EZEKEL 5:11 - Sumi Naga CL (Re-edited) Bible (BSI)

¹¹ Tighenguno Ampeu no asheshu, I no xü aketoi, nonguw aphikümqhüpu eno kuchhube kütsüla kümla vecheo nongu no I chineki shikitiqevae, tighenguno Ni ye Iw kikimiye ikhichile luveni eno amloighi nongu jumo momu akipimi qhitsümo nani.

BAIBEL (BSI)

¹¹ “Niye xuakeu Lhou ke ghenguno Akughushu MPEU tsaye hike - nonguno alhoksa jeli pesu ichineki kitiqevetsu, aphikumqhupu jeli nono shikeu ghenguno, kimiyemomithe puzu ino omicheveni cheni.

EZEKEL 5:11 Iomraidhean Croise

KUKAMI AKINIU 21:4

Ampeu ki, khile Ampeu no “Jerusalem lo I no I je qhini,” ipi keno, tile pa no akümlla-khacheqo mlave.

KUKAMI AKINIU 21:7

Pa no Asherah julho mlape Ampeu chineki lo qhi, tipa chineki vehulo Ampeu no David ngo pa nu Solomon vilo pi: “Israel shiaye kümtsü gholono I no kishelu keu ki hipau lo eno Jerusalem lo, I no alholo ghenguno I je qhinani.

KUKAMI AKINIU 23:12

Judah kükami no Ahaz chebo kütsüqa lo akümlla-khache ngo Ampeu ki alou achebo kini lo Manasseh no akümlla-khache mlakeu pa no kubole pinyive no ti hekuphoqo xupe Kidron ghoki lo vesüve.

YEKIKITHI AKINIU 33:4

Ampeu ki khile Pa no, “I je ye alholo Jerusalem lo anani,” ipi keno, tilehi Manasseh no akümlla-khacheqo mlave.

YEKIKITHI AKINIU 33:7

Pa no ajulho mlape Ampeu kilo qhi, tipa ki vehulo Pa no David ngo pa nu Solomon vilo pi, “Israel shiaye kümtsü dolono I no kishelu keu, aki hipau lo eno Jerusalem lo, I no I je pesü alhokupuju ghenguno qhi nani,

YEKIKITHI AKINIU 36:14

Tipa shouno achinemi gholo hiyampemi eno timiqo kümtsü shiye kütami no aphikümqhüpu shiche keqo pape wuve eno akumou pükhükümla shive. Ampeu no Jerusalem lo Pa ki shikimthe tsükeu panongu no shipixive.

JOB 27:22

Tino kimiye mono pa shou vepuku kelo pa ye tipau launo shoxashi po nani.

LESHELE 107:39

Kughou ayiküsa shi qodaqhi keu, küsakügha eno aghimeqo vecheo panongu küxü ye hailove eno aqhou iqighiveni keno,

LESHELE 95:11

Tighenguno I loghu lono I no tushoqhive, “Panongu ye I kulhokiqhi-a lo ilolumo nani.”

JEREMIYA 10:24

Kuchou xakütha lono I shikithe tsülo, O Ampeu; O mlokighide lono kumoe, ni ye kiumu kumove nosake.

JEREMIYA 16:18

Ikemu I no pano kipimi eno axine küghüsü no lochile paghini aphi, kughengu panongu no akimthipu julho kithi kumoqo pesü I yeghi shipixi, eno aphikümqhüpu jeli pesü I mheghi yeghi chhitoive tsüke.”

JEREMIYA 32:34

Panongu no I je lono ku keu ki shikitiqe nike aphikümqhüpu julho ghopeqhi.

JEREMIYA 44:4

Ikeghi I no nongu lau ishokibe I qemi tungkupmi puwu no pi, ‘O, I no mithi chekeu aphikümqhüpu hipaqo shi kevilo!’

AKUMLO 2:17

Ampeu no kiu miji akeno; Pa no püzüu no azah tsükeu, Pa tsa pape ghi amloighi qhiyi keu kühano shikupuvae; Pa no aghümi pelo o shou alovipe eno o ghümi kumto süqhetsüe.

AKUMLO 2:21

Alaghila lo ayeghimkhu lo kichimi itimi athoshi ikiqi ani; Iw ilimi eno apumiqo ye azütakikihi lono ikiqivae; Nono O mlokighide tsala lono kimiyemo no panoqo pithivae.

EZEKEL 11:18

Eno kughou panongu no tile ighini keno, panongu no tile aphikümqhüpu thime eno kuchhube kütsüla kümtsü ikhive nani.

EZEKEL 11:21

Ikemu khuno mlo no aphikümqhüpu thime ngo kuchhube kütsülaqo pape cheni keno I no panoqo kütsü shou pano kümlaqo lepukutsü nani, ipi Ampeu Alhou no asheshu.”

EZEKEL 23:28

“Kughengu Ampeu Alhou no ishi piani: Julo, nono khunoqo mithi cheni eno khunoqo launo inhilai shi tsüghüve keno I no panoqo u lo no phesüve nani,

EZEKEL 23:38

Tinguno alau, pama ye I lau hipau shivae: pama ye atsala lakhi lono I kimthe chineki shipixi eno Iw Sabbath shikitiqevae.

EZEKEL 23:39

Kughengu kughou pama no asü-atu julho lau pama nuliqo akümllagho shi ghiqhive keno, tipau tsalani no pama no I kimthe chineki shikitiqe niye tile ighike. Eno julo, pama no I kilo shikeu ye hipau ke.

EZEKEL 24:14

Ni ye Ampeu ke. I no piqhivae; tipau ye shikupu nani; I no tishi nani. Ni ye palokuto monani; Ni ye akipimi qhitsümo nani; Ni ye qhivemo nani; nongu laghi eno nongu kümlaqo kiqi lono nongu shou küghatha nani ipi Ampeu Alhou no sheshu.”

EZEKEL 29:15

Ti ye kükaqhaqo dolo ighono miqemleive nani, eno shiyeqo shou khilemu pa pesü süqhe kithe move nani. I no panoqo pesü ighono aghulo shive tsüno shiyeqo shou khilemu ayepe kithe pemove nani.

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

EZEKEL 43:8

Kükami no achineki kisheqho ngo ahukikha tsükucho shipe qhike, ikemu Ni eno nongu dolo akuptu likhi ani. Panongu no kuchhube kütsüla kümla shikeu lono I je kimthe shipixi kehu I no I loghu lono panoqo kütsave ke.

EZEKEL 44:7

kughou achuqupu, atha, eno aji pesü I mlla keno nongu no inaghami, amlo eno ashi lo aphighüyiko ghamo kemi I chineki lo ngo peniye sasü eno I chineki shikitiqeve ke. Now aphikümqhüpu nguno alau nongu no Iw puloshoqhi kubovae.

EZEKEL 5:7

Tighenguno Ampeu no ishi piani: nongu homxape akeu shiyeqo nguno alau nongu no mqhumza ke ghenguno eno I yezah lo cheche move, Iw pimheyeqo gholu move eno nongu homxape akeqow pimheye kiqi lonomu xümove ke

EZEKEL 7:20

Panongu ye panow jukivi chiku-chila pesü qheza eno tipau pesü panow aphikümqhüpu julhoqo eno niqhinilai keu juthoqo mlae. Tighenguno I no hipaqo pesü panoqo ghenguno mithekumo thime shive tsüni.

EZEKEL 7:4

I nhethi ye nongu juzüvemo momu Ni ye amloighi monani, ikemu nongu gholo aphikümqhüpu ake lono I no nongu kümla ghenguno nongu ghime nani. Tileno nongu no Ni ye Ampeu kepi ithi nani.

EZEKEL 7:9

Eno I nhethi ye nongu juzüvemo nani momu Ni ye amlosa qhiyi monani. Aphikümqhüpu no nongu gholo aphi lono I no nongu kümla ghenguno nongu ghime nani. Tileno nongu no Ni ye Ampeu nongu ghimeqhi keu kepi ithi nani.

EZEKEL 8:15

Tithiu Pa no I vilo pi, “O timi nu, no ye hipau ithuluve akema? Aphikümqhüpu hipaqo nguno alau nono ithulu nani.”

EZEKEL 8:16

Pa no Ampeu kilo achebo alou I sailo. Eno julo, Ampeu chineki kulaghi lo akisheqho ngo akümlla-khache küma dolo timi pano muku pungu-a toike aghi, ti ye Ampeu chineki ye panongu zübou shive eno panoqo gi no kipela küdau shive no kipelau khetsünhe mlla aghi.

EZEKEL 8:18

Tighenguno Ni ye aloghu pepheniae. I nhethi ye panoqo juzüvemo nani, momu Ni ye amlosa qhiyi monani. Eno panongu no asütsa kuloghi lono I kini lo ighasü anamu, I no panoqo ghügha chilu tsümo nani.”

EZEKEL 9:10

Ikemu I ghengu ye, I nhethi no juzüve monani, momu Ni ye amlosa qhiyi monani; I no panoqo kümla pesü panoqo kütsü shou betsü nani.”

EZEKEL 9:5

Eno kütamiqo vilo Pa no pikeu I no chilu, “Pa papesü mishighüna hipau lo wuno ghiqhi lo. Nongu nhethi no juzüve kevilo eno nongu ye kikimiye piye kevilo.

ACHINE 15:31

“Mithemo no akemi no Ampeu kungo-a shipixi luno thive nosa kehu no ye panongu pesü Israelmi launo kütüta shi qhi masae.”

AMUS 8:7

Ampeu no Jacob qheküza ghenguno tushoqhivae: “Mtsüqheino Ni ye khilemu pano kümla kümsümamo nani.

ZEKHARIA 11:6

Kughengu hipa ghakhu lo küxümiqo lau Ni ye küpükeu kühavae, ipi Ampeu no asheshu. Julo, I no timi lakhikhi pelo pa kisüghüu u lo, eno pa kükau u lo ikiqi ilovepe nani, panongu no ayeghi kütsale nani, eno Ni ye panongu u lono khumu xaphemo nani.”

MALAKI 3:17

“I no kughou panongu pesü Iw akughupu mheghi shiluveni keno tipau tsala lono panongu ye Iw shive nani, aqokitikhi Mpeu no pi, eno apu lakhino anu khuu pa qe cheni keno pa kimiye ketoi I no panoqo kimiye nani.

Rommi 11:12

Imaye pano kipimi no ayeghiqha kümghapu shilu, eno pano kutokumo no Jewkumomi kümghapu shilu aye, Israelmi kümtsü kihisü luveni keloye tinguno alau khije ta akümghapu shinani kelae!

Rommi 11:21

Kughengu alholo loka Jewmi thotsü Alhou no ghümove ke Pa ye nongu ghümo nani pütsae.

Rommi 8:32

Pa likhi Pa Nu ghi süchile mono ningu kümtsü ghenguno pephetsü püaghi aye, tipau gholono Pa ye itaghi thime kümtsü pesü kümsa lono ningu tsümoni keshea?

ZAKINIU 29:20

Ampeu ye titoi kemi kipimi qhitsümo nani, Pa mlo kighide ngo anhekushu no pa shou ikughi nani, kaku hipau lo müsüini keu kümtsü pa shou pukutsü nani, eno atsütsü qholono pa je ikhivetsü nani.

IBRIMI 6:13

Kughengu kughou Alhou no Abraham lau piqhi keno, Pa ye Pa nguno akijeu küha keke khuu lau piqhimo kehu Pa ampi je kuno tushoqhi,