EZRA 7:5 - Sumi Naga CL (Re-edited) Bible (BSI)

⁵ Abishua nu, Phinehas nu, Eleazar nu, Aaron achinetou nu—

EZRA 7:5 Iomraidhean Croise

YEKIKITHI ATUGHIU 6:4

Eleazar nu Phinehas, Phinehas nu Abishua,

YEKIKITHI AKINIU 19:11

Julo, achinetou Amariah no Ampeu chineki vehu kümtsü lo nongu shou ampeu, Ishmael nu Zebadiah, Judah lo angh no akükau vehu lo ampeu, eno Levimi no hiyampemi shi nongu huthu nani. Amlo kuloghi shino mla lo eno Ampeu no akümzümi gholo apeni!”

YEKIKITHI AKINIU 26:20

Achinetou Azariah ngo achinemi kümtsü no pa jukelo pa ye akishe lo apügha ipeghive! Panongu no mtazü pa sasü khalau ipeve, pa ghi mighimghai ipeve, kughengu Ampeu no pa ghimeve ke.

EZRA 7:4

Zerahiah nu, Uzzi nu, Bukki nu,

EZRA 7:6

Ezra hipau ye Babylon lono iqhoghi. Pa ye Ampeu, Israel Lhou no tsükeu Moses Yezah kighithimi lakhi, eno pa no khukeu kümtsü akükau no pulotsüe, kughengu Ampeu pa Lhou u no pa gholo ake.

IPEKULU 6:25

Aaron nu Eleazar no Putiel ngaqo dolo lakhi pa nipu shinike luve, eno li no pa lau Phinehas punutsü. Hipaqo no Levi lagha dolo ali lo akütsü ke.

ACHINE 10:12

Moses no Aaron eno pa nuli Eleazar ngo Ithamar pütsa: “Ampeu sala achuqupu kümllagho achili lono athi kümllagho tsülo, eno kholaqhi sümono akiptia phivilo no chulo, kughengu ti ye shishe akimthe ke.

ACHINE 10:16

Moses no axine kümllagho ghenguno ane vehu ighiju kelaye ti ye pitive aghi! Ikehu pa no Aaron nuli Eleazar ngo Ithamar pama ju amlo ideve no pi,

ACHINE 10:6

Moses no Aaron eno pa nuli Eleazar ngo Ithamar vilo pi, “Nongu kütsüsa mthomghoi qhi kevi, eno aphimini süxü kevilo, tikumo aye thive nani eno aqoaho kümtsü shou aloghu ikughive nani, ikemu no thiküzümi Israelmi kümtsü no Ampeu no ami no pitive keu ghenguno qamlo lo.

AKIKIHI 27:2

Panongu no kuposhukulu phiki kulaghi lo wuno Moses ngo achineu Eleazar, atomi eno aqoaho kümtsü zülo puthugho no pi,

AKIKIHI 3:32

Achineu Aaron nu Eleazar no Levimi atomiqo shou atou shino Akimthe-a lo mlaitha akemi jukükütsüu shipe.

AKIKIHI 31:31

Ampeu no azah tsükeu kiqi lono Moses ngo Eleazar pama no shive.

AKIKIHI 31:54

Moses ngo Eleazar pama no ghüshimi shou kijemi eno qhethonhe ngo aqhe shou zatsümiqo launo ameshoyi pesü kuposhukulu phiki lo Ampeu zülo ilove; eno ti ye Israelmi ghenguno kümsüchile keu michipu shi tsüke.

AKIKIHI 31:6

Moses no ghüshimi hekütsülu keqo aghüshi lo puwuve, panoqo gholo achineu Eleazar nu Phinehas pelo akimthe-a lo abohu ngo kütüghü kepu afuko ishi pesü wupe.

IBRIMI 5:4

Alhou no Aaron kulu keu ghola lono kumo aye timi ye khunomu pa likhi pa kishelu chemoe.

JOSHUA 14:1

Achineu Eleazar, Nun nu Joshua, eno Israel shiaye ali tomiqo no Canaan yeghi pesü Israelmi lau hitoi amheghi shi kijetsü.

JOSHUA 22:13

Tileno Israelmi no achineu Eleazar nu Phinehas hape Gilead yeghi lo Reuben, Gad eno Manasseh shiaye tüxa lau puwu.

JOSHUA 22:31

Achineu Eleazar nu Phinehas no panongu vilo pi “Atsala hipau lono, Ampeu ye ningu gholo anie pi nino ithivae kughengu nongu ye Ampeu hebide püamoe. Tighenguno nongu no Ampeu u lono Israel xaphe luvae.”

JOSHUA 24:33

Aaron nu Eleazar ghi thive eno Ephraim ato ghakhu lo pa nu Phinehas mheghi shi tsükeu phughi Gibeah lo qhove.

XAKUTHAMI 20:28

Aaron nu Eleazar nu Phinehas no Alhouw puloshoqhi bohu lo hukuthu kümla shiche kehu pa no pi, “Ningu ye ni thiküzümi Benjaminmi sasü aghü shini keo taveni kea?” Ampeu no khochile, “Iqholo, kughengu thoghiu ye I no panongu pesü nongu u lo süve tsüni.”