EZEKEL 47:12 - Sumi Naga CL (Re-edited) Bible (BSI)

¹² Aghoki xüsa hikukuu eno hukukuu achuqupu shi penike asübo jeli thuipeghi nani. Tipaqo nipa ye ighüivemo momu athi pithi-ixivemo nani, ikemu aqhi atsütsü axathi anileshi pithi nani, kughengu tipaqo ghenguno akimtheki lono azü qoighi nani. Tipaqo xathi no achuqupu shi nani, eno anipaqo no shikipivi ghenguno peitha nani.”

BAIBEL (BSI)

¹² Aghokiti muku hula hilaulo asubo jeli kumtsu achuqupu shitsu nike thuipeghi nani. Tipaqo nipaye khilemu ighuivemo nani eno tipaqoye khilemu axathi pithi tamo nani. Tipaqoye aqhi atsu-tsu axathi kuxu pithi anani, kughengu tipaqoye Achineki lono qoipeghikeu zuno putsu ananike. Asuboqono achuqupu shilupe nani eno tipaqo nipaye timiqo shipivi nikeulo peithalu anani.”

EZEKEL 47:12 Iomraidhean Croise

BOTHUBO 2:9

Ampeu Alhou no asübo jeli khikhino aloqiqhiyi ithulu kepu eno achuqupu ghenguno alo kepu keno, kümtsü achhigha lono lhoipeghi lupe. Aküxüpu eno akivi ngo alhoksa kighithi sübo no aghutu mta lo ae.

JOB 8:16

Pa ye khetsünhe küvü lo atsüni no thuwu ake toi, aghutu kuchopu qhawove cheni.

LESHELE 1:3

Pa ye aghoki mkülo asübo akeu toi atusho achipi lono axathi pithi cheni, tipau nipa ye ighüive chemoe. Pa no mlakeu kümtsü lo ghenighilai cheni.

LESHELE 92:12

Amikuchomi ye amsabo toi ikoishe cheni eno Lebanon lo cedarbo lakhi toi thuwu cheni.

ISAIAH 1:6

Apukhumza lono akütsü kutolo kitilamu vithai keu kühavae, ikemu azaku ngo apiyi eno chiji keu zaku likhivae; tipaqo ye shikimtheve momu khave momu thazü pesü vakümtsha püamoe.

ISAIAH 60:21

Now timi kümtsü no achipiu shi nani, eno alhokupuju lo ayeghi pesü amheghi shiluve nani, panongu ye I no shosükeu lokaqo eno I u lo kümla ke, tishikeu lono I juküvü shiniye ke.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

JEREMIYA 17:8

Pa ye azü phivilo asübo shosü püakeu toi, ti ye aghoki lo azü no akuhu pütsütsü cheni, akülü tsala ighimu msamoe, pa nipa ye xüthilei acheni, ti ye züha mpe lomu mlomoe, ti ye axathi pithi tave chemoe.

JEREMIYA 8:22

Gilead lo nukümtshau küha keshea? Tile shikipivimi küha keo? Tishiaye kushiye Iw timi ngaqo shiaji ye athoputho mla kea?

EZEKEL 47:7

I no idewo kelo aghoki xüsa lo asübo kutomo hukukuu eno hikukuu aghikeu ithulue.

Piyeküsü 22:2

ti ye aphughi lo alaghila mta züsü qowu, eno aghoki ajeu piyiu ghi aküxüpu sübo aghi, tipau lo axathi jeli chighikini pithi eno aqhi atsütsü xolu cheghi. Asübo nipaqo ye shiye shikipivi ghenguno ae.