EZEKEL 7:11 - Sumi Naga CL (Re-edited) Bible (BSI)

¹¹ Kütsakungo keu no kixikila qheküsü toi thuwuvae. Panoqo khumu ghülumo nani, panow kupukuno na küakini namu kühave nani; panoqo gholo akighichemi kühave nani.

BAIBEL (BSI)

¹¹ Heqhi buqhikeu kusakugha shi thuwu iku anie. Tipaqo lakhimu panoqo ghenguno kuhave nani, panoqo kinikulu na aje kughushu na momu ajekipi shi akeumu lakhimu kuhave nani.

EZEKEL 7:11 Iomraidhean Croise

LESHELE 125:3

Kixikilami kükaküsü ye amikuchomi saje shitsü keu yeghi lo ayepe mla nani, tikumo aye amikuchomi ghi pano u xachhope akumou mlauve nosae.

LESHELE 73:8

Panongu no thogha eno axeküsü tsa picheni; tsütsüngoju ghi kütami qhasüni ye shikichi cheni.

LESHELE 78:64

Pano chinemi ghi azütakikihi lono ikiqive, eno chimemi no mloqa moe.

ISAIAH 14:29

O Philistia, nongu ghimeche keu küsü ichevae pi alovi kevilo, apighi kuhu lono tsütsüla ipeghi nani, eno pa ti no athicho pighi toi nani.

ISAIAH 5:7

Aqokitikhi MPEU tsailu ye Israel shiye, Judah lo küami no Pa lopushi chekeu sübo ke; Pa no panoqo launo kuchou xakütha laju kemu julo, ajikuqou ithulue; achipiu mikucho laju kemu julo, panongu no püqapunu chekemi küqau chilue!

ISAIAH 9:4

Kughengu Nono paw kuokhasü, abighi lo amakho puchekeu, pa qhaküsümi küsü kümtsü, Midianmi lau shike toi hechheve tsüae.

JEREMIYA 22:18

Tighenguno Ampeu no Josiah nu, Judah kükau Jehoiakim ghenguno ishi piani: “Panongu ye pa ghenguno mloqa ghi pimo nani, ‘Aha, I thiküzüu!’ momu ‘Aha, I chepu!’ Panongu ye pa ghenguno mlo ghi pimo nani, ‘Aha, Ampeu!’ momu ‘Aha, anguagha küau!’

JEREMIYA 25:33

“Tipa ghuloki lo Ampeu no heqhive kemi ayeghi shekha lono ashekha kutolo pekishe wonani. Panongu kümsü qamo, kumqomo, momu akumo shiqhomo nani, panongu ye tübatüzü toi ayeghi lo anani.

JEREMIYA 6:7

Azükikhe no azü tsüghükhüi qhitsü keshi, li no li lhoksa xüthilei hekütsü cheni; li gholo ngukangugha ngo kütsakungo keu likhi chilu cheni; küsükini ngo azakuqo ye alhokuthu I zülo ani.

JEREMIYA 7:34

Judah mishighünaqo lo ngo Jerusalem laghila lo akighilhe eno alokivi sütsa, külapuu eno külaliu lokivi sütsa kishekhave tsü nani, kughengu ayeghi ye pighiveni ake.

EZEKEL 45:9

“Ampeu Alhou no ishi piani: Kughomae, O Israel kükapumiqo! Ngukangugha eno qodaqhi keu phevelo, eno kuchou xakütha ngo achipiu mikucho shilo. Iw timi haleve chekeu tavelo, ipi Ampeu Alhou no sheshu.

EZEKEL 5:11

Tighenguno Ampeu no asheshu, I no xü aketoi, nonguw aphikümqhüpu eno kuchhube kütsüla kümla vecheo nongu no I chineki shikitiqevae, tighenguno Ni ye Iw kikimiye ikhichile luveni eno amloighi nongu jumo momu akipimi qhitsümo nani.

EZEKEL 5:4

Eno itaghi asa hami ikhilu no ami mta lo vesü no ami lono pitive lo. Tileno Israel laghami kümtsü lau ami ipeghi nani.

EZEKEL 6:11

Ampeu no ishi piani: “Nongu u kukhulo, nongu pukhu ti ghi pilo, Aha, Israel laghamiw aphikümqhüpu kixikila ghenguno panongu ye azütakikihi, püqümiye eno püsa lono ikiqive nani.

EZEKEL 7:16

Tsala khuana ghülu kemi no pokalu aye, panongu ye naghutoqo lo wuve nani, akhila lo amiqhi toi panongu milakhikhi no pütüta kipimi ghenguno mloqa nani.

EZEKEL 7:2

O no timi nu, Ampeu Alhou no Israel yeghi vilo ishi piani: Kishekha! Ayeghi ako bidi shou kishekha ighivae.

EZEKEL 7:23

“Ayikichhe iqiphelo! Kughengu ayeghi ye aji pele keu no chhitoivae eno mishighüna ye heqhi buqhi keu no chhitoivae.

EZEKEL 8:17

Pa no I vilo pi, “O timi nu, no ye hipau ithuluve akema? Israel laghami no aphikümqhüpu hilehi shi akeu ye thime aghulo lakhi kesheno panongu ye ngukangugha jeli ghi pesü no ayeghi hipau shepichhi eno itaghi I xukutho no alau I mlo shikighide ani kea? Julo, panongu ye ihulo keu shi I thaigha auvae.

AMUS 3:10

“Khunono anguka lono süxape sükusho-a lo püani keno,” “tipaqo ye kishi achipiu shini keno mthae,” Ampeu no pi.

AMUS 6:3

Nongu no amhekiqi tsala kushuo lo tuha puwuve eno kütsakungo keu lakhü aphivilo süghive ke.

MICAH 2:2

Panongu no aluzaqo mine eno süxa luve cheni, eno akiqo süxa luve cheni; timi kibolomi nedaqoda cheni, eno pano mheghi luvetsü cheni.

MICAH 3:3

Iw timi phiashi chuve tsüno pano philono ayiko lhavetsü, eno aliqu lo ashi süpüa keshi pano saghi kubopinyipe ali lo ghekucho süve tsüe.

MICAH 6:12

Now kinimiqo ye ngukangugha no chhitoi ke; xüküamiqo no alatsa picheni, eno pano mili ye pishikiqhie.

ZEFANIA 1:18

Ampeu loghu tsalani panow ghükayi momu ameshoyi nomu panongu xalu kepu shimo nani. Pa nhekushu mi lono ayeghiqha kümtsü pitileve nani; ayeghi lo küami ghenguno Pa no züleno thokha kishekhave tsü nani.

James 2:13

Kughengu khunono akipimi qhitsü moni keno küghakütha lo pano kipimi qhitsümo nani. Akipimi qhikütsü no küghakütha shou tokulu cheni.