EZRA 7:28 - Sumi Naga CL (Re-edited) Bible (BSI)

²⁸ Pa no akükau eno paw lapiyemi ngo akükauw hiyampemi akughushumi kümtsü zülono Paw iqemokeu kikimiye I lau piye ke. I no amlo mtolu, kughengu Ampeu I Lhou u ye I gholo ae, eno I no Israelmi sakiphemi I gholo iqho penike hekütsü.

BAIBEL (BSI)

²⁸ Alhou kukupu lono akukatou ngo pawu kijemi akhotomi eno pawu akukumsu kutsumi akhotomi zulo niye amlo kiqipu shilu peke; AMPEU iLhou no amlo kuloghi itsu puzu Israil laghalo atomi kutomo pelo igholono ideighilu penike ino panoqo putsaqhilu peke.”

EZRA 7:28 Iomraidhean Croise

BOTHUBO 32:28

Tile pa no pi, “O je ye Jacob kumoae, ikemu Israel ipi kuniae, kughengu nono Alhou eno timi sasü kumjo no toluvae.”

BOTHUBO 43:14

Akughushu Lhou pelo timi hupau zülo küpükini nongu tsü peniu, eno pa pelo nongu thiküzüu lakhiu ngo Benjamin kighide puwo peniu. I ghengu ye, tsala I no I tianuli pühave kepu shive namu pühave niae.”

EZRA 5:5

Ikemu panongu Lhou nhethi ye Jewmi layemiqo shou ae, eno asütsa no Darius tove no yesü lono hipau khokichile ideighi moke kutolo panongu ye panoqo lakha moe.

EZRA 7:14

Kughengu akükau eno paw lapiyemi tsüni no o Lhou Yezah, khikhi o u lo ani keno tipa kiqi lono Judah eno Jerusalem ye kiu toi ani keno ighiju wu penike o puwu ani,

EZRA 7:6

Ezra hipau ye Babylon lono iqhoghi. Pa ye Ampeu, Israel Lhou no tsükeu Moses Yezah kighithimi lakhi, eno pa no khukeu kümtsü akükau no pulotsüe, kughengu Ampeu pa Lhou u no pa gholo ake.

EZRA 7:9

Aqhi atüghüu, atsala atüghüu lo pa no Babylon lono chethu, eno aqhi apunguu atsala atüghüu lono pa ye Jerusalem lo ighilu, kughengu Ampeu u akivi no pa gholo ake.

EZRA 8:1

Akükau Artaxerxes yekipe ghuloki lo Babylon lono I gholo iqho keqo lagha, ali tomi hipaqo:

EZRA 8:15

Ahava lo qowu akeu ghoki lono I no panoqo hekütsü, eno tilau ningu ye atsala küthü aghazü shipe ngoe. I no hekütsülu keqo eno achinemi phuju kelo, Levi laghami ye lakhimu aghimoe.

EZRA 8:18

Eno Alhou u no ningu gholo ake ghenguno panongu no Israel nu Levi lagha lo Mahli limi thai kemi lakhi Sherebiah, eno pa nuli ngo abolomi pano 18 ningu lau saighi;

EZRA 9:9

Kughengu ningu ye aqü-axemie. Tishimu ni Lhou ye aqü-axe lo ni qhive moe, ikemu Persia kükami zülono Paw iqemokeu kikimiye ningu lau pephe piye tsüno ni Lhou ki shipuku lupe, ti kütsave keu mlakithe lupe, eno Judea ngo Jerusalem lo sükusho ni tsü peke.

NEHEMIA 1:11

O Ampeu, O kini kughope O qeu kighini chilu tsülo, O qemi kütami O je sümsa chekemi kighini ini tsülo, ishi no ni O qeu lau tokulu puwu tsülo, eno timi hipau zülo ow kimiyekini I tsülo.” Ni ye akükau jukhu kipeu shi cheke.

NEHEMIA 2:8

eno akükau ghasü kheu Asaph lau ghi yetsülo, tishianguno pa no achineki hukikha khagho, aphughi kupuwu, eno I no ngokepu ki ghenguno akika shikulupu sü I tsüpenie.” Akükau no I no khukeqo pulove tsü, kughengu Alhou u no I shou ake.

LESHELE 109:12

Timi khuu pelomu pa lau kikimiye pephepe kevilo, momu khuu pelomu paw mighimi nuli kimiye pekevilo!

JONAH 3:7

Eno pa no ashekushu lakhi tsüpuwu no Nineveh lo asheshupe, “Akükau eno paw yepemiw xaküthaza kiqi lono: timi na tüghashi na, pichepighi jeli namu, kiumu miche moni. Khunomu chusho moni,