EZEKEL 7:12 - Sumi Naga CL (Re-edited) Bible (BSI)

¹² Ado ye ighivae; atsala ye tovae. Qhülu akemi no alovi kevilo momu jelu akemi no mloqa kevilo, kughengu aloghu ye kümtsü shou ikughivae.

BAIBEL (BSI)

¹² Aghulokiye cheake. Atsalaye kupunu ighivae. Qhukemi na jekemi namu alokivishi momu amloksa shiakepu kuhake kughengu Alhou no kumtsu shou aphiphi shi ghimeqhi nani.

EZEKEL 7:12 Iomraidhean Croise

AHOLE 20:14

“Aloamoe, aloamoe,” aküqhümi no picheni ikemu pa no pewuve no aqheküza shi alhi saqhilu keu picheni.

ISAIAH 21:12

Pa no khochile, “Tsüthou chea kemu putho ghi chephi; nono inijuni shi aye itaghi ideighi no inijulo.”

JEREMIYA 7:20

Tighenguno Ampeu Alhou no ishi piani: I loghu ye a-a hipau lono panongu shou, timi eno tüghashiqo shou, aluza lo asübo eno axathiqo shou lepuku no pitive nani eno khilemu ghapinhe mla nani.”

EZEKEL 12:23

Tighenguno panoqo vilo pilo, ‘Ampeu Alhou no ishi piani: Aholetsa hipau I no kishekhave tsüni, eno Israel lo aholetsa shi hipau peitha move nani.’ Ikemu panoqo vilo pilo, Atsala ye kupunuvae, kungunhetsü kümtsü shikupu nani.

EZEKEL 30:3

Kughengu atsala ye kupunuvae, Ampeu tsala ye kupunuvae; ti ye khüngküsü no nhapho keu tsala, shiyeqo ghimepu tsalae.

EZEKEL 7:10

“Atsala hu julo! Julo, ti ye ighivae! Nongu kütsakungo keu tsala ighivae; aqheküsü ye puipeghivae; aqheküza ye mini ipeghivae.

JOYIL 1:15

Tipa tsala ghenguno ahae! Kughengu Ampeu tsala ye kupunuvae, ti ye Akughushuu launo kütsakungo ighi ketoi nani.

ZEFANIA 1:14

Ampeu tsala kije ye kupunuvae, punukhoi eno pai cheae; Ampeu tsala sütsa ye kukhukimji ke; tile akumtomi huno igha qae.