EZEKEL 8:3 - Sumi Naga CL (Re-edited) Bible (BSI)

³ Pa no au jukimihi lakhi I küdau chhophe eno I kütsüsa lono ni pugho luve, eno Aghungu no ayeghi ngo kungugha dolo I sünheqhe luve no Alhouw kungunhetsü lono Jerusalem khagho kulaghi lo achebo alou ahuu küdau akeu lo anhekushu julho lakhü, khipau no anhekushu xukutho akeno tilau I sasü ighi.

BAIBEL (BSI)

³ Pano au lakhi toikeu chhopuwo puzu ikutsusa lono itsuquluve. Kungunhetsu hipau lono Alhou ghunguno amlhu kunguu ipeqheluve eno Jerusalem lo isawuve. Pano Achineki lo ilochekeu ahuu kikha alou Alhou loghu kighide pushi ajulho qhipuakeu alo isa ilove.

EZEKEL 8:3 Iomraidhean Croise

KUKAMI ATUGHIU 18:12

I no o launo wuve kemtsa Ampeu Ghungu no o khapesü I no mthake-a lo wuve nani. Ikehu ni o qeu ye I lhothe lono Ampeu sümsa ighive akemu, I no Ahab vilo ti pive no pa no o phumlave aye, pa ye I pithive niae.

KUKAMI AKINIU 16:14

Alazayi kümlla-khache Ampeu zülo achekeu khikhi achineki zülo paw akümlla-khache ngo Ampeu ki küma dolo ache keno, pa no ti ikhipe akümlla-khache ahuu qhive.

KUKAMI AKINIU 2:16

Panongu no pa vilo pi, “Julo, hile o qemiqo akumtomi lhopungu ani. Kimiyeno panongu pelo wuno o mpeu phuwu pelo. Ampeu ghungu no pa xapuwo khileala naghuto momu akhila lo qhipüaghi luvike.” Elisha no khochile, “Puwu kevilo.”

KUKAMI AKINIU 21:7

Pa no Asherah julho mlape Ampeu chineki lo qhi, tipa chineki vehulo Ampeu no David ngo pa nu Solomon vilo pi: “Israel shiaye kümtsü gholono I no kishelu keu ki hipau lo eno Jerusalem lo, I no alholo ghenguno I je qhinani.

LESHELE 78:58

Kughengu panongu no pano lhou pesü Pa xukutho ke; pano julho kümlla huno Pa pelo anheshuve peke.

IPEKULU 20:4

“Nongu ye no sala ajulho mlape qhimoni, momu kunguu atsütsü lo momu aqhou ayeghi lo momu ayeghi qhou azü lo kiu kimihimu mlape qhimoni.

IPEKULU 20:5

Nongu ye tipaqo lau pishiqho moni momu tipaqo qemoni, kughengu Ni Ampeu nongu Lhou ye anhekushu Lhou kehu apu khunono I mithi cheni keno pano xine ghenguno atianuli aküthüu eno abidiu tiqheli kutolo xuju ighi chenie,

IPEKULU 34:14

(kughengu nongu ye alhou kütau mllamo nani, kughengu Ampeu, khuu je Anhekushu keno, Pa ye anhekushu Lhou ke),

JEREMIYA 32:34

Panongu no I je lono ku keu ki shikitiqe nike aphikümqhüpu julho ghopeqhi.

JEREMIYA 7:30

“Judah nuliqo no I zülo alhoksa kümla shivae, Ampeu no asheshu. Panongu no I je lono kukeu ki shipixive tsünike kuchhube keu thimeqo ghope qhie.

EZEKEL 1:1

Atsala apunguu, aqhi abidiu, ampe chighiaküthüu lo, ni ye Khebar züla lo haphe sawuve kemi gholo ae, tile kungugha kokiyeve eno I no Alhouw kungunhetsü ithulu.

EZEKEL 10:3

Tipau dolo cherubim ye achineki apeu puthugho ae, kughou timi huno tipau lo ilove keno, khüngküsü no achebo alou chhitoive.

EZEKEL 11:1

Aghungu no I sünheqhepe Ampeu kilo khagho kipela küdau I saighi. Julo, khagho kulaghi lo timi muku pungu aghi. Panoqo gholo Azzur nu Jaazaniah, Benaiah nu Pelatiah eno timiqow sakiphemi ghi aghi keu I no ithulu.

EZEKEL 11:24

Alhou Ghungu huno I süqhe luve eno kungunhetsü lono I sasü Chaldea lo haphe sawuve kemi gholo ighive. Tishino kungunhetsü khikhi I no ithulu keno tino I zülono kunguu ikuve.

EZEKEL 2:9

Kughou I no jupuwo keno au lakhi I küdau chhopuwo, eno julo, liküküzü kaku lakhi tipau lo aghi.

EZEKEL 3:12

Tithiu Aghungu no I sünheqhe luve eno I thiu ayeghi küghütha kije lakhi sütsa I no chilu: “Tipa-a lono Ampeu juküvü sheqhelo!”

EZEKEL 3:14

Aghungu no I peqheluve eno I sawuve, eno ni ye kukhukimji shive, Ampeu u no I shou akumto shi ikughive ke.

EZEKEL 37:1

Ampeu u no I shou ae, eno Pa no Ampeu Ghungu vecheo I sasü akhila mta lo qhive; ti ye asaghi no chhitoi ae.

EZEKEL 40:2

Kungunhetsü lono Alhou no Israel yeghi lo I saighi, eno shishe qhemghai keu naghuto lo apeu küdau mishighüna shiqhe aketoi keu-a lo I küghüqa.

EZEKEL 43:5

Aghungu no I sünheqhe luve no I sasü akikhala alou lo iloghi; eno julo, Ampeu juküvü no achineki chhitoive.

EZEKEL 43:8

Kükami no achineki kisheqho ngo ahukikha tsükucho shipe qhike, ikemu Ni eno nongu dolo akuptu likhi ani. Panongu no kuchhube kütsüla kümla shikeu lono I je kimthe shipixi kehu I no I loghu lono panoqo kütsave ke.

EZEKEL 5:11

Tighenguno Ampeu no asheshu, I no xü aketoi, nonguw aphikümqhüpu eno kuchhube kütsüla kümla vecheo nongu no I chineki shikitiqevae, tighenguno Ni ye Iw kikimiye ikhichile luveni eno amloighi nongu jumo momu akipimi qhitsümo nani.

EZEKEL 7:20

Panongu ye panow jukivi chiku-chila pesü qheza eno tipau pesü panow aphikümqhüpu julhoqo eno niqhinilai keu juthoqo mlae. Tighenguno I no hipaqo pesü panoqo ghenguno mithekumo thime shive tsüni.

EZEKEL 8:5

Tithiu Pa no I vilo pi, “Timi nu, itehi ahuu küdau o nhethi tsüpuku lo.” Ikehu I no I nhethi tsüpukupe ahuu küdau jukelo ahuu akümlla-khache khagho kulaghi lo anhekushu julho hipau ae.

EZEKEL 9:2

Eno julo, khagho ahuu küdau no timi tsügho ighi, milakhikhi no pütüta u lo heqhi-ghiqhi chekeu ghünanu peche, eno panoqo gholo timi lakhi phepheike phi pepu ae, yepuku kepu pesü pa chita lo khapu ae. Eno panoqo no alou ilo no akümlla-khache alazayi no shikeu zülo puthugho luve.

DANIEL 10:10

Eno julo, au lakhi no I bu, eno I pukhu ngo I khonhe no khokho shive.

DANIEL 10:18

Itaghi timi ju kimihi lakhi no I buno I shikumtove.

DANIEL 5:5

Paikhavi timi uloti ipeghi no kükaki lo akupuwu mushuda püakeu, akulu kibepu ghüngü lo yepuku. Eno au no yepuku akeu akükau no ithulu.

Apostolmi 8:39

Kughou pama no azü lono ipeghi keno, Ampeu Ghungu no Philip sawuve, eno shoko huye pa ithumlave kemu alokivi shi cheve.

ZAKINIU 32:16

Panongu no inami lhou pesü Ampeu pelo anheshupe; aphikümqhüpu pesü Pa loghu shikighide.

ZAKINIU 32:21

Panongu no alhou kumo keu pesü I pelo anheshupe; panongu no ajulho pesü I mlo shikighide tsüe. Ikehu I no pano pelo kiumu kumo kemi jupe anheshu peni; mbomzü shiye sawo pano mlo shikighide tsüni.

ZAKINIU 4:24

Kughengu Ampeu nongu Lhou ye amiküqü eno anhekushu Lhou ke.

ZAKINIU 5:9

Nongu ye tipaqo zülo pishiqho momu qemoni; kughengu Ni Ampeu nongu Lhou ye anhekushu Lhou, I mithi kemi tianuli lau tiqheli aküthüu ngo abidiu kutolo aghime süghi cheni.

ZAKINIU 6:15

kughengu Ampeu nongu Lhou nongu gholo akeu ye anhekushu Lhou ke, Pa no nongu shou amloideve no ayeghi lono nongu püghave nosake.

JOSHUA 24:19

Ikemu Joshua no timiqo vilo pi, “Nongu ye Ampeu qelumo nani, kughengu Pa ye akimthe Lhou ke. Pa ye anhekushu Lhou; Pa ye nongu no hebideve keqo momu nongu xineqo qhitsümo nani.