EZRA 1:2 - Sumi Naga CL (Re-edited) Bible (BSI)

² “Persia kükau Cyrus no ishi piani: Ampeu, kungugha Lhou no ayeghiqha lo kükaqha kümtsü I tsüvae, eno Pa no Jerusalem, khikhi Judah lo ani keno, tile Pa ki shiqhe peniye azah I tsüvae.

BAIBEL (BSI)

² “Cyrus akukauno hitoi pi ani, kungugha Lhou no ayeghilo yehpe kuka itsuvae eno Juda yeghilo Jerusalem lo pa ghenguno achineki lakhi shitsu lopi ipichevae.

EZRA 1:2 Iomraidhean Croise

KUKAMI ATUGHIU 8:27

“Ikemu Alhou ye kuchou no ayeghi lo xünani keshea? Kungugha akiqheu thotsü O ghenguno ililai moke I no aki hipau shipüa keu ye kishita tülalo kelae!

YEKIKITHI AKINIU 2:12

Hiram no highi pi, “Atsütsü eno ayeghi lhokeu Ampeu Alhou sheqhelo, kughengu Pa no alokütsü nu pesü shiye kuloghi shou ka penike David tsüe. Khuu tsükhüi eno shitsa keno, pa no Ampeu chineki eno pa kükaki shiniye kuto anie.

EZRA 1:5

Tithiu Judah eno Benjamin shiaye lo ali tomi, achinemi ngo Levimi, eno Alhou ghungu no khunoqo xukutho keno, panoqo no ithuve no Ampeu ki khikhi Jerusalem lo ani keno, tipau shiqhe kitheni ke iqhove.

EZRA 3:7

Ikehu panongu no atu ngo asü kümlamiqo pisa tsü, eno Persia kükau Cyrus launo puloza ithulu ketoi Lebanon lono cedar süboqo pewo azüghi lono Joppa lo yipe piqitsü penike chuqu-kusho ngo thazü pesü Sidonmi ngo Tyremi tsüe.

EZRA 4:3

Ikemu Zerubbabel, Jeshua eno Israel lo kütami ali tomi no panongu vilo pi, “Ningu no ni Lhou ki shiqhe akeu lo nongu ye kiumu shi akepu kühae; ikemu Akükau Cyrus, Persia kükau no azah ningu tsüke toi, ningu likhi no Ampeu, Israel Lhou ki shiqhe nani.”

EZRA 5:15

eno pa vilo pi, “Abohu hipaqo luvelo, wuno tipaqo Jerusalem chineki lo qhivelo, eno Alhou ki ye tipa-a lo shiqhe kithelo.”

EZRA 6:10

tishianguno panongu no kungugha Lhou mlokiqipu shi aghakishi tsülu nani, eno akükau ngo pa nuliqo küxü ghenguno inikhu tsü nani.

EZRA 6:3

Akükau Cyrus mpe atüghüu lo, akükau Cyrus no xaküthaza lakhi tsü: Alhou ki Jerusalem lo akeu ghenguno, a-a khileno aghakishi mlla cheni keno aki tipau shiqhe kithelu pelo eno tipa boqhaqo gholuve pelo. Akiqhelau auxakuchho muku tsüni eno akijelau auxakuchho muku tsüni,

EZRA 7:12

“Artaxerxes, kükamiqo kükau no achineu, kungugha Lhou Yezah kükütsüu Ezra lau ye ani, aloino alo. Itehi

NEHEMIA 1:4

I no tipa tsa chilu kemtsa iqi iqa no qauve eno atsala kutomo mloqave, I no tamo kümvü püzü kungugha Lhou lau inikhu.

NEHEMIA 1:5

Eno I no pi, “O Ampeu, kungugha Lhou, No ye akighiche eno akughushu Lhou, khunono O zakütsü pecheni keno Nono Ow puloshoqhi eno iqemokeu kikimiye piye cheni.

LESHELE 136:26

Kungugha Lhou lau shikimthi keu tsülo, kughengu Paw iqemokeu kikimiye ye alholo acheni.

LESHELE 85:2

Nono Ow timi kipimi qhitsüe; Nono panoqo xine kümtsü jonhave tsüe.

AHOLE 21:1

Akükau mlo ye Ampeu u lo aghoki zü aketoi, khilekhile mu Pa gholau no sawu cheni.

ISAIAH 41:2

‘Kipelau no aghütou saighikeu hiye khuu no kea? Pa nepa kümtsü lo tokulu no pape keu huye khuu kea? Pa no shiyeqo kütsakungovepe, tishikeu lono kükamiqo nedaqoda ke; pa zütakikihi no panoqo pesü ayeghimkhu toi shivetsü, eno paw shexilika no panoqo aghijini toi shivetsü ke.

ISAIAH 44:26

I qemi no asheazü tsa pikeu I no iqhikumto tsü cheni, eno I tsapemi mijekütsü shikupu tsü cheni, I no Jerusalem vehu ishi pi, ‘Tile timiqo küghünauve nani,’ Judah lo mishighünaqo vehu ishi pi, ‘Tipaqo ye shiqheve nani, I no ixapinyi akeqo shiqhe nani’;

ISAIAH 44:28

Khuu no no Cyrus vehu lo, ‘Pa ye I mbekheu, pa no I kimji kupulo kümtsü shikupu tsü nani’; eno Jerusalem vehu lo, ‘Li ye shiqheve nani,’ eno achineki vehu lo, ‘O boqha ye qhave nani,’ ipi kea?”

ISAIAH 45:1

Ampeu no Paw nukikishe Cyrus vilo ishi piani, I no pa pelo shiyeqo qhasü penike pa u ajeu tsüqü luvae, kükami pokha xaluve tsü, pa zülo ahukikhaqo khaqhi tsü, eno khaghoqo khapemo nike pi:

ISAIAH 66:1

Ampeu no ishi piani: “Kungugha no I kükalakhü, eno ayeghi no I pukhu kinepu ke; tishiaye nongu ye I ghenguno kiu toikeu ki shitsü luni kea? Eno kiutoi keu lo I pelo ngopeni kea?

JEREMIYA 10:11

Ikehu nono panongu vilo ishi pini: “Atsütsü eno ayeghi lhomo keu lhouqo ye atsütsü qholo eno ayeghi lono pühave nani.”

JEREMIYA 27:5

“Aküka kije lono eno au xachho pesü ayeghi mlano timi ngo tüghashi tile qhikeu ye I no ke, eno khukhumu I no achipishi ithulu keu lau ayekipe tsücheni.

JEREMIYA 29:10

“Kughengu Ampeu no ishi piani: Kughou Babylon lo ampe lhotsüni kupuveni keno I no nongu xuju nani, I shoqhi shikupu nani eno hipa-a lo nongu sachile saghi nani.

DANIEL 1:21

Daniel ye akükau Cyrus yepe mpe atüghüu kutolo tilau ache.

DANIEL 2:21

Pa no ado-aghuloki eno atusho kilivetsü cheni; Pa no kükami ikhive eno süküsü shi cheni; Pa no alokütsümi lau alokütsü tsü eno vethakulumi lau akighithi tsü cheni;

DANIEL 2:28

ikemu Khuu tuqhou küsü püakeu pephe piye cheni keno, Alhou hu kungugha lo ani, eno Pa no akükau Nebuchadnezzar lau ighini keu tsala lo shiniye akeu ithive apeke. O samo eno kungunhetsü nono o lüpa lo ihozü akelo ithulu keu ye hipaqo ke:

DANIEL 4:25

ike no ye timiqo gholono hapupove nani, eno o kungo-a ye aghasa lo tüghashiqo gholo shive nani. No ye amshitsü lakhi toi atsüni chuuve nani, atsütsü lo tsüzü no o pütsü nani, eno Shishe Akiqheu no timi kükaqha lo ayepe cheni eno tipau pesü khukhumu Pa no pulo keu tsüve chenie pi nono ithi moke kutolo kihiküthado tsüni no o hecheve nani.

DANIEL 4:32

eno no ye timiqo dolono hasasü wuve nani, o kungo-a ye aghasa lo tüghashiqo gholo shive nani. No ye amshitsü lakhi toi atsüni mzachupe nani, eno Shishe Akiqheu no timi kükaqha shou ayepe cheni eno tipau pesü khukhumu Pa no pulo keu tsüve cheni ipi ithi moke kutolo kihiküthado tsüni no o hecheve nani.”

DANIEL 5:23

ikemu kungugha lo Ampeu shou no ampi süqheke. Eno Pa kilo abohuqo o zülo süghipe eno no ngo o qholo ampemi, o nipuqo eno o nipu amishiuqo no tipaqo lono aji shomzüe. Nono ghükayi, ameshoyi, alazayi, ayi, asü-atu lhou, khunoqo ithulu chemo, chilu chemo, momu ithi chemo keno panoqo sheqheke, ikemu Alhou khuu u lo o tuthu ani, eno khuu no o laghi keno, nono gihu movae.

DANIEL 6:25

Tithiu Akükau Darius no ayeghi lo ashiaye, shiye, eno atsa jeli kümtsü lau yepuwu: “Aloino keu nongu lau küghüsü alo.

JONAH 1:9

Pa no pi, “Ni ye Hebrewmi lakhi, eno Ampeu, Khuu azüghi eno qhaike yeghi lhophe keno, kungugha Lhou hu sümsa chekemi.”