EZEKEL 6:2 - Sumi Naga CL (Re-edited) Bible (BSI)

² “Timi nu, Israel lo naghutoqo küdau o gi kughopuwo lo, eno panoqo küla keu tungkuptsa pilo,

BAIBEL (BSI)

² “Thinikuau timio, Israil lo naghutoqo kudau jupuwu puzu itsape pesu panoqo tsulo.

EZEKEL 6:2 Iomraidhean Croise

EZEKEL 13:17

“Eno no, timi nu, ye ow timi ngaqo, khunoqo no panoqo mlo lotsü lono tungkuptsa pi keno panoqo lau o gi kughopuwo no lachile ghi tungkuptsa pilo,

EZEKEL 19:9

Ayikuho pesü akughu lo vesüve eno Babylon kükau lau saighi; pa pesü akughu shive, tishikeu lono Israel naghutoqo lo pa sütsa chilu pemoni ye shive.

EZEKEL 20:46

“Timi nu, ayeghi apeu o gi kugho piqilo; apeu akemi lachile ghi kütsüshika lo, eno apeu ghasüghave yeghi lachile ghi tungkuptsa pilo.

EZEKEL 21:2

“Timi nu, Jerusalem küdau o gi kughopuwo no akimthe-a lachile ghi kütsüshika lo. Israel yeghi lachile ghi tungkuptsa pilo

EZEKEL 21:7

Kughou panongu no o vilo, ‘Kushiye no ye mloqa ani kea?’ ipi aye pilo, ‘Sütsasüli ighini ye akeu ghenguno ke. Timi kümtsü mlo hauve nani, eno kümtsü u khokhoive nani; kümtsü ghungu aphi ije move nani, eno kümtsü khonhe no azü toi qeive nani. Julo, ti huye chenie, eno shikupu nani.’” Ampeu Alhou no asheshu.

EZEKEL 25:2

“Timi nu, Ammonmi küdau o gi kugho puwo no panoqo vilo tungkuptsa pilo.

EZEKEL 28:21

“Timi nu, Sidon küdau o gi kughopuwo no li lachile tungkuptsa pilo

EZEKEL 33:28

I no ayeghi pesü küghüküghalei amekühave tsü nani, li kumto qheküza kishekhave tsü nani, eno Israel lo naghutoqo agha itsüvepe nani tishikeu lono khumu katha move nani.

EZEKEL 34:14

I no atsüni kümtsha-a kivi lono panoqo loji nani, eno Israel lo naghuto kiqhe-a pesü panoqo sala achu kümza-a shivetsü nani. Panongu no tilau achu kümza yeghi lo ihozü nani, eno atsüni kümtsha-a kivi lono panongu loji nani.

EZEKEL 35:12

Eno nongu no Ni ye Ampeu kepi ithi nani. “Israel lo naghutoqo lachile nongu no küthakügha pikeu tsa kümtsü I no chiluvae, nongu no pi, ‘Panongu ye küghüküghaleivae; panongu ye kütsaleve penike tsüvae.’

EZEKEL 36:1

“Timi nu, no ye Israel lo naghutoqo lau tungkuptsa pilo, O Israel lo naghutoqo, Ampeu tsa inilo.

EZEKEL 37:22

I no Israel naghutoqo lo, pano yeghi lo panoqo pesü shiye lakhi shive tsü nani. Akükau lakhi no panoqo kümtsü kükau shinani, eno panongu ye shiye kini momu kükaqha kijetha pesü kini shimove nani.

EZEKEL 4:7

No ye Jerusalem leluve ke küdau o gi jupuwo lo, o u kümsa sükhope mishighüna lachile keu shi tungkuptsa pilo.

EZEKEL 6:1

Ampeu tsa I lau ighi:

JOSHUA 11:21

Tipa ghuloki lo Joshua no ighi no Anakim pesü naghuto lo aghakhu akeqo launo eno Hebron, Debir, Anab eno Judah lo naghuto ghakhuqo eno Israel lo naghuto ghakhu kümtsü launo kütüta shivetsü. Eno Joshua no tipaqo ngo panow mishighünaqo kütsave tsü.