EZEKEL 7:3 - Sumi Naga CL (Re-edited) Bible (BSI)

³ Itehi kishekha ye nongu shou ighivae, I no I mlokighide nongu shou puwu nani; I no nongu laghi kiqi lono nongu lau küghatha nani, eno nonguw aphikümqhüpu kümtsü ghenguno I no nongu ghime nani.

BAIBEL (BSI)

³ “O Israil, ashekha hu ighivae. Nonguye iloghu puniake kughengu nonguno kiu shipuani keno tipau ghenguno ino kughatha beni chenike. Nonguno kuchhube keu kumla shike ghenguno ino olochileni cheni.

EZEKEL 7:3 Iomraidhean Croise

BOTHUBO 6:13

Alhou no Noah vilo pi, “Timi lhoxü kümtsü kishekhave tsüni keu shivae, kughengu panoqo vecheo ayeghiqha ye hekiqhi ghikiqhi no chhitoivae. Julo, I no ayeghi gholono panoqo kütsave nani.

ISAIAH 47:7

Nono pi, “Ni ye alhokupuju kükaliu shi anani,” ikehu no ye hipaqo amlo lo qhimoe momu ashekha lo kishive nani keno kümsü moe.

JEREMIYA 13:14

I no apu-anu dolo lakhino lakhi ghadaqhi kilepe nani, ipi Ampeu no sheshu. Ni ye panongu kütsamo no amlo ighiqhiyi püxüve momu kimiyeqhiyi keu shimo nani.’”

EZEKEL 11:21

Ikemu khuno mlo no aphikümqhüpu thime ngo kuchhube kütsülaqo pape cheni keno I no panoqo kütsü shou pano kümlaqo lepukutsü nani, ipi Ampeu Alhou no asheshu.”

EZEKEL 16:38

Topumi küsalhami toi I no o lau küghathabe nani, aji peleve keu ye küghatha nani, eno aji pele keu loghu ngo anhekushu o shou lepuku nani.

EZEKEL 16:43

Kughengu nono o lhothe tsalaqo kümsü move, ikemu thime hi kümtsü vecheo I mlo shikighideve ke, tighenguno julo, I no o kümlaqo pesü o kütsü shou shekichile shipukuve tsü kepi Ampeu Alhou no asheshu. No ye ow aphikümqhüpu kümla kümtsü shou asalha pesü shoqabe ke kumo keshea?

EZEKEL 16:59

“Kughengu Ampeu Alhou no ishi piani: Nono mlave ketoi I no o lau shinani, no ye puloshoqhi kubove keu vecheo küthakügha shivae,

EZEKEL 18:30

“Tighenguno, O Israel laghami, timi lakhikhi shou pütüta laghi kiqi lono I no küghatha nani, Ampeu Alhou no asheshu. Xaidelo, eno nongu xine kümtsü lono tsüghüve lo, tikumo aye axine no nongu kütsakungove nosae.

EZEKEL 21:25

O, mithekumo kixikilau, Israel kükapuu, o ghime ashekhau do, o tsala ye ighivae,

EZEKEL 22:31

Tighenguno I no I loghu panoqo shou lepuku ke. I no I loghu miküqü pesü panoqo pitive. I no panoqo laghi pesü pano kütsü lo lepuku tsü kepi Ampeu Alhou no sheshu.”

EZEKEL 24:14

Ni ye Ampeu ke. I no piqhivae; tipau ye shikupu nani; I no tishi nani. Ni ye palokuto monani; Ni ye akipimi qhitsümo nani; Ni ye qhivemo nani; nongu laghi eno nongu kümlaqo kiqi lono nongu shou küghatha nani ipi Ampeu Alhou no sheshu.”

EZEKEL 33:20

Ikeghi nongu no pi, ‘Ampeu laghi ye achipi kumoe.’ O Israel kibolomi, I no milakhikhi laghi kiqi lono kümtsü shou küghathabe nani.”

EZEKEL 36:19

I no shiye gholo panoqo kutholeve, eno panongu ye aghakhuqo lo apanagha wuve. Pano laghi eno pano kümla kiqi lono I no panoqo shou küghatha ke.

EZEKEL 5:12

Kikije küthü lo lakhi ye püsa lono thive nani eno püqümiye nongu gholo ighive no püghave nani; kikije küthü lo lakhi ye azütakikihi lono ikiqive nani; eno kikije küthü lo lakhi ye I no amülhü la kümtsü lo hale puwuve nani eno azütakikihi süjophe no panoqo pape ghiqhi nani.

EZEKEL 5:13

“Ikehu I mlokighide ye titoi ighi nani, eno I no I loghu panoqo shou lepuku no I likhi I ghapiqi nani. Panongu no Ni ye Ampeu kepi ithi nani, kughou I no I loghu kighide panoqo shou lepukuni keno panongu no Ni ye I nhekushu lono piqhi kepi ithi nani.

EZEKEL 7:2

O no timi nu, Ampeu Alhou no Israel yeghi vilo ishi piani: Kishekha! Ayeghi ako bidi shou kishekha ighivae.

EZEKEL 7:27

Akükau no mloqae, yepemi no aghüthiküsü no küzüluve, ayeghi lo timiqo ye kichi kümsa keu lono anhü thizümüive. Panoqo laghi kiqi lono I no panongu lau mla nani, eno panow küghakütha kiqi lono I no panoqo shou küghatha nani, eno Ni ye Ampeu kepi panongu no ithi nani.”

EZEKEL 7:4

I nhethi ye nongu juzüvemo momu Ni ye amloighi monani, ikemu nongu gholo aphikümqhüpu ake lono I no nongu kümla ghenguno nongu ghime nani. Tileno nongu no Ni ye Ampeu kepi ithi nani.

EZEKEL 9:10

Ikemu I ghengu ye, I nhethi no juzüve monani, momu Ni ye amlosa qhiyi monani; I no panoqo kümla pesü panoqo kütsü shou betsü nani.”

HOSIYA 12:3

Aza po lono pa no amu phitsü tsüqü luve tsü, eno pa no kichimi shive kethiu ye Alhou sasü kumjoe.

AMUS 8:2

Eno Pa no pi, “Amos, no ye kiu ithulu ani kea?” I no pi, “mütsü xathi ashoghi lakhi.” Tile Ampeu no I vilo pi, “Iw timi Israelmi shekuho ye ighivae; Ni ye khilemu panoqo juzü moae.