EZRA 6:14 - Sumi Naga CL (Re-edited) Bible (BSI)

¹⁴ Eno tungkupu Haggai ngo Iddo nu Zechariah pama no tungkuptsa pitsü keu vecheo Jewmi layemi no achineki shiqhe eno aju iche mlalu. Israel Lhou yezah vecheo, eno Persia kükami Cyrus, Darius ngo Artaxerxes noqow xaküthaza vecheo panongu no achineki mlaqhive;

BAIBEL (BSI)

¹⁴ Tithiuno Judami sakiphemino pano kumla mlakibe luve eno panonguno tungkupu Hagai ngo Ido nu Zakharia no pikeu huno panongu mlo shikuloghive. Achineki ye Alhou no ahza kutsu toi eno Persia lo kukami Cyrus ngo Darus eno Ahaserus noqono ayezah puwukeu toi shiqhiluve.

EZRA 6:14 Iomraidhean Croise

EZRA 3:8

Panongu no Jerusalem lo Alhou kilo ighike mpe akiniu, aqhi akiniu lo Shealtiel nu Zerubbabel ngo Jozadak nu Jeshua pama no pano laghami, achinemi, Levimi eno khunoqo akughu lono Jerusalem lo ideighi keno panoqo sasü achineki huthu. Panongu no Levimi, ampe muku nguno kunguu shive keqo Ampeu ki kümla lo jukütsü penike süküsü shi.

EZRA 4:24

Tithiu Jerusalem lo Alhou ki kümla huye lakhave, eno Persia kükau Darius yepe mpe akiniu tomoke kutolo mla mono ngove.

EZRA 4:3

Ikemu Zerubbabel, Jeshua eno Israel lo kütami ali tomi no panongu vilo pi, “Ningu no ni Lhou ki shiqhe akeu lo nongu ye kiumu shi akepu kühae; ikemu Akükau Cyrus, Persia kükau no azah ningu tsüke toi, ningu likhi no Ampeu, Israel Lhou ki shiqhe nani.”

EZRA 5:1

Tungkupu Haggai ngo Iddo nu Zechariah pama no Judah ngo Jerusalem lo Jewmi akeqo lau Israel Lhou panongu gholo akeu je lono tungkuptsa pitsü.

EZRA 5:13

Tishimu, Babylon kükau Cyrus mpe atüghüu lono Cyrus akükau no aki hipau shiqhe kithelu penike xaküthaza tsü.

EZRA 5:2

Tileno Shealtiel nu Zerubbabel ngo Jozadak nu Jeshua pama no ithu no Jerusalem lo Alhou ki shiqhe kithe, eno Alhouw tungkupmi no pama gholo shino pama kuphu.

EZRA 6:3

Akükau Cyrus mpe atüghüu lo, akükau Cyrus no xaküthaza lakhi tsü: Alhou ki Jerusalem lo akeu ghenguno, a-a khileno aghakishi mlla cheni keno aki tipau shiqhe kithelu pelo eno tipa boqhaqo gholuve pelo. Akiqhelau auxakuchho muku tsüni eno akijelau auxakuchho muku tsüni,

EZRA 6:8

Tinguno alau, Alhou ki hipau shiqhe kithe akeu ghenguno nongu no Jewmi layemi lau kiu shikepu keno I no xaküthaza mlatsü ani. Ame puwove keu ye Aghoki Kukuu phughiqo launo zame qhalu keu, akükau süqha lono pesü kighithe timi hipaqo tsüveni.

EZRA 7:1

Hipa thiu, Persia kükau Artaxerxes yekipe ghuloki lo Ezra, pa ye Seraiah nu, Seraiah no Azariah nu, Hilkiah nu,

EZRA 9:9

Kughengu ningu ye aqü-axemie. Tishimu ni Lhou ye aqü-axe lo ni qhive moe, ikemu Persia kükami zülono Paw iqemokeu kikimiye ningu lau pephe piye tsüno ni Lhou ki shipuku lupe, ti kütsave keu mlakithe lupe, eno Judea ngo Jerusalem lo sükusho ni tsü peke.

NEHEMIA 6:15

Atsala lhopungu akiniu, Elul qhi atsala muku apunguni no akupuwu mlaqhi luve.

ISAIAH 44:28

Khuu no no Cyrus vehu lo, ‘Pa ye I mbekheu, pa no I kimji kupulo kümtsü shikupu tsü nani’; eno Jerusalem vehu lo, ‘Li ye shiqheve nani,’ eno achineki vehu lo, ‘O boqha ye qhave nani,’ ipi kea?”

HAGAYI 1:1

Akükau Darius yepe mpe akiniu, aqhi akütsüghou, atsala atüghüu lo Haggai tungkupu vecheo Ampeu tsa Judahw Angh, Shealtiel nu Zerubbabel, eno Jehozadak nu achinetou Joshua lau ighi:

HAGAYI 1:8

Atoghi lo iqho no asü pewo Achineki shiqhelo, tishi aye I no aloqilu eno I juküvüpu shilu nani, Ampeu no pi.

ZEKHARIA 1:1

Darius yepe mpe akiniu, aqhi akütacheu shi akelo, Ampeu tsa Iddo nu, Berekhiah nu, tungkupu Zechariah lau ighi, eno pi,

ZEKHARIA 1:16

Tighenguno, Ampeu no pi, Ni ye küpükini pesü Jerusalem lo ideighivae; I ki ye tileno shiqhe pukuni, eno akimghi süta pesü Jerusalem kuchopu mighi nani, aqokitikhi Mpeu no asheshu.

ZEKHARIA 4:9

“Zerubbabel u no aki hipau aboqha qhavae; pa u no itaghi hipau kishekha nani. Tileno aqokitikhi Mpeu no nongu lau I puwu kepi nongu no ithi nani.

ZEKHARIA 8:9

Aqokitikhi Mpeu no piani: “Aqokitikhi Mpeu ki boqha ghoke tsala lo tungkupmi kichi lono atsa hipaqo pikeu chilu ighi kemi nongu kümtsü no achineki shiqhelu kepushi nongu u mtotoi luvelo.