EZRA 10:1 - Sumi Naga CL (Re-edited) Bible (BSI)

¹ Kughou Ezra no Alhou kilo qhoqhünhepe inikhu qa eno akipimi piphe keno, Israel lo kiptimi, totimi eno itimiqo kutomo no pa gholo kumqo luve, kughengu timiqo no kukhukimji shi qa ake.

BAIBEL (BSI)

¹ Kughou Ezra no akipimi piphe qaghi Israil Lhou zulo itsaiqi akighini shi akeno kiptimi, totimi eno itimi kumzapuno suhope pa gholo mlo qasue.

EZRA 10:1 Iomraidhean Croise

KUKAMI ATUGHIU 8:30

O qeu eno ow timi Israelmi no a-a hipau küdau juno inikhu kelo chilu tsülo. Eno kungugha lo O kungo-a lono ini tsüno ni kipimi qhitsü lo.

KUKAMI ATUGHIU 9:3

Ampeu no pa vilo pi, “I no o kighini eno nono khukeu chiluvae. Nono aki khikhi shiqhe keno tipau shikimtheve tsüae eno alholo ghenguno I je tile qhivae. I nhethi ngo I mlo ye ado kümtsü lo tile aniae.

YEKIKITHI AKINIU 20:13

Tile Judah timi kümtsü no pano nga kughunu, anipu eno atianuli sasü Ampeu zülo puthugho ae.

YEKIKITHI AKINIU 20:9

‘Amhekiqi, azütakikihi, püsa, püqümiye, ningu shou ikughi aye, nino aki hipau zülo eno o zülo puthughoni—kughengu O je ye aki hipau lo ani—eno ni ghime lono O lau ighamku kelo Nono chilu tsüno ni xalu nani.’

EZRA 10:6

Tithiu Ezra ye Alhou ki lono idechilesü Eliashib nu Jehohanan chebo lo wuve, pa ye asho chumo eno azü ghi yemo no putho tsala puwove kughengu pa ye haphe sawuve no ideighi kemi küpülü küküha ghenguno mloqa ae.

NEHEMIA 1:4

I no tipa tsa chilu kemtsa iqi iqa no qauve eno atsala kutomo mloqave, I no tamo kümvü püzü kungugha Lhou lau inikhu.

NEHEMIA 1:6

O qeu no akighini shi akeu chilutsü penike, O kini kughope tsaqüi inilo eno o nhethi tsükhope ngo tsülo, kughengu I no O lau putho pucho O qemi Israelmi ghenguno inikhu ani. Eno I no piphe anike ningu Israelmi no pimivae eno O zülo axine shivae. Ni ampi eno I puasüqo ghi axine shivae.

NEHEMIA 10:28

“Timi kütami, achinemi, Levimi, khagho khemi, alephemi, achineki lo aqemi eno Alhou Yezah gholu no ni yeghi lo inaghami launo kütüta shiluve kemi kümtsü, pano nipu nuliqo eno asüqe ithive kemi ngo vethakulumi

NEHEMIA 8:9

Angh Nehemiah ngo Achineu Ezra gholo Ayezah kiyemi eno timi shika akeqo Levimi no timi kümtsü vilo pi, “Atsala hipau ye nongu Lhou Ampeu lau akimthe shikeu tsalae, tighenguno mloqa momu ighaqa kevilo.”

LESHELE 119:136

I nhezü no aghoki toi qoani, kughengu timi no O yezah pape movae.

LESHELE 32:5

I no I xine O lau pipheve eno I kipimi küsümoe; I no pi, “I kipimi Ampeu lau pipheni,” eno Nono I xine kipimi qhivetsü.

JEREMIYA 13:17

Ikemu nono inimo aye, o qheküza ghenguno I ngulho no tuqhou no qa nani; I nhethi lono kukhukimji shi anhezü ipeghi qa nani, kughengu AMPEUw timi loji ye akughu lo sawuveni ake.

JEREMIYA 9:1

O, I kütsü no azükikhe, eno I nhethi no azüpuki shi aghike aye, Iw timi ghiqhive keqo ghenguno putho pucho qa ani cheke!

DANIEL 9:20

I no atsa pi eno akighini shi, I xine eno Iw timi Israelmi xine piphe, eno I Lhou kimthe toghi ghenguno I no qhüiniju akeu Ampeu I Lhou zülo süghi akelo,

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.

ZEKHARIA 12:10

“I no David laghami eno Jerusalem lo küami shou kimiyekini ghungu eno küpükini kighini lepuku tsü nani, tishianguno kughou panongu no I shou jupukuni, pano no qhuqhive keu shou jupukuni keno, panongu no anu lakhi likhi akeu ghenguno mloqa akeshi pa ghenguno mloqa nani, eno anu anoghiu ghenguno kukhukimji shi qa keshi nani.

MATTHEW 3:6

eno panoqo xine piphe kelo pa no Jordan ghoki lono baptiz shitsü che.

Luke 19:41

Kughou Jisü no kupunu ighi no Jerusalem ithulu keno, pa no tipa ghenguno mloqa

Apostolmi 10:30

Cornelius no pi, “Ishi bidi shive ake hipa tüqhüdo avelau ayi küthü kihelo, ni ye I ki lono akighini shiae. Tile timi lakhi metsüghoike phimini pepusü I zülo ipeghi,

Apostolmi 21:5

ikemu atsala tove kethiu, ningu ye wuve. Panongu no anipu anuli kümtsü sasü aphughi khalau no ningu phepuwu. Eno azüghimkü lo qhoqhünhepe ningu no inikhuve

Rommi 9:2

ike ni ye amloksa kije eno tamomithe iju keu huno I lolo ani.

ZAKINIU 31:12

Kiptimi, totimi, atianuli, eno no aphughi lo kachenami kümtsü kukumqo no ti chilupe, eno Ampeu nongu Lhou sümsani keu ithi no Ayezah hipau pape pelo.

JOSHUA 7:6

Tileno Joshua ngo Israelmi sakiphemi no amlo küsashi pano kuuphi süxüve no Ampeuw Puloshoqhi bohu zülo ikiqi avela kutolo ihi auve. Panongu no ayeghimkhu pesü pano kütsü lo lepuku.

JOSHUA 8:35

Ahoho lo Israelmi akemi, totimi eno itimi ngo kachenami kümtsü lau Moses no azah tsükeu lakhimu qhimono Joshua no kümtsü phisüe.