EZRA 6:1 - Sumi Naga CL (Re-edited) Bible (BSI)

¹ Tithiu akükau Darius no Babylon lo kükamiw yekümla kiqhi-a lo akiyeqo lhekide penike xaküthaza shive.

BAIBEL (BSI)

¹ Tighenguno akukau Darus no Babilon lo khaghi ghili apasughi yepua keqo phuju penike ahza tsuve.

EZRA 6:1 Iomraidhean Croise

EZRA 4:15

tishianguno o puasü yekikithi kaku lheju peniye ke. Nono tipau lono ithulu no mishighüna hipau ye hekibide ghüna lakhi, kükami eno aphughiqo ghüzave cheni, eno khaghi nomu ayekipe ghobide niye hileno xukutho ipeghi chenie pi ithi nani. Hi ghenguno mishighüna hipau ye kütsaleve ke.

EZRA 4:19

Ikehu I no xaküthaza lakhi shino phukideju kelo ithulu keu ye mishighüna hipau ye azüu no kükamiqo mjochile ithughi, eno hekibide ngo ayekipe ghokibide ye hileno shi ighivae.

EZRA 5:17

Tighenguno, akükau kivipu shi aghi aye, tilau Babylon lo kükamiw yekümla kiqhi-a lo akükau Cyrus ye Jerusalem lo akeu Alhou ki shiqhe kithe penike xaküthaza tsü kemo keno lheju pelo. Eno akükau pelo hipa vehulo pa mlokiqi shi ningu pithitsü pelo.”

EZRA 6:22

Eno panongu no alokivi shi atsala tsüni kutolo Kholaqhi sümokeu Sho Pine ikhilu, kughengu Ampeu no panoqo pelo alovilupe eno Assyria kükau mlo tsüghü sawo panongu gholo alupe, tishikeu lono pa no Israel Lhou, Alhou ki kümla lo panoqo kuphutsü.

EZRA 7:13

I kükaqha lo Israelmi momu pano chinemi momu Levimi khukhumu Jerusalem lo iqhonishi aghi kemi ye o gholo iqho penike I no xaküthaza mla ani.

JOB 29:16

Ni ye kumlhomi papu, ni mtha kemi ghenguno mu puthugho tsünike I no phuche.

LESHELE 40:7

Ikehu I no pi, “Ni ye ighivae; liküküzü kaku lo I ghenguno ishi yepüani:

AHOLE 25:2

Alhou no küsü püakeu thimeqo ye Pa juküvüpu ghengunoe, ikemu tipaqo phuju keu no kükami jekipipue.

JEREMIYA 36:29

Judah kükau Jehoiakim vilo pilo, ‘Ampeu no ishi piani, Nono ishi pipüzü liküküzü kaku hipau pitivae, “No ye kushiye tipau lo Babylon kükau no mtsüqhei ighi no ayeghi hipau kütsave nani eno timi ngo tüghashi pühave tsü nanie pi yepuku kea?”

JEREMIYA 36:32

Ikehu Jeremiah no liküküzü kaku kütau pesü Neriah nu akiyeu Baruch tsü. Eno Baruch no Judah kükau Jehoiakim no pitive tsükeu liküküzü kaku lo Jeremiah no shetsü keu tsa kümtsü yesüve. Atsa kimihi keu kutomo tipa gholo süküqhave.

EZEKEL 2:9

Kughou I no jupuwo keno au lakhi I küdau chhopuwo, eno julo, liküküzü kaku lakhi tipau lo aghi.

EZEKEL 3:1

Pa no I vilo pi, “Timi nu, kiukiumu nono hile ithulu keu chulo. Liküküzü kaku hipau chulo, eno wulo, Israel laghami vilo pilo.”

DANIEL 9:25

Tighenguno ithi no vetha lulo, Jerusalem tsüchile eno shiqhe nike atsa ipeve keu lono nukisheve keu kükapuu ighike kutolo apinedo tsüni anani. Tishino alaghila eno aqokuchhu gholono tipau shiqhe kithe nike ghenguno apinedo lhotsügho kini anani, ikemu aküküpna do shi nani.

Piyeküsü 5:1

Tileno kükalakhü lo iqa akeu u ajeu liküküzü kaku lakhi, azüu athiu ghi atsa yesü no michida tsüni no chishidave keu pe aghike I no ithulu.