EZRA 5:11 - Sumi Naga CL (Re-edited) Bible (BSI)

¹¹ Ikelo panongu no ningu khochile keu ye hike: ‘Ningu ye atsütsü eno ayeghi Lhou qemi, eno ningu ye khaghi no mlave keu ki, ti ye Israel kükau akijeu no mla eno kishekha keu ki tipau shiqhe kithe ani.

BAIBEL (BSI)

¹¹ “Panonguno khochile, ‘Ninguye kungugha eno ayeghi Lhou qemiqoke ampe kutomo shivae, Israil kukami akumtomi lakhino khaghino hi shiqhino anhemgha pewo sukeu chineki hu ninguno shikithe anie.

EZRA 5:11 Iomraidhean Croise

BOTHUBO 24:3

tishianguno I no o pelo Ampeu, atsütsü Lhou eno ayeghi Lhou vecheo tushoqhi peni, ti ye Canaanmi khuno dolo I no xüani keno panongu ngaqo pesü no ye I nu nipu lutsü moni,

KUKAMI ATUGHIU 6:38

Eno ampe chighiaqhaqhiu, aqhi akütacheu Bul qhi lono aki ye kupukülai, thokha shilo pikeu ghola lono shiqhi luve. Solomon no aki hipau ampe tsüni lono shiqhilue.

KUKAMI ATUGHIU 9:10

Solomon no ampe muku lono achineki ngo kükaki shiqhilu,

EZRA 5:10

Ningu no o pelo ithi peniye panongu je ghi iniju, eno panow sakiphemiqo je ye luveni ye shike.

LESHELE 119:46

Kükami zülo I no O zakütsüqo pi nani ni ye akukujo lo ilovemo nani,

LESHELE 136:26

Kungugha Lhou lau shikimthi keu tsülo, kughengu Paw iqemokeu kikimiye ye alholo acheni.

DANIEL 3:26

Tithiu Nebuchadnezzar no kuchughei keu miphoki hukikha kupunu ighi; pa no asheshu, “Shadrach, Meshach, eno Abednego, Shishe Akiqheu Lhou qemiqo, ipeghive lo eno hilau ighilo!” Tileno Shadrach, Meshach, eno Abednego noqo no ami lono ipeghive.

JONAH 1:9

Pa no pi, “Ni ye Hebrewmi lakhi, eno Ampeu, Khuu azüghi eno qhaike yeghi lhophe keno, kungugha Lhou hu sümsa chekemi.”

MATTHEW 10:32

Tishiaye khukhumu aqha zülono I je piphetsü keu ye ni ghi I pu khuu kungugha lo ani keno, Pa zülono piphetsü nani,

Luke 12:8

“I no nongu vilo piani, khukhumu aqha zülono I je piphetsü keu ye Timi Nu ghi titoi Alhouw kungumi zülono piphetsü nani.

Apostolmi 27:23

Kughengu itiji Alhou, khuu I no mlla cheni eno ni ye Paw shi acheni keno, Paw kungumi no I phivilo puthugho,

Rommi 1:16

Ikehu ni ye atsakiviu ghenguno kujove chemoe, kughengu ti ye pülülu kemi kümtsü, atüghüshi Jewmi eno tithiu no Greekmi ghi, xalu nike ghenguno Alhou küka ke.

Rommi 6:16

Tsala nongu no aghokulu qüaxemi lakhi toi khuana lau nongu mpi ikhiphe tsü aye, nongu ye pa qeu shivae pi mtha keshea? Nongu no khuu gholu ani keno ti ye axine lo sawuve chekeu akithi keo, achipikalu keu lo sawu chekeu aghokulu keno, hiküma dolo lakhi shi aghi nani.

Galatiami 6:14

Ikemu I müzülo ni ye ni Mpeu Jisü Khristo kros nguno alau ye khilemu qhezamo nani, kughengu paw kros vecheo ayeghi lo küxü ye I launo yedavae, eno ni ye ayeghi küdau ye thivae.

JOSHUA 24:15

Ampeu qekeu no o ghenguno axine shive aghi aye, nono khuu qeni keno ishi tsala lono kishelu lo, nongu puasüqo no Aghoki kukuu qe chekeu lhouqo qeni keo, Amorimi khuno yeghi lo itehi nongu no küghüna ani keno pano lhouqo qeni kea? Ikemu ni eno I kibo ye Ampeu qeni.”