EZRA 4:12 - Sumi Naga CL (Re-edited) Bible (BSI)

¹² Jewmi khunoqo o launo ningu lau iqhoghi keno panoqo ye Jerusalem lo wuvae pi akükau no ithilo. Panoqo ye hu hekibide eno küsakügha mishighüna shiqhe kithe ani. Panoqo ye aliwo mlaqhi ayae eno aboqha shikithe ani.

BAIBEL (BSI)

¹² ‘Ninguno akukau pelo ithi penishi akeuno aghakhu kutau qha lono ighikemi Judamino Jerusalem lo ngoluvae, alhoksau eno hekibide phughi hu shikithe ani. Panonguye aphughi kupuwu shikithe thuvae eno kushuwo kumolo tipau shiqhiveni cheni.

EZRA 4:12 Iomraidhean Croise

KUKAMI AKINIU 18:20

No ye atsa no aghüshi kukughu momu akumto küghashi kümsü ani keshea? No ye itehi khuu shou pükhü anipi I sasü kumgho ani kea?

KUKAMI AKINIU 24:1

Jehoiakim ghuloki lono Babylon kükau Nebuchadnezzar ighive eno Jehoiakim ye ampe küthü pa qholo ngove. Tithiu pa no hebidethu.

YEKIKITHI AKINIU 36:13

Pa no akükau Nebuchadnezzar khuu no pa pelo Alhou je lono ashoqhi shipe keno, pa ghi hebide ke. Pa ye ighono kuthovi auve eno Ampeu Israel Lhou lau pa mlo tsümove.

EZRA 4:11

(Hi ye panoqo no tsüpuwu keu yesü kiyepa lakhie.) “Artaxerxes akükau lau: O qemi, Aghoki Kukuu phughi lo timiqo no petha tsü ani. Itehi

EZRA 4:15

tishianguno o puasü yekikithi kaku lheju peniye ke. Nono tipau lono ithulu no mishighüna hipau ye hekibide ghüna lakhi, kükami eno aphughiqo ghüzave cheni, eno khaghi nomu ayekipe ghobide niye hileno xukutho ipeghi chenie pi ithi nani. Hi ghenguno mishighüna hipau ye kütsaleve ke.

EZRA 4:19

Ikehu I no xaküthaza lakhi shino phukideju kelo ithulu keu ye mishighüna hipau ye azüu no kükamiqo mjochile ithughi, eno hekibide ngo ayekipe ghokibide ye hileno shi ighivae.

EZRA 5:3

Tipa tüqhüdo lo Tattenai, Aghoki Kukuu phughi lo Angh eno Shethar-bozenai ngo pama lojimi ighi no panongu vilo pi: “Aki hipau shiqhe kithe no shiqhilu penike khuu no azah nongu tsü kea?”

EZRA 5:9

Ikehu ningu no layemi hupaqo vilo iniju eno ishi panoqo pütsa: ‘Aki hipau shiqhe kithe no shiqhilu penike khuu no azah nongu tsü kea?’

NEHEMIA 1:3

Panongu no I vilo pi, “Hakiphi sawuve keu lono xülu no aghakhu lo ideighi keqo ye shishe aghime eno akukujopu shi ani. Jerusalem kupuwu ye kütsavae eno paw khaghoqo ye ami no pitivae.”

NEHEMIA 6:6

Yesü hitoi yepüaghi: “Shiyeqo dolo kügha ani, eno Geshem ghi pi anike no eno Jewmi ye hebide nike kughu ani; tighenguno nongu ye akupuwu shiqhe ani. Eno atsa chikulu kiqilo nono panongu kükau shiniye ani.

ESTHER 3:8

Tishino Haman no Akükau Ahasuerus vilo pi, “Timi khami inaghau apanagha ani eno o kükaqha lo akuaqha kümtsü timiqo dolo xukütshü mono ani. Panongu yezah ye kütami launo kütüta, eno panongu ye akükau yezah pechemo, ikehu panongu ghenguno küsüqhive tsüni keu ye akükau ghenguno ala shilumo nani.

JEREMIYA 52:3

Kughengu Ampeu mlo kighide ghenguno Pa no Jerusalem ngo Judah lo küami Pa zülono hapheve. Eno Zedekiah no Babylon kükau hebide thuve.

DANIEL 3:8

Tighenguno tipa ghuloki lo Chaldeami khami ighi no Jewmi pipütha ghi nguku.

DANIEL 9:25

Tighenguno ithi no vetha lulo, Jerusalem tsüchile eno shiqhe nike atsa ipeve keu lono nukisheve keu kükapuu ighike kutolo apinedo tsüni anani. Tishino alaghila eno aqokuchhu gholono tipau shiqhe kithe nike ghenguno apinedo lhotsügho kini anani, ikemu aküküpna do shi nani.

Luke 13:34

Jerusalem, O Jerusalem, tungkupmi pithive tsü chekeu eno khunoqo tile puwuni keno atu pesü veqhive tsü chekeu phughi! Ni ye khijeta awuqu no achishibo qholo ati vakütsü keshi o nuliqo hekütsüni shiche kela, ikeghi nono pulomoe!

Apostolmi 24:5

Timi hipau ye aküsü kupuu toi ayeghiqha lo Jewmi kümtsü gholo aküküpna xukutho cheni, pa ye Nazarethmi mqo lo atou ke.

1 Thes. 5:22

Alhoksa jeli kümtsü lono putosü lulo.