EZRA 7:6 - Sumi Naga CL (Re-edited) Bible (BSI)

⁶ Ezra hipau ye Babylon lono iqhoghi. Pa ye Ampeu, Israel Lhou no tsükeu Moses Yezah kighithimi lakhi, eno pa no khukeu kümtsü akükau no pulotsüe, kughengu Ampeu pa Lhou u no pa gholo ake.

BAIBEL (BSI)

⁶ Hi Ezra ye Babilon lono wuke; paye Judami sakiphemi lakhi eno paye AMPEU Israil Lhou no tsukeu Muse Yezah akiyemi lakhi shia eno pano Jerusalem lo idewoni keu iniju eno akukauno pa kukhu initsu.

EZRA 7:6 Iomraidhean Croise

BOTHUBO 32:28

Tile pa no pi, “O je ye Jacob kumoae, ikemu Israel ipi kuniae, kughengu nono Alhou eno timi sasü kumjo no toluvae.”

EZRA 5:5

Ikemu panongu Lhou nhethi ye Jewmi layemiqo shou ae, eno asütsa no Darius tove no yesü lono hipau khokichile ideighi moke kutolo panongu ye panoqo lakha moe.

EZRA 6:22

Eno panongu no alokivi shi atsala tsüni kutolo Kholaqhi sümokeu Sho Pine ikhilu, kughengu Ampeu no panoqo pelo alovilupe eno Assyria kükau mlo tsüghü sawo panongu gholo alupe, tishikeu lono pa no Israel Lhou, Alhou ki kümla lo panoqo kuphutsü.

EZRA 7:21

“Eno ni, akükau Artaxerxes, no Aghoki Kukuu phughi lo akükau kinibo peithakütsümi kümtsü lau xaküthaza lakhi tsü ani: Kiu kiumu achineu Ezra, kungugha Lhou Yezah kükütsüu no nongu launo avehupu shikeu ye amlo tsüqhiyi shino tsülo,

EZRA 7:28

Pa no akükau eno paw lapiyemi ngo akükauw hiyampemi akughushumi kümtsü zülono Paw iqemokeu kikimiye I lau piye ke. I no amlo mtolu, kughengu Ampeu I Lhou u ye I gholo ae, eno I no Israelmi sakiphemi I gholo iqho penike hekütsü.

EZRA 7:5

Abishua nu, Phinehas nu, Eleazar nu, Aaron achinetou nu—

EZRA 7:9

Aqhi atüghüu, atsala atüghüu lo pa no Babylon lono chethu, eno aqhi apunguu atsala atüghüu lono pa ye Jerusalem lo ighilu, kughengu Ampeu u akivi no pa gholo ake.

EZRA 8:1

Akükau Artaxerxes yekipe ghuloki lo Babylon lono I gholo iqho keqo lagha, ali tomi hipaqo:

EZRA 8:18

Eno Alhou u no ningu gholo ake ghenguno panongu no Israel nu Levi lagha lo Mahli limi thai kemi lakhi Sherebiah, eno pa nuli ngo abolomi pano 18 ningu lau saighi;

EZRA 8:22

Ningu no akükau vilo, “Ni Lhou u ye Pa phuighi kemi kümtsü shou acheni, ikemu Pa pheve kemi shou Pa loghu küka acheni,” ipive kehu ni ghüzüla lo aghümi launo süshotsü penike pa vilo ghüshimi loji eno khurshimi tsülopi khuni keu ni ye kujove.

EZRA 8:31

Tithiu ningu ye aqhi atüghüu atsala chighiakiniu lono Jerusalem lo wuniye Ahava ghoki qhive. Ningu Lhou u no ni gholo ae, eno Pa no aghümi ngo ghüthemi u lono ningu xaphetsü.

NEHEMIA 12:26

Hipaqo no Jozadak nu Jeshua nu Joiakim ghuloki lo, Nehemiah no angh shiake ghuloki lo, eno Ayezah kiyeu ngo achineu Ezra ghuloki lono ke.

NEHEMIA 12:36

eno pa limi Shemaiah, Azarel, Milalai, Gilalai, Maai, Nethanel, Judah, eno Hanani. Panongu kümtsü Alhouw timi David no peche keu lebo kimihi peche. Ayezah kiyeu Ezra no hipaqo züu shino chewu.

NEHEMIA 2:12

Alhou no Jerusalem ghenguno kiu mla kepu ilolo müzü sütsü keno ni ye khuu vilomu pimoe. I no zübumta lono ithu I gholo timi khami sasü khalau ipe. I no sache keu khurshi kumo aye, lhoxü kütau lakhimu kühae.

NEHEMIA 2:18

Akivipu ghenguno Alhou no kishi I gholo ani, I kuphu eno akükau no I vilo kiu pi keno, I no panoqo vilo pi. Ikelo panongu no pi, “Ningu ithu no shiqhe pukuni.” Ikehu panongu no pano u shikumto no akümla kivi shinike huthuve.

NEHEMIA 2:8

eno akükau ghasü kheu Asaph lau ghi yetsülo, tishianguno pa no achineki hukikha khagho, aphughi kupuwu, eno I no ngokepu ki ghenguno akika shikulupu sü I tsüpenie.” Akükau no I no khukeqo pulove tsü, kughengu Alhou u no I shou ake.

NEHEMIA 4:15

Ni ghümi no nino pano mqü ithivae pi chiluve eno Alhou no pano kukughuqo hexave tsüapi ithive kethiu ningu kümtsü no akupuwu kümla lo ide wuve.

NEHEMIA 8:1

Timi kümtsü no Azü Khagho zülo kobidi-a lo lakhishi kumqo. Panongu no Ayezah kiyeu Ezra vilo Alhou no Moses vecheo Israelmi tsükeu Ayezah kaku pesü ighilo pi.

NEHEMIA 8:13

Atsala akiniu lo, ali lo akütsü thaqhü eno Achinemi ngo Levimi no Ayezah shika nike Ayezah kiyeu Ezra lau ighi.

NEHEMIA 8:4

Tipani ghenguno mla püakeu asü khache lo Ezra no puthugho. Pa u ajeu no Mattithiah, Shema, Anaiah, Uriah, Hilkiah, eno Maaseiah no puthugho, eno pa u piyiu no Pedaiah, Mishael, Malkhijah, Hashum, Hashbaddanah, Zechariah, eno Meshullam no puthugho.

NEHEMIA 8:9

Angh Nehemiah ngo Achineu Ezra gholo Ayezah kiyemi eno timi shika akeqo Levimi no timi kümtsü vilo pi, “Atsala hipau ye nongu Lhou Ampeu lau akimthe shikeu tsalae, tighenguno mloqa momu ighaqa kevilo.”

NEHEMIA 9:13

Nono Sinai Toghi shou iqighi no atsütsü lono panongu pütsa eno achipiu ngo kuchou khuaye, akivi eno azakütsü pesü panongu tsüe.

LESHELE 109:27

Hi ye O u kepi panoqo pelo ithi pelo; O Ampeu, Nono hipau shive ake.

LESHELE 147:19

Pa no Jacob lau Pa tsa sheshu, Pa zakütsü eno pimheye Israel tsüke.

LESHELE 45:1

Atsato kivi no I mlo lo qole ani; I no I lejo pesü akükau huthue; I mili ye akiyemi yesüta kutope aketoi ani.

LESHELE 80:18

Tileno ningu ye O launo tsüghüve monani; ningu püxü tsülo, eno ningu no O je sheqheni!

AHOLE 3:6

Nono mlaitha keu kümtsü lo Ampeu kümsülu lo, eno Pa no o laghi kümtsü shikümzü tsü nani.

ISAIAH 50:2

Kushiye I no ighi kelo timi lakhimu aghi move kea? Kushiye I no ku kelo milakhi nomu khochilemo kea? Nongu xachile lunike I u ye ikholo küghashi anio? Momu Ni ye xaphe lunike aküka küha keshea? Julo, I zakütsü lono I no azüghi qhaive tsü cheni, I no aghokiqo pesü asayeqha kughulhove cheni; tipaqo lo akha no azü kühave kehu münauve eno tüghüthi kelauno thive cheni.

ISAIAH 59:1

Julo, Ampeu u ye ikholove no nongu xaluni keu tolumo ake kumoe, momu Pa kini ye ipove no nongu sütsa chilumo ake kumoe;

JEREMIYA 8:8

“Nongu ye kishino, ‘Ningu ye alokütsü, eno Ampeu yezah ye ni gholo ani,’ ipini kea? Ikemu julo, akiyemiw yesüta no akimki shivae.

MATTHEW 13:52

Pa no panoqo vilo pi, “Tighenguno Ayezah shikükami khuu pesü kungugha yekipe ghenguno qophe luve akeno, pa ye aki mpeu toike. Pa kinikhuki lono thime kiu no akithe eno kiu no aqa keno kümtsü ikhiphelu cheni.”

MATTHEW 23:2

“Ayezah shikükami ngo Phariseemi no Moses lakhü lo iqa ani,

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

1 Kor. 1:20

Alokütsüu khile ani kea? Ayezah shikükau khile ani kea? Hipa tiqheli lo kighekithiu khile ani kea? Alhou no ayeghi lo lokütsü pesü mbomzü shivetsü ake kumo?

1 Kor. 15:1

Athiküzümiqo, I no nongu lau atsakiviu pikülha keu, khikhi nongu no ikhilu no tipa shou puthugho ani keno ti pesü nongu kütü ani.

ZAKINIU 28:1

“Nongu no Ampeu nongu Lhou gholu eno ishi tsala lo I no azah nongu tsü akeu kümtsü tsaqüi pelu aye, Pa no ayeghi lo shiye akeqo kümtsü nguno akiqheu lo nongu süqhe nani.

ZAKINIU 4:5

Julo, nongu no ilo niye akeu yeghi lo pelu peniye Ampeu I Lhou no azah I tsüke toi I no akhuaye ngo pimheyeqo nongu shikavae.