EZEKEL 47:9 - Sumi Naga CL (Re-edited) Bible (BSI)

⁹ Aghoki no khila qowuni keno, itikiche lhoxüqo no tile xüuve nani, eno tile akha ye ighono kutomo auve nani. Kughengu azü hipau no qowu akeu ye azüghi zü pelo tsüghükhüive peniye ke; tishikeu lono aghoki no qowuke-a lo thokha kümtsü xülu peniye ke.

BAIBEL (BSI)

⁹ Aghokitino khilekhile qowunikeno, tilehi ashi aghau jeli kumtsu anani. Aghokiti huno Amiti Zughi zu akuxu shivetsu nani eno tipauno khile khile qowuni keno akuxupu sughi nani.

EZEKEL 47:9 Iomraidhean Croise

LESHELE 103:3

Pa no o xine kümtsü pevetsü eno o küsü kümtsü shipivi tsü,

LESHELE 78:16

Pa no atuqu lono aghokiti qoipeghipe eno azü no aghoki zü toi qowupe.

IPEKULU 15:26

ghi pi, “Tsala nongu no amlo tsüqhiyi Ampeu nongu Lhou tsa ini eno Pa nhethe lo kiu no achipi keno tipau shi aye, eno Pa yezah lo nongu mlo tsü eno tipaqo kümtsü pelu aye, I no Egyptmi lau aküsü puwu keqo kiumu nongu lau süghimo nani, kughengu Ni ye Ampeu, nongu shikipiviu ke.”

ISAIAH 12:3

Nongu no alokivi shi xakulupu züpuki lono azü shophelu,

ISAIAH 30:26

Itaghi, kughou Ampeu no Paw timi ghime kelono azaku pipekeu khavetsü eno shipivini keno, tipa tsala lono aqhi küvü no khetsünhe küvü toive eno khetsünhe küvü huno ghulo tsüni küvü peküqha keshi ghuthu tsüni piqi alaushi vüqaive nani.

ISAIAH 49:12

Julo, hipaqo ye aghacheu no ighi nani; ahuu eno kulolau no ighi nani; eno Syene yeghi lono ighi nani.”

ISAIAH 55:1

“Khunono tüghüthi ani keno ighilo, azü hilau ani; khuu no pisa küha keno, ighilo, qhüchulo! Ighilo, ame sümono atsaizü ngo akichhizü qhülo.

ZEKHARIA 2:11

Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

John 14:19

Ado kitila thiu ayeghilomi ye ni ithumlave nani, ikemu nongu ye ni ithulu nani. I no xü ani kehu nongu ghi xü nani.

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 3:16

“Kughengu Alhou no ayeghi lomi kimiye kütüke ghenguno Paw thili Nu pesü tsüve, tighenguno khunono Pa pülü keno pühave monani, ikemu lhokta küxü ithulu nani.

John 4:14

ikemu khunono I no tsükeu zü shoni keno, pa ye khilemu tüghüthi kithemo nani. I no azü pa tsükeu huno pa lolo lhokta küxü züpuki shi qoipeghi nani.”

John 5:25

“Kuchou no I no nongu vilo piani, kithimi no Alhou Nu sütsa chilu, eno pa sütsa chilu kemi no xüluni keu ghuloki wocheni, eno ti ye ighivae.

John 6:63

Aküxü tsü chekeu ye Aghungu noke; ashi ye kiumu shimlae. I no nongu vilo pivekeu tsa no aghungu eno aküxüpu ke.

Apostolmi 2:41

Ikehu khunoqo pa tsa ikhilu keno tipaqo baptiz shivetsü, eno tipani timi 3,000 kutolo panongu gholo kihisü luve.

Apostolmi 2:47

Alhou sheqhe eno timi kümtsü lopu shilue. Eno Ampeu no tsala kipetsü panoqo gholo xaluve kemi küpha tsüe.

Apostolmi 21:20

Kughou panongu no hi chilu keno, Alhou sheqhe, eno pa vilo pi, “Athiküzüu, nono ithi anino Jewmi gholo pülüluve kemi qhethonhe kutomo ani. Panongu ye ighono müamzü ayezah pecheni.

Apostolmi 4:4

Ikemu pama tsa chilu kemi kutomo no pülüve, eno akikihi 5,000 kutolo shive.

Apostolmi 5:14

Ghulo kütau nguno alau Ampeu küpülümi kiptimi totimi kikihi kütsasa shive.

Apostolmi 6:7

Alhou tsa alaushi ikowove, Jerusalem lo akhopemi kikihi shishe küghüsüve, eno achinemi kutomo no aküpülü khuaye ikhiluve.

Rommi 8:2

Kughengu aküxüpu Ghungu yezah huno Khristo Jisü küdau no axine ngo akithi yezah lono nongu kuqhovae.

1 Kor. 15:45

Ishi yepüake toi: “Timi atüghüu Adam ye aküxüküa shi lhoke”; ikemu ashekhau Adam ye aküxüküa Ghungu ilhouve.