EZEKEL 46:11 - Sumi Naga CL (Re-edited) Bible (BSI)

¹¹ “Aghulhu eno tiqhetiniqo lo athi kümllagho ye amshitsü gholo ephah lakhi, ambetsü gholo ghi ephah lakhi, eno ambeqo gholo tsükulupu qhemi tsüni, tipa gholo ephah lakhi lo thazü ahu küthü.

BAIBEL (BSI)

¹¹ Aghulhu tsalaloye eno pinyi akeloye athi jeli mllakeuye amshitsu lakhi momu bheritsu lakhi gholo kilogram chighi tsunino tuxa shini eno bheriti gholoye mlla akeuno kiu kiumu tsunishikeu tsulu nani. Athi jeli mllakeu gholoye oliv teli liter kuthu pesu mllani.

EZEKEL 46:11 Iomraidhean Croise

EZEKEL 45:17

Israel laghamiw tiqhetini ghulhu kümtsü lo Sabbath, aqhi kithe eno aghulhu lo akipti kümllagho, athi kümllagho, atsaizü kümllagho kutope qhitsüni keu ye kükapuu kümlapu ke. Pa no axine kümllagho, athi kümllagho, akipti kümllagho, külakishi kümllagho, eno Israel laghami kümtsü züqhushi axine pevetsü penike akümllagho tsü chekeu ye pa no ikhiphetsü masae.

EZEKEL 45:24

Pa no amshitsü lakhikhi ghenguno athi kümllagho ephah lakhi tsüni, ambetsü lakhikhi ghenguno ephah lakhi eno thazü ahu küthü ghenguno ephah lakhikhi tsüni.

EZEKEL 46:5

Ambetsü gholono athi kümllagho ye ephah lakhi shini, eno ambeqo gholono athi kümllagho ye pa no tsükulupu qhemi shini, ti ye ephah lakhikhi lo thazü ahu küthü shini.

EZEKEL 46:7

Athi kümllagho ye amshitsü gholono ephah lakhi, ambetsü gholono ephah lakhi, eno ambeqo gholo pa no tsükulupu qhemi, tipau gholono ephah lakhikhi lo thazü ahu küthüthü ishi kutoni.