EZRA 10:3 - Sumi Naga CL (Re-edited) Bible (BSI)

³ Ikehu I mpeu no kichemije tsükeu eno khunono ni Lhou zakütsü lo msa khokhoshi cheni keno, tipaqo kükümsü kiqi lono nino anipu eno atianuli hi kümtsü pheveni ke ni Lhou sasü puloshoqhi shini nolo, eno ti ye Ayezah kiqi lono shinie.

BAIBEL (BSI)

³ Tighenguno ninguno ni Lhou zulo tushoqhi ghi pi ani, nino ni nipu anuli pheveni, nino nono pikeu eno niLhou yehza sumsa kichemiqono pikeu kukutsu papenie. Alhou yezahlo shilo pikeu ninguno shinie.

EZRA 10:3 Iomraidhean Croise

KUKAMI AKINIU 11:17

Jehoiada no Ampeu eno akükau ngo timiqo dolo puloshoqhi shipe, ti ye panongu ye Ampeuw timi shinie pikeu shoqhi, eno akükau ngo timiqo dolo ghi shipe.

YEKIKITHI AKINIU 29:10

Itehi Ampeu, Israel Lhou sasü puloshoqhi shinike I no xatha luvae, tishianguno Pa xukighide ningu launo tave peni.

YEKIKITHI AKINIU 30:12

Alhou no Judah timi pelo amlo lakhi shino akükau ngo paw hiyampemi Ampeu tsa ikhilu penike akümla shive.

YEKIKITHI AKINIU 34:21

“Wulo, eno kaku hipau lo yepüa keu kiqi lono I ghenguno eno Israel ngo Judah lo akeqo ghenguno Ampeu pütsa julo. Ampeu ye ningu lau shishe aloghu ide ani, kughengu ni puasüqo no kaku hipau lo shilo pikeu pape move ke.”

YEKIKITHI AKINIU 34:27

aphughi hipau eno hile xüküami shou Ampeu no pikeu tsaqo nono chilu kelo, nono kuchunipe o phimini süxü no I zülo mloqa keu Ni ghi chiluvae, ipi Ampeu no sheshu ani.

EZRA 10:11

Ikehu itehi ye Ampeu, no puasüqo Lhou lau axine piphelo eno Pa pulou shilo. Aghakhu lo ashiayeqo eno inaghalimi nipuqo launo nongu pesü kütüta shivelo.”

EZRA 10:44

Hipaqo kümtsü inaghalimi sasü akibo shive, eno totimi khami ye atianuli ghi punuve.

EZRA 10:9

Tileno Judah ngo Benjamin timi kümtsü atsala küthü dolono Jerusalem lo hekütsü luve. Ti ye aqhi atokuu lo atsala amkuu shiae. Timi kümtsü no hipau vehu ghenguno eno tsütsüghu kije ghuqhi akeu ghenguno thüthüshi Alhou ki khalau iqa luve.

EZRA 9:4

Tishino I no avela ghakishi kutolo apuchopungo iqa akelo Israel Lhou tsa chilu no khokhoshi chekeqo no akughu lono ideighi kemi küpülü küküha ghenguno I sühope ngove.

NEHEMIA 10:1

“Jemchi shikeu ye Hacaliah nu angh Nehemiah, pa shelo Zedekiah,

NEHEMIA 8:14

Ampeu no Moses vecheo Israelmi vilo aqhi akütsüniu ghulhu ye apusho lo ngono pini masae pi azah tsükeu panongu no Ayezah lo yepüaghi keu ithulu,

NEHEMIA 9:38

“Hi kümtsü ghenguno ningu no puloshoqhi akumto hi yepeqhi ani, eno niw sakiphemi, Levimi, ngo achinemi je pesü kaku lo jemchi shipuku püani.

LESHELE 119:120

O msa kelauno I phi I shi no khokhoshi ke, ni ye Ow küghakütha msa cheni.

LESHELE 119:59

Kughou I no I laghiqo kümsükutoju keno, I no I pukhune süqhepe O kükütsü küdau ighi ani;

ISAIAH 66:2

Hi kümtsü I u no mlake, tishino thokha kuchopu aghive, ipi Ampeu no sheshu. Ikemu Ni ye timi hitoi keu lau I mloqi nani: aqhokighemi eno aghungu lono xaide kemi eno I tsa sümsa chekemi.

ISAIAH 8:20

Ampeuw shiküka eno ashepe lulo! Panongu no hipau kiqi lono pimo aye, panongu ye alolo aküvü küha kemie.

EZEKEL 9:4

Ampeu no Pa vilo pi, “Jerusalem mishighüna qha kuchopu wulo, eno khunoqo no tile aphikümqhüpu shikeu ghenguno akümza eno amloghuju shi ani keno panoqo kishe lo amchipu lakhi shipuku lo.”

ZAKINIU 29:12

Nongu ye Ampeu nongu Lhou sasü puloshoqhi shinike ishi hile puthugho ani,

JOSHUA 9:6

Tishino panongu no Gilgal lo Joshua lau wuno Joshua ngo Israelmi vilo pi, “Ningu ye aghakhu kushuo lono chenike nongu pelo ni sasü visho shi penishi ani.”