EZEKEL 7:4 - Sumi Naga CL (Re-edited) Bible (BSI)

⁴ I nhethi ye nongu juzüvemo momu Ni ye amloighi monani, ikemu nongu gholo aphikümqhüpu ake lono I no nongu kümla ghenguno nongu ghime nani. Tileno nongu no Ni ye Ampeu kepi ithi nani.

BAIBEL (BSI)

⁴ Niye nongu phepupoveni chemoe momu kimiyeqhiyini chemoe. Nonguno kuchhube keu jeli shiveke ghenguno niye nongu ghimeqhini cheni tishi anguno niye AMPEU kepi nonguno ithi nani.”

EZEKEL 7:4 Iomraidhean Croise

JEREMIYA 13:14

I no apu-anu dolo lakhino lakhi ghadaqhi kilepe nani, ipi Ampeu no sheshu. Ni ye panongu kütsamo no amlo ighiqhiyi püxüve momu kimiyeqhiyi keu shimo nani.’”

JEREMIYA 16:18

Ikemu I no pano kipimi eno axine küghüsü no lochile paghini aphi, kughengu panongu no akimthipu julho kithi kumoqo pesü I yeghi shipixi, eno aphikümqhüpu jeli pesü I mheghi yeghi chhitoive tsüke.”

JEREMIYA 25:14

Kughengu shiye kutomo eno kükamiqo no pano küghape aqüaxemi shinani, I no panongu kümla eno panongu u no mlakeu kiqi lono lochile nani.”

EZEKEL 11:21

Ikemu khuno mlo no aphikümqhüpu thime ngo kuchhube kütsülaqo pape cheni keno I no panoqo kütsü shou pano kümlaqo lepukutsü nani, ipi Ampeu Alhou no asheshu.”

EZEKEL 12:20

Küghüna akeu mishighünaqo ye kütsave nani, eno ayeghi ye küghüküghaleive nani; eno nongu no Ni ye Ampeu kepi ithi nani.”

EZEKEL 16:43

Kughengu nono o lhothe tsalaqo kümsü move, ikemu thime hi kümtsü vecheo I mlo shikighideve ke, tighenguno julo, I no o kümlaqo pesü o kütsü shou shekichile shipukuve tsü kepi Ampeu Alhou no asheshu. No ye ow aphikümqhüpu kümla kümtsü shou asalha pesü shoqabe ke kumo keshea?

EZEKEL 22:31

Tighenguno I no I loghu panoqo shou lepuku ke. I no I loghu miküqü pesü panoqo pitive. I no panoqo laghi pesü pano kütsü lo lepuku tsü kepi Ampeu Alhou no sheshu.”

EZEKEL 23:31

No ye o fo laghi lo wuvae; tighenguno I no li jukhu pesü o u lo süvetsü nani.

EZEKEL 23:49

Panongu no nokujo salha pesü nokujo shou lepuku tsü nani, eno nokujo no asü-atu julho xine makho xapu nani, eno Ni ye Ampeu kepi nongu no ithi nani.”

EZEKEL 24:14

Ni ye Ampeu ke. I no piqhivae; tipau ye shikupu nani; I no tishi nani. Ni ye palokuto monani; Ni ye akipimi qhitsümo nani; Ni ye qhivemo nani; nongu laghi eno nongu kümlaqo kiqi lono nongu shou küghatha nani ipi Ampeu Alhou no sheshu.”

EZEKEL 33:29

Kughou panoqow aphikümqhüpu ghenguno I no ayeghi pesü küghüküghaleive tsüni keno tileno panongu no Ni ye Ampeu kepi ithi nani.

EZEKEL 5:11

Tighenguno Ampeu no asheshu, I no xü aketoi, nonguw aphikümqhüpu eno kuchhube kütsüla kümla vecheo nongu no I chineki shikitiqevae, tighenguno Ni ye Iw kikimiye ikhichile luveni eno amloighi nongu jumo momu akipimi qhitsümo nani.

EZEKEL 6:14

I no panoqo shou I u chhopuwo nani, asayeqha lono Riblah kutolo panongu no küghüna akeu kümtsü küghüküghalei shipüsave tsü nani. Tileno panongu no Ni ye Ampeu kepi ithi nani.”

EZEKEL 6:7

Ghiqhive kemi no nongu dolo ikiqi nani, eno nongu no Ni ye Ampeu kepi ithi nani.

EZEKEL 7:27

Akükau no mloqae, yepemi no aghüthiküsü no küzüluve, ayeghi lo timiqo ye kichi kümsa keu lono anhü thizümüive. Panoqo laghi kiqi lono I no panongu lau mla nani, eno panow küghakütha kiqi lono I no panoqo shou küghatha nani, eno Ni ye Ampeu kepi panongu no ithi nani.”

EZEKEL 7:3

Itehi kishekha ye nongu shou ighivae, I no I mlokighide nongu shou puwu nani; I no nongu laghi kiqi lono nongu lau küghatha nani, eno nonguw aphikümqhüpu kümtsü ghenguno I no nongu ghime nani.

EZEKEL 7:9

Eno I nhethi ye nongu juzüvemo nani momu Ni ye amlosa qhiyi monani. Aphikümqhüpu no nongu gholo aphi lono I no nongu kümla ghenguno nongu ghime nani. Tileno nongu no Ni ye Ampeu nongu ghimeqhi keu kepi ithi nani.

EZEKEL 8:18

Tighenguno Ni ye aloghu pepheniae. I nhethi ye panoqo juzüvemo nani, momu Ni ye amlosa qhiyi monani. Eno panongu no asütsa kuloghi lono I kini lo ighasü anamu, I no panoqo ghügha chilu tsümo nani.”

EZEKEL 9:10

Ikemu I ghengu ye, I nhethi no juzüve monani, momu Ni ye amlosa qhiyi monani; I no panoqo kümla pesü panoqo kütsü shou betsü nani.”

HOSIYA 12:2

Ampeu no Judah nguku ani Jacob no mla püakeu kiqi lono pa ghime nani; pa kümla kiqi lono tsüchile nani.

HOSIYA 9:7

Aghimepu tsalaqo ighivae; lokichile ghuloki ighivae; Israel no tipau ithi nani. Tungkupu huye mbomzüe; aghungu lo timi ye aghüzüe, ti ye nongu xine kije eno akimthi kije ghenguno ke.

AMUS 7:8

Eno Ampeu no I vilo pi, “No ye kiu ithulu ania Amos?” I no pi, “akimghitu.” Tile Pa no pi, “Julo, I no Iw timi Israelmi gholo akimghitu qhitsü ani; Ni ye khilemu panoqo juzüve ghi hechewu kithemae;

ZEKHARIA 11:6

Kughengu hipa ghakhu lo küxümiqo lau Ni ye küpükeu kühavae, ipi Ampeu no asheshu. Julo, I no timi lakhikhi pelo pa kisüghüu u lo, eno pa kükau u lo ikiqi ilovepe nani, panongu no ayeghi kütsale nani, eno Ni ye panongu u lono khumu xaphemo nani.”

IBRIMI 10:30

Kughengu khuu no, “I no amkhülu nani; I no lochile nani,” eno itaghi, “Ampeu no Paw timi shou küghatha nani,” ipi keno, ningu no Pa ithi ani.