EZEKEL 5:13 - Sumi Naga CL (Re-edited) Bible (BSI)

¹³ “Ikehu I mlokighide ye titoi ighi nani, eno I no I loghu panoqo shou lepuku no I likhi I ghapiqi nani. Panongu no Ni ye Ampeu kepi ithi nani, kughou I no I loghu kighide panoqo shou lepukuni keno panongu no Ni ye I nhekushu lono piqhi kepi ithi nani.

BAIBEL (BSI)

¹³ “Noye imlo kighide ngo ixukighide kumka kumtsu ithi nani tiye ino ighaqivemoke kutolo tishi nani. Kughono hipaqo kumtsu shini keno tileno nonguno ni, AMPEU no nongu vilo pikepi mutsumishei ithi nani, nongu mikuchokumo lo niye shishe aloghu ideve kepi ithi nani.

EZEKEL 5:13 Iomraidhean Croise

ISAIAH 1:21

Pükhükulupu, kuchou xakütha no chhitoi keu phughi ye kishino kütüqhalimi ilhouve akelae! Ghuthu lakhi loye amikuchomi no tile ache ikemu itehi ye ghikiqhimi no auvae.

ISAIAH 1:24

Tighenguno Ampeu, aqokitikhi MPEU, Israelmiw Akughushuu no shuphe ani: “Ah, I no nongu I ghümi shou I loghu pukuni eno panongu shou amkhü luni.

ISAIAH 59:17

Pa ye achipiu-mikucho no pa mlaküxa shike, eno tino paw xakulupu yikütsükuqho shike; eno pa no amkhükulu no pa phimini shike, eno minemighei keu no aphi toi pa küzüpu ke.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

JEREMIYA 14:12

Panongu no kümvü anamu Ni ye pano sütsa inimo nani, panongu no akipti kümllagho eno athi kümllagho tsünamu I no tipaqo ikhilumo nani. Ikemu I no püqümiye ngo azütakikihi eno püsa pesü panongu kütsale nani.”

JEREMIYA 15:9

Anga tsüni paza no miqemleive no ikiqivae; li tsala ye puchou shiaphi lono tsüzüvae; li ye akukujopu eno atichepu shivae. Achili aghi keqo ye pano ghümi zütakikihi lono ikiqive peni, ipi Ampeu no asheshu.”

JEREMIYA 25:12

Tishino ampe lhotsüni kupuve kethiu I no Babylon kükau eno tipau shiye, Chaldeami yeghi ghime nani, pano kipimi ghenguno alholo ayeghi pighive tsü nani, ipi Ampeu no sheshu.

AKUMLO 4:11

Ampeu no Pa loghu kümtsü pükhüle; Pa mlokighide külü lephe, eno Zion lo ami küiqü no tipau boqhaqo pitileve tsü.

AKUMLO 4:22

O Zion limi, o xine ghenguno aghime ye tavae; Pa ye haphe sawu kithemae, ikemu O Edom limi, Pa no o xine ghenguno ghime nani; Pa no o xineqo lhephetsü nani.

EZEKEL 13:15

Ikehu I no atupikiye eno khunono tipau lo metsüghoi nuda keno panoqo shou I loghu puwu nani, eno I no nongu vilo pi nani, atupikiye eno tipau shou nudapuku keqo ye kühavae,

EZEKEL 14:21

“Kughengu Ampeu no ishi piani: I no Jerusalem lo timi eno tüghashi kütsaveni kehu tile I mhekiqi küghakütha bidi: azütakikihi, püqümiye, tüghashi, eno püsa puwu kelo ti ye kishi alhoksa shinani kelae!

EZEKEL 16:42

Ikehu I no o shou no I loghu ghapiqi nani, eno I mlo kishikumo ye o launo ikhive nani. Ni ye iqüghaive nani eno amloide keu shimove nani.

EZEKEL 16:63

tishikeu lono no ye kümsülu eno kujove nani, eno kughou nono mlave keqo kümtsü ghenguno I no o qhukimtheni keno o kukujo vecheo no ye itaghi khilemu o kichi xükho move nani.”

EZEKEL 17:21

Paw ghüshimi poche kemi kümtsü azütakikihi lono ikiqive nani, eno ghükulumi ye amülhü lo kuthole nani, eno Ni ye Ampeu kepi nongu no ithi nani; I no piqhivae.”

EZEKEL 20:21

Ikemu anuliqo no I hebideve ke. Panongu ye I yezah lo cheche move eno Iw pimheyeqo gholuni ke kutokupui move, ti ye milakhi no papelu aye, tipau vecheo pa ye xülu nani pikeu ke; panongu no Iw Sabbath shikitiqeve ke. “Tileno I no pi, Ni ye panoqo shou I loghu lepukuni eno asayeqha lono I mlokighide panoqo shou pukuni.

EZEKEL 20:8

Ikemu panongu no I lachile ghi hebide eno I tsa chiluni keu pulo move. Panongu khumu pano nhethi ghapiqilu chekeu aphikümqhüpu jeli pevemoe, momu Egypt süatu julhoqo phevemoe. “Tileno I no pi, Ni ye I loghu panoqo shou lepukuni eno Egypt yeghi lono I mlokighide panoqo shou pukuni.

EZEKEL 21:17

Ni ghi I u kukhu nani, eno I no I loghu ghapiqilu nani; Ni Ampeu no piqhivae.”

EZEKEL 21:22

Shoxü ilokepu sübolu ghope qhi, ghiqhini ke ghenguno akichi xükho, ighamkuni ke asütsa süqhe, khagho shoxü ilo kepu sübolu ghope qhi, ayeghi xapuwo amoqhe puku, leluveni ke aqogheqo shiqhe pukuni ke ghenguno pa u ajeu no Jerusalem ghenguno asaqhilue.

EZEKEL 23:25

I no I mlo kishikumo o shou puku nani, tishikeu lono panoqo no aloghu lono o peitha nani. Panongu no o nigipe eno o kini ghithave tsü nani, eno nongu ghülu kemi ye ghüyi lono wove nani. Panongu no o pu-angaqo küghaluve nani, eno nongu ghülu kemi ye ami lono pitiqhive nani.

EZEKEL 24:13

Ghaghughale mithekumo ghenguno Ni ye nongu shikimtheni cheke, nongu shou I loghu ghapiqi lumoke kutolo nongu pesü shikimthe monani.

EZEKEL 43:8

Kükami no achineki kisheqho ngo ahukikha tsükucho shipe qhike, ikemu Ni eno nongu dolo akuptu likhi ani. Panongu no kuchhube kütsüla kümla shikeu lono I je kimthe shipixi kehu I no I loghu lono panoqo kütsave ke.

EZEKEL 6:10

Panongu no Ni ye Ampeu kepi ithi nani. Ni ye panoqo lau kixikila hipau shinie pi akiqi kühano pi püamoe.”

EZEKEL 6:12

Timi khuu no putou ani keno püsa lono thive nani, khuu no aphivilo ani keno azütakikihi lono ikiqive nani, eno khuu ghülu no xüluni keno püqümiye lono thive nani. I no hitoi panoqo shou I loghu puku nani.

EZEKEL 7:3

Itehi kishekha ye nongu shou ighivae, I no I mlokighide nongu shou puwu nani; I no nongu laghi kiqi lono nongu lau küghatha nani, eno nonguw aphikümqhüpu kümtsü ghenguno I no nongu ghime nani.

EZEKEL 7:8

Itehi ye I no mtazü nongu shou I loghu pukuni eno I mlokighide nongu shou pukuni, nongu laghi kiqi lono nongu lau küghathani, nonguw aphikümqhüpu kümtsü ghenguno I no nongu ghime nani.

DANIEL 11:36

“Akükau ye pa no pulo keu shi nani. Pa no pa ampi sheqhe eno shikuloghi pe alhou kümtsü shou qhinani, eno aqheküzapu tsa pesü alhouqo shou Alhou lau pi nani. Axukighide shikupuve moke kutolo pa ye kinikülü shi nani; kughengu azah kiu shive akeno ti ye shikupu nani.

DANIEL 9:2

pa yepe mpe atüghüu lo, ni, Daniel no Ampeu tsa tungkupu Jeremiah lau ighi keu kiqi lono Jerusalem pighive keu ashekha shinike zülo ampe kikihi khije wove aghi masa keno kakuqo lono phukidelu, ti ye, ampe lhotsüni.

HOSIYA 10:10

Kughou I no puloveni keno, I no panoqo shikümzü nani, panoqo xine kütsasa ghenguno pano tsügha kelo shiyeqo no hekütsüpe panoqo mjochile nani.

ZEKHARIA 6:8

Tishino kungumi huno ighamku I vilo pi, “Julo, ahuu ghakhu küdau iqhove keqo no tilau I Ghungu kulhoqhive tsüae.”

ZAKINIU 28:63

Ampeu no amlo kiqishi nongu lau akivi mla eno ikowolu peke toi itaghi Pa no amlo kiqishi nongu kütsave nani. Nongu no ngoniye akeu yeghi lono nongu nhüjove nani.

ZAKINIU 32:36

Ampeu no Paw timi lolo aküka kühave keu, eno aqüaxemi na ililai kemi namu kühave keu ithulu kelono Paw timiqo xaphelu nani eno Pa qemiqo kimiyeqhiyi nani.