EZRA 6:16 - Sumi Naga CL (Re-edited) Bible (BSI)

¹⁶ Israelmi, achinemi, Levimi eno haküghütsüve no ideighi kemi no alokivi shi Alhou ki hipau khakiqhi ikhilu.

BAIBEL (BSI)

¹⁶ Achinemi, Levi laghaqo eno timi kutami kutomo ti hakughutsu lono ideighi keqono alokivi kijelono Achineki shikimthepe khaqhilu.

EZRA 6:16 Iomraidhean Croise

KUKAMI ATUGHIU 8:62

Tishino akükau ngo Israelmi kümtsü no aghakishi pesü Ampeu tsü.

KUKAMI ATUGHIU 8:63

Solomon no amshitsü 22,000 eno ambe lakh lakhi qhethonhe muku pesü külakishi kümllagho tsü. Hitoi akükau eno timi kümtsü no achineki ikhiphekütsü shilu.

YEKIKITHI ATUGHIU 15:28

Hitoi shino Israelmi kümtsü no iqhaighu akibo, afuko, küghapayi, aheo, eno küghaküsü lebo ghügha gholono ale phesü Ampeuw Puloshoqhi Bohu peighi luve.

YEKIKITHI ATUGHIU 9:2

Tithiu panongu dolo atüghüu shi idewo pano yeghi lo ngolu keu ye Israel lo küami, achinemi, Levimi, achineki lo hukuthumi ke.

YEKIKITHI AKINIU 29:30

Akükau Hezekiah ngo hiyampemi no Levimi vilo David ngo tungkupu Asaph pamaw Ampeu kishe le phelopi azah tsü. Panongu no alokivi lono phe eno panongu no pishiqhope Alhou mllae.

YEKIKITHI AKINIU 30:23

Tishino ahohomi kümtsü no amlo lakhi lono itaghi atsala tsüni pinini keu shi pulove. Ikehu panongu no alokivi shi itaghi atsala tsüni pinive.

YEKIKITHI AKINIU 30:26

Ikehu Jerusalem lo alokivi kije shi, kughengu hikithipu ye David nu akükau Solomon ghuloki thiu ye khilemu shimphi ke.

YEKIKITHI AKINIU 7:5

Akükau Solomon no amshitsü 22,000 eno ambe lakh lakhi no qhethonhe muku pesü mllae. Hitoi akükau eno timi kümtsü no Alhou ki ikhiphe tsü.

EZRA 4:1

Kughou Judah ngo Benjamin mjochile kemi no hakiphive kemi ye ideighi no Ampeu, Israel Lhou chineki shiqhe anie pi chilu keno,

EZRA 6:22

Eno panongu no alokivi shi atsala tsüni kutolo Kholaqhi sümokeu Sho Pine ikhilu, kughengu Ampeu no panoqo pelo alovilupe eno Assyria kükau mlo tsüghü sawo panongu gholo alupe, tishikeu lono pa no Israel Lhou, Alhou ki kümla lo panoqo kuphutsü.

NEHEMIA 12:27

Jerusalem kupuwu ikhiphekütsü tsalani panongu no Levimi a-a kümtsü lono Jerusalem lo saghi, tishianguno pano pelo küghapayi, aheo eno akighilebo pesü shikimthikütsü eno alekiphe vecheo alokivi shi ikhilu peniye ke.

NEHEMIA 12:43

Tipa tsalani panongu no aghakishi kije pesü mlla eno alokivi kije lono ikhilu, kughengu Alhou no panongu loshipivi tsüke. Totimi ngo atianuli ghi alokivi shie. Eno Jerusalem lokivi sütsa ye putosüu ghi chilue.

NEHEMIA 7:73

Ikehu achinemi, Levimi, khagho khemi, alephemi, timi khami, achineki qemi, eno Israelmi kümtsü pütüta phughi lo küghüna ache. Eno aqhi akütsüniu loye Israelmi kümtsü no pütütaw mishiphu lo ngoluve.

NEHEMIA 8:10

Pa no timiqo vilo pi, “Idewolo, achuqupu kivi chulo, akungo tsaizü yelo, eno küha kemi sasü küsaje lo, kughengu atsala hipau ye ni Mpeu lau akimthe shikeu tsala ke. Amloiju kevilo kughengu Ampeu lokivi no nongu kükakumto ke.”

LESHELE 122:1

Kughou panongu no I vilo, “Ningu Ampeu kilo wuni nolo,” ipi keno ni ye alovive.

DANIEL 5:13

Tithiu Daniel sasü akükau zülo ighi. Akükau no Daniel vilo pi, “Judah lono haphe sawuve kemi, khuu I pu, akükau no saighi keno, no ye Daniel huke lae.

John 10:22

Tipa ghuloki lo Jerusalem lo Ikhiphekütsü Ghulhu shiae. Ti ye süsütusho shiae,

ZAKINIU 12:7

Tilau no nongu no Ampeu nongu Lhou no nongu kümgha tsükeu je lono nongu eno no kibolomi sasü Ampeu nongu Lhou zülono aghulhu shini.

FILIPIAMI 4:4

Alhokuthu Ampeu lono alovilo, I no itaghi pini: alovilo!