EZEKEL 7:18 - Sumi Naga CL (Re-edited) Bible (BSI)

¹⁸ Panongu ye yeqhiyephi pepu luvae, akümsa no panoqo küzü luvae. Panoqo gi lo akukujo likhivae, eno panoqo kümtsü aboghe ishovae.

BAIBEL (BSI)

¹⁸ Panonguno yeqhiye phi pepu puzu akumsano thuthu shi nani. Panoqo kutsusa miyelevetsu nani eno agilo akukujopu shi anani.

EZEKEL 7:18 Iomraidhean Croise

BOTHUBO 15:12

Khetsünhe iloche kelo, Abram ye ingufufui ighive no julo, akümsapu eno züchiyi keu kije pa shou ikughive.

JOB 21:6

Kughou I no kümsü luni keno ni ye thüghüive ani, I phi kümtsü süküthüuve anie.

LESHELE 35:26

Khunono I mhekiqi lo alovi akeno pano pelo akukujo lo ilove eno aghüthisüve pelo! Khunono I lachile ghi pano ampi sheqhe cheni keno akukujo eno küthakügha phimini pepu pelo!

ISAIAH 3:24

Tsüngqüi keu züqhulo kütsü-küma anani; apokha züqhulo akighi khapu nani; asa pili punike züqhulo boghesho shi nani; aphimini kivi züqhulo yeqhiyephi pepu nani; eno jukivi züqhulo aghüzaku xapu nani.

JEREMIYA 3:25

Ningu akukujo lono ihozüni, eno niw küthaküghapu no ni küzüluve peni nolo, kughengu ningu no Ampeu ni Lhou mjochile axine shivae, ningu eno ni puasüqo ghi, ni lhothe lono ishi kutolo ningu ye Ampeu ni Lhou tsa gholu move.”

JEREMIYA 48:37

“Kughengu panongu kümtsü akütsüsa miyevae eno pano kichimhi tsalevae. Panongu kümtsü u lo azaku puvae eno kümtsü no yeqhiyephi no achita khapu anie.

JEREMIYA 6:25

Alulo hu kevi momu alaghila lo cheche kevilo, kughengu ghüshimi u lo azütakikihi ani; aqha kümtsü lo akümsapu ani.

JEREMIYA 6:26

O Iw timi ngaqo, yeqhiyephi pepu no ayevu lo ihilo; anu lakhi likhi keu ghenguno mlo ketoi, kukhukimji shi mloqa lo, kughengu züleno hekiqhimi no ningu shou ikughuni cheni.

EZEKEL 27:31

o ghenguno panoqo no asa miyeve no yeqhiyephi pepuve, eno kukhukimji shi o kümsü qae.

JOYIL 1:13

Yeqhiyephi pepu no mlolo, O achinemiqo; igha qalo, O akiptia lo hukuthumiqo. Ilolo, puthotsü yeqhiyephi u lo, O I Lhou qemiqo! Kughengu athi eno atsaizü kümllagho ye nongu Lhou ki lono süchile luvae.

AMUS 8:10

I no now tiqhetini pesü akumlo shivetsü nani eno nongu le kungo pesü amloksa le shivetsü nani; I no yeqhiyephi pesü nongu chita lo khatsü nani eno nongu kütsü lono asa miye khave tsü nani; anu lakhi akeu thive kelo mloqa ketoi shipe nani eno tipau shekuho ye kukhukimji tsala toi nani.