EZEKEL 46:12 - Sumi Naga CL (Re-edited) Bible (BSI)

¹² Akipti kümllagho na külakishi kümllagho namu kughou kükapuu no pulokini kümllagho Ampeu tsüni keno, pa ghenguno kipela khagho khaqhi tsüni. Sabbath tsala lo tsü cheke toi pa no akipti kümllagho momu külakishi kümllagho ikhiphe tsüni. Tishino pa ye ipeveni, eno pa no ipeve kethiu khagho ye khaveni.

BAIBEL (BSI)

¹² “Kughou akukapuuno pa likhi pa pulou lono AMPEU lau akumllagho tsukeu shinishi aye, kuchopu piti mllakeu momu kuposhukulu kumllagho shiaye, pa ghenguno akikhala aloulo ilokepushi kipela kudau akeu khagho khaqhitsulo. Paye Sabat tsalalo pano akumllagho shikeu ghola lono shini eno pano ipeve kethiu ahukikhaye khaluveni.”

EZEKEL 46:12 Iomraidhean Croise

KUKAMI ATUGHIU 3:4

Akükau no Gibeon lo aghashi niye wu, kughengu tino aghakishi-a kije ke; Solomon no tileno ghuthu qhethonhe akipti kümllagho tsüche.

YEKIKITHI ATUGHIU 29:21

Panongu no Ampeu lau aghakishi kümllagho tsü, eno tishiwo thoghiu no amshitsü, ambetsü, eno ambeti qhethonhe lakhikhi pesü akipti kümllagho shi ghi atsaiji kümllagho gholono Israelmi kümtsü ghenguno mllae.

YEKIKITHI AKINIU 29:31

Tithiu Hezekiah no pi, “Itehi nongu ye kishekimthepe Ampeu lau tsüvae. Aphivilo ighilo; aghakishi eno shikimthi kümllagho pesü Ampeu tsülo.” Ahohomi no aghakishi ngo shikimthi kümllagho pesü tsü, eno pulokinimi no akipti kümllagho ghi pesü ighi.

YEKIKITHI AKINIU 5:6

Akükau Solomon ngo Israelmi khunoqo pa zülo hekütsü keno kümtsü no Puloshoqhi bohu zülo kumqo, eno ambe ngo amshitsü kihikhakümla heqhipe mllae.

EZRA 1:4

Eno xüaghi kemi ye, pa no khile khile aghi namu, ghükayi ngo ameshoyi, tinhemgha, lhoxü, tinguno alau pulokini kümllagho pesü Alhou ki Jerusalem lo akeu ghenguno pa kuphulo.”

EZRA 3:5

tithiuno alhoaye lo kipti kümllagho, aqhi kithe kümllagho, kihitha tsükeu kiqi lono Ampeu lau aghulhu shi chekeu, eno khukhumu pulokini kümllagho pesü Ampeu tsükeu shike.

EZRA 6:17

Alhou ki hipau ikhiphetsü kelo panongu no amshitsü 100, anetsü 200, ambe 400 pesü mlla, eno Israelmi kümtsü ghenguno axine kümllagho shi anetsü 12 mllae, ti ye Israel shiaye kiqi lono ke.

EZEKEL 44:1

Tithiu pa no achineki lo khagho akeu nguno khalau I sachile ighi, ti ye kipelau küdau ae eno ti ye khapüae.

EZEKEL 44:3

Kükapuu likhi no tile iqa no Ampeu zülono asho chunani. Pa ye khagho ikulo lo achebo akeu küdau no ilo nani, eno tipau laghi lono ideipe nani.”

EZEKEL 45:17

Israel laghamiw tiqhetini ghulhu kümtsü lo Sabbath, aqhi kithe eno aghulhu lo akipti kümllagho, athi kümllagho, atsaizü kümllagho kutope qhitsüni keu ye kükapuu kümlapu ke. Pa no axine kümllagho, athi kümllagho, akipti kümllagho, külakishi kümllagho, eno Israel laghami kümtsü züqhushi axine pevetsü penike akümllagho tsü chekeu ye pa no ikhiphetsü masae.

EZEKEL 46:8

Kughou kükapuu no iloghini keno, pa ye khagho lo achebo küdau no iloghini, eno tipau züsü ipeveni.

ACHINE 1:3

“Tsala pa no kuchopu kipti kümllagho shinike amishi süghi aye, ti ye atsü tukutiye kühakeu shini. Ampeu no ikhilu tsü penike pa no tipau sasü kuposhukulu phiki kulaghi lo ngoni.

ACHINE 23:38

Akümllagho hipaqo ye Ampeuw Sabbath gholo nonguw ashoqhi kümllagho eno pulokini kümllagho Ampeu tsükeu gholo küqhani.

ACHINE 7:16

Ikemu pa ghakishi no ashoqhi momu pulokini kümllagho shi aye, tipau shi ye pa no aghashike tsala lono chuveni, eno achili ye thoghiu no chuni.

AKIKIHI 29:39

“Nongu no ashoqhi kümllagho momu pulokini kümllagho tsükeu nguno tiqhetini tsalaqo lo hipaqo pesü Ampeu lau tsülo: akipti kümllagho, athi kümllagho, atsaizü kümllagho eno kuposhukulu kümllagho.”

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.