EZRA 3:11 - Sumi Naga CL (Re-edited) Bible (BSI)

¹¹ Eno panongu no küpape ghi ale phe, sheqhe eno shikimthi keu pesü Ampeu tsü, “Kughengu Pa ye aloe, kughengu Paw iqemokeu kikimiye ye pülhapuju Israel lau acheni.” Kughou panongu no Ampeu kilo aboqha qhaluve kehu Ampeu sheqhe keno, timi kümtsü no asütsa kuloghi lono ighae.

BAIBEL (BSI)

¹¹ Panonguno hipau lephe pesu AMPEU akishe tsu hitoi pheide ae: “AMPEU ye aloe, pa kikimiye eno pa kukupu Israilmi lau lhokta kuto acheni.” Timi kumtsuno akiqheu lono igha AMPEU she, kughengu achineki boqha kumla shiluveke hu.

EZRA 3:11 Iomraidhean Croise

YEKIKITHI ATUGHIU 16:34

Shikimthi keu Ampeu tsülo, kughengu Pa ye aloe; Pa kikimiye ye alholo mtotoi acheni!

YEKIKITHI ATUGHIU 16:41

Panongu gholo Heman ngo Jeduthun eno kütami khunoqo pesü akimchi shi kishephe no aje shuphetsü keno, tipaqo ghi küqhano Ampeu sheqhe peni keu shi, kughengu Paw iqemokeu kikimiye ye alholo acheni ke.

YEKIKITHI AKINIU 5:13

Afuko küighami ngo alephemi no kümtsa Ampeu lau akishe le ngo shikimthikütsü le phe. Kughou afuko ngo küghapayi eno alebo jeliqo küigha keno alephemi ishi Ampeu shipili, “Kughengu Pa ye aloe, eno Paw iqemokeu kikimiye ye alholo achenie.” Ampeu chineki lo khüngküsü no chhitoive,

YEKIKITHI AKINIU 7:3

Kughou Israelmi kümtsü no ami iqighi keu ngo achineki lo Ampeu juküvü ithulu keno, panongu no agi pishiqhope aghüza lo ngove no Ampeu mlla eno shikimthi ghi pi, “Pa ye aloe, kughengu Paw iqemokeu kikimiye ye alhokupuju acheni.”

NEHEMIA 12:24

Levimi shou atomi: Hashabiah, Sherebiah, eno Kadmiel nu Jeshua, eno panongu thiküzümi, Alhou timi David zakütsü kiqi lono, pano ghüngüu puthughope kivetsüghü shekiqhe eno shikimthikütsü le pheche.

NEHEMIA 12:40

Ikehu shikimthikütsü lephemi mqo kinikujo achineki lo puthugho luve, eno ni eno hiyampemi tüxa no I gholo ngove;

LESHELE 100:5

Kughengu Ampeu ye aloe; Paw kikimiye ye alhokupuju acheni, eno Paw pükhükulu ye tiqheli kümtsü lo acheni.

LESHELE 103:17

Ikemu Ampeu sükümsami lau Paw iqemokeu kikimiye ye shekhaha acheni, eno Pa chipiu mikucho ye atianuli lono atilimi kutolo acheni,

LESHELE 106:1

Ampeu sheqhelo! Shikimthi keu pesü Ampeu tsülo, kughengu Pa ye aloke, Paw iqemokeu kikimiye ye alholo acheni!

LESHELE 107:1

Shikimthi keu pesü Ampeu tsülo, kughengu Pa ye aloe, Paw iqemokeu kikimiye ye alhokupuju acheni!

LESHELE 118:1

O shikimthi keu Ampeu tsülo, kughengu Pa ye aloe, kughengu Paw iqemokeu kikimiye ye alholo acheni!

LESHELE 131:1

O Ampeu, I mlo ye qheza chemoe; I nhethi ye ighono tsütsüngoju chemoe; ni ye thime ighono kije eno shishe akümzapuqo lo chhosü chemoe.

LESHELE 135:3

Ampeu sheqhelo, kughengu Ampeu ye aloe; Pa je shipili lo, kughengu ti ye alokiqipu ke.

LESHELE 47:1

Ashiayeqo, nongu u kukhulo! Alokivi le vekipighi phepe Alhou sheqhelo!

LESHELE 47:5

Alhou ye asütsa kuloghi lono kunguu ikuvae, afuko ghügha lono Ampeu ye ikuvae.

IPEKULU 15:21

Eno Miriam no panoqo lau ishi ale phe: “Ampeu lau ale phelo, Pa no ajekipi shi toluke; Pa no khurshi ngo tipau sakicheu azüghi lo vesüvae.”

ISAIAH 12:6

Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”

ISAIAH 44:23

O atsütsü, ale phelo kughengu Ampeu no hi shivae; O aqokutho, ighamku lo! O naghuto, O aghasü eno asübo kümtsü alokivi le phelo! Kughengu Ampeu no Paw timi Israel xalu eno ajekipi shinani.

ISAIAH 6:3

Panongu dolono ighamku pi: “Aqokitikhi MPEU ye akimthe, akimthe, akimthe ke; ayeghiqha ye Pa jekipi küka no chhitoi ani!”

JEREMIYA 33:11

alokivi kighilhe eno amlokiqi, külapuu eno külaliu lokivi sütsa, Ampeu kilo shikimthi kümllagho peighi kelo ale phekeu sütsa chilu nani: “‘Aqokitikhi MPEU lau shikimthi tsülo, kughengu Ampeu ye aloe, Paw iqemokeu kikimiye ye alholo acheni!’ Kughengu I no atüghü lo toi ayeghi kinigha tsüchile nani, ipi Ampeu no pi.

HAGAYI 2:3

‘Nongu gholo püzüu chineki jukighilepu hipau ithulu püakemi khuu aphi kea? Itehi ye hipau kishi ithulu ani kea? Nongu nhethe lo hi ye kiumu kumphi kekumo?

ZEKHARIA 4:7

O naghuto kuloghi, no ye kiu kea? Zerubbabel zülo no ye külaqave nani. Pa no ashekhau tuqu pewo gho akelo timiqo no iqhaighu ‘Kimiyekini, Alhouw kimiyekini!’ ipi nani.”

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

Luke 1:50

Paw kimiyekini ye tiqheli no tiqheli kutolo Pa sümsa chekemi ghenguno ke.

JOSHUA 6:10

Ikemu Joshua no timiqo ishi azah tsü, “Nongu ye igha kevilo momu nongu sütsa chilu pe kevilo. I no nongu vilo igha lopi azah tsü moke kutolo, atsa lakhimu nongu kichi lono ipeghi kevilo. Eno azah tsüke tsalani no nongu no ighamku lo.”

JOSHUA 6:16

Eno ghuthu akütsüniu homxave kemtsa achinemi no afuko ighave kethiu, Joshua no timiqo vilo pi, “Ighalo, kughengu Ampeu no mishighüna hipau nongu tsüvae.

JOSHUA 6:5

Kughou panongu no ambetsü kibo lono kushuo ighani keno, eno nongu no ti afuko ghügha chilu keno, timi kümtsü no aghügha kije lono ighamku lo. Tishino mishighüna liwo ye ilaqive nani eno nongu no pütüta-a lono müzüchoi aphughi lo chesü iloni.”