EZEKEL 9:6 - Sumi Naga CL (Re-edited) Bible (BSI)

⁶ Kitemiqo vejoi pithive lo, lhothemi eno ilimi, itimi eno topumi pithive lo, ikemu khunoqo shou amchipu ani keno tipaqo lakhimu bukevilo. Eno I chineki lono huthulo.” Tighenguno panongu no achineki lo akemi layemiqo launo huthu ke.

BAIBEL (BSI)

⁶ Kitemi na lhothemi na apumi ilimi na azaqo eno itimiqo namu ghiqhivelo’ ikemu timi khunoqo kishelo amichipu pu aghini keno tipaqoye lakhimu bukevilo. Ichineki hileno huthulo.” Ikehu panonguno Achinekilo tilehi sakiphemi puthugho akeqo shouno huthuve.

EZEKEL 9:6 Iomraidhean Croise

BOTHUBO 4:15

Tile Ampeu no pa vilo pi, “Tishimlae! Khuana no Cain heqhive aye, ghuthu tsüni pa shou amkhü lunani.” Eno Ampeu no amchipu lakhi Cain shou qhive, tishimo aye khukhumu pa ithulu keu no pa ghüza nosake.

YEKIKITHI AKINIU 36:17

Tighenguno Ampeu no Chaldeami kükau pelo panoqo levepe eno panow apumiqo akimthea lono ghiqhive tsü, apumi na ilimi na kiteküsümi namu, khumu küpümoe. Ampeu no kümtsü pa u lo süvetsü.

IPEKULU 12:23

Kughengu Ampeu no Egyptmi heqhini ke hechewu nani, eno kughou Pa no ahukikha tsükucho kini eno ahukikha lo aji ithuluni keno, Ampeu no ahukikha tipau heche wuve nani eno hekiqhiu pelo nongu pithi nike no kilo iloghi pemo nani.

JEREMIYA 16:6

Kijemi ngo kitilami ghi ayeghi hipau lono thinani. Panongu ye shiqhomo nani, khunomu pano ghenguno mloqamo nani, momu asa miyemo nani.

JEREMIYA 25:29

Kughengu julo, I no I je lono kukeu mishighüna lo amhekiqi kümla huthu kelo o ghime moveni keshea? O ghime nani pütsae, kughengu I no ayeghi lo küxümi kümtsü ghime nike azütakikihi ku ani, ipi aqokitikhi MPEU no sheshu.’

JEREMIYA 44:7

Itehi aqokitikhi MPEU, Israel Lhou no ishi piani: Nongu ye kushiye no shou alhoksa kümla kije hipau shi ani kea? Kushiye Judah lo kiptimi, totimi, itimi, eno anga kughunuqo lakhimu ghülu pemono kütsale keu süghi ani kea?

JEREMIYA 44:8

Kushiye nongu no xüuve niye ighikeu Egypt yeghi lo nongu ye kütau lhouqo lau axokütsüngü pesü mlla eno au no ajulho mlano I mlo shikighide ani kea? Nongu ye nongu ampi kütsave ani eno müsüinive keu shive no ayeghi lo shiyeqo kümtsü no cheqhi kepu vehu shivae.

JEREMIYA 6:11

Ikehu ni ye Ampeu loghu no chhitoi ani; ni ye ti süchile keu no lhovae. “Alaghila lo atianuliqo shou tipau lepuku lo, eno lhothemi kumqo akeqo shou ghi lepuku lo; akimi anipu gha, kichimi eno kitemi ghi, sasü wuve nani.

JEREMIYA 9:21

Ni lashe lo akithi iloghivae; niw kükakiqo lo iloghivae, tino alaghila lo ni tianuliqo eno kobidi-a lo lhothemiqo shou kütsale ighivae.

EZEKEL 11:1

Aghungu no I sünheqhepe Ampeu kilo khagho kipela küdau I saighi. Julo, khagho kulaghi lo timi muku pungu aghi. Panoqo gholo Azzur nu Jaazaniah, Benaiah nu Pelatiah eno timiqow sakiphemi ghi aghi keu I no ithulu.

EZEKEL 9:4

Ampeu no Pa vilo pi, “Jerusalem mishighüna qha kuchopu wulo, eno khunoqo no tile aphikümqhüpu shikeu ghenguno akümza eno amloghuju shi ani keno panoqo kishe lo amchipu lakhi shipuku lo.”

EZEKEL 9:5

Eno kütamiqo vilo Pa no pikeu I no chilu, “Pa papesü mishighüna hipau lo wuno ghiqhi lo. Nongu nhethi no juzüve kevilo eno nongu ye kikimiye piye kevilo.

AMUS 3:2

“Ayeghi lo ashiaye kümtsü dolo Ni ye nongu likhi ithie; tighenguno no xine ghenguno I no nongu ghime nani.

Luke 12:47

Aqeu khuu no pa mpeu pulou ithi akemu kutope khemove momu pa pulou kiqi lono mlaitha move keno, pa ghi hethapinyi ghime nani.

ZAKINIU 2:34

Tipa tüqhüdo lono ningu no pa phughi kümtsü leluve no kiptimi, totimi eno atianuli lakhimu püxü mono pithive tsü.

ZAKINIU 3:6

Ningu no Heshbon kükau Sihon lau shike toi ti kümtsü kütsave, eno kiptimi, totimi ngo atianuli pithi khavetsü.

ZAKINIU 32:23

“‘I no pano shou amhekiqipu süghi nani; panoqo shou I piji peitha nani;

2 Tim. 2:19

Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”

Piyeküsü 14:4

Timi hipaqo ye totimi sasü kikivi püamo kemi, kughengu panongu ye athathe aphie. Ambeti no khile khile wumu papeche keqo ye hipaqo ke. Hipaqo ye timi kümtsü gholono Alhou eno Ambeti lau amsüu xathi shi xachile luve keqoe,

Piyeküsü 7:3

pi, “Nino ni Lhou qemiqo kishe lo amichi shikhamla aphilo ayeghi momu azüghi eno asüboqo kütsa kevilo.”

Piyeküsü 9:4

Khunono akishe lo Alhouw michida küha keno tipaqo kumo aye ayeghi lo atsüni küxü momu asübo jeli kiumu shipüsa pemoni ke azah panoqo tsüpüa.

SAMUEL ATUGHIU 15:3

Itehi wuno Amalekmi lelo, eno pano no akeu kümtsü kütsave tsülo. Panongu püxü mono kiptimi totimi, itimi eno anga kughunu, amshitsü eno ambe, sayeshi eno khurha kümtsü ghiqhive lo.’”