mu tipa la vezüve monani.

ISAIAH 42:16

eno I no anhechemi sasü panongu no khilemu püla chemo keu laghi lo sawu nani. panongu no ithimo keu laghi lo I no panongu la kichetsü nani; I no panoqo zülo aküzü pesü aküvü shivetsü nani; eno kipekuloi keu yeghiqo külaqavetsü nani. I no thime hipaqo shini cheni, eno Ni ye panongu phevemoe.

ISAIAH 49:10

panongu ye khilemu müzüthi tüghüthi monani, amülhü momu khetsünhe kushu no pano shipüsa monani, kughengu panoqo kimiye chekeu no pano sache nani, eno azüpuki phivi lono panongu sawu nani.

ISAIAH 58:3

‘Kushiye nino kümvü akeghi, No ye jutsümo kea? Kushiye nino aqhokigheu shikeu ithi tsümo kea?’ Julepi, nongu no kümvü akelo ghi, nongu ye nongu pulou shi cheni, eno nongu kümla kishimi qodaqhi cheni.

ISAIAH 58:5

Timi lakhi no kümvü keu lono aqhokigheu shilu aye, Ni ye titoi kümvü keu ikhilutsü cheni ke kumo keshea? Ikemu nonguw kümvü keu ye ayeghübo no ihoiqi keshi, momu yeqhiyephi ngo ayevu shou ihozü keu no keshea? Nongu ye hitoi keu pesü kümvü keu momu Ampeu no ikhilutsü keu tsala kepi kümsü ani keshea?

JEREMIYA 10:23

O Ampeu, timi küxü ye paw kumoe pi I no ithi ani, timi ye pa kutoshi pa nepa kichetsü mlae.

JEREMIYA 42:3

tishikeu lono Ampeu o Lhou no ningu ye khila wukepu keno alaghi ni piye peni eno ningu ye kiu shikepu keno ni vilo pitsü peni.”

DANIEL 9:3

I no Ampeu Alhou lau I gi kugho puwo, akighini eno kümvü keu, yeqhiyephi ngo ayevu vecheo küpükini piye penike qhüiniju.

JOYIL 1:14

Kümvü kepu do kophelo; akimchi hoho kusülo. Layemi eno aghakhu lo küxümi kümtsü Ampeu nongu Lhou kilo hekütsüpe Pa lau ighamku lo.

ACHINE 16:29

“Hi ye alholo nongu ghenguno pimheye shini: Aqhi akütsüniu, atsala achighiu lo Israelmi eno no gholo inaghami akemi ye akümla kiumu shimo no kümvüni.

ACHINE 16:31

Ti ye Sabbath kimthe tsala ke nongu ye kümvüni; hi ye alholo pimheye ae.

ACHINE 23:29

Khuu no tipani kümvü moni keno pa ye Alhou timiqo gholono hapheveni.

JONAH 3:5

Nineveh lo timiqo no Alhou pülüve. Panongu no kümvüni ke asheshu, eno akijeu lono akitilau kutolo yeqhiyephi pepuve.

JONAH 3:7

Eno pa no ashekushu lakhi tsüpuwu no Nineveh lo asheshupe, “Akükau eno paw yepemiw xaküthaza kiqi lono: timi na tüghashi na, pichepighi jeli namu, kiumu miche moni. Khunomu chusho moni,

AKIKIHI 14:3

Ghüyi lono woveni keghi kushiye Ampeu ye hipau yeghi lo ningu saighi ani kea? Ningu nipu anuliqo ye küghape wuve niae. Ningu ye Egypt lo idewove keu pavi moni keshea?”

AKIKIHI 14:31

No tianuli hakho luvetsü nanie pi nongu no pi kemu I no panoqou sailo nani, eno panongu no akütsashi nongu no milive keu yeghi lo ngove nani.

Apostolmi 2:39

Kughengu ashoqhi ye nongu eno no tianuli eno khunoqo putou ani keno, Ampeu ni Lhou no Pa lau kulu kemi kümtsü ghenguno ke.”

XAKUTHAMI 20:26

Ikehu Israelmi ghüshimi kümtsü no Bethel lo iqho mloqa. Panongu no Ampeu zülo iqa no tipani kijiliu shiveke kutolo kümvü, eno akipti kümllagho ngo külakishi kümllagho pesü Ampeu lau tsü.

SAMUEL ATUGHIU 7:6

Ikehu panongu no Mizpah lo hekütsü no azü shophe eno tipau pesü Ampeu zülo leqhi no tipani kümvü eno tileno pi, “Ningu no Ampeu zülo axine shivae.” Eno Samuel no Mizpah lono Israelmi shou xaküthau shie.