EZEKEL 45:17 - Sumi Naga CL (Re-edited) Bible (BSI)

¹⁷ Israel laghamiw tiqhetini ghulhu kümtsü lo Sabbath, aqhi kithe eno aghulhu lo akipti kümllagho, athi kümllagho, atsaizü kümllagho kutope qhitsüni keu ye kükapuu kümlapu ke. Pa no axine kümllagho, athi kümllagho, akipti kümllagho, külakishi kümllagho, eno Israel laghami kümtsü züqhushi axine pevetsü penike akümllagho tsü chekeu ye pa no ikhiphetsü masae.

BAIBEL (BSI)

¹⁷ Aqhi kithe pinyeni, Sabat pinyeni eno tiqhetini kutauqolo kukapuuno Israil shiayeh kumtsu ghenguno kuchopu piti mllakepu lhoxuqo, athi jeli akumllagho eno aji jeli akumllagho kutope tsunikeuno pa kumlapu sajeke. Israilmi xine ikhisuwuve penike ghenguno paye axine kumllagho, athijeli kumllagho, akuchopu piti mlla kepu gho eno kuposhukulu kumllagho kutotsu kepu shi nani.

EZEKEL 45:17 Iomraidhean Croise

SAMUEL AKINIU 6:19

eno Israelmi aqokitikhi, kiptimi totimi kümtsü lau asho, ashi eno atsaikipki sho lakhikhi tsü. Tithiu timi kümtsü no pütüta kilo idewove.

YEKIKITHI AKINIU 30:24

Judah kükau Hezekiah no akümllagho ghenguno ahohomi amshitsü 1,000 eno ambe 7,000 tsü, eno hiyampemi no amshitsü 1,000 eno ambe 10,000 tsü. Achinemi kutomo no pano kishekimthelu.

YEKIKITHI AKINIU 31:3

Akükau no qhasü tsükeu ye paw lüthü lono akipti kümllagho ghenguno: ti ye ina kijili akipti kümllagho, Sabbath, aqhi kithe lo akipti kümllagho, eno Ampeu Yezah kiqi lono ampe lo tiqhetini ghenguno ke.

YEKIKITHI AKINIU 5:6

Akükau Solomon ngo Israelmi khunoqo pa zülo hekütsü keno kümtsü no Puloshoqhi bohu zülo kumqo, eno ambe ngo amshitsü kihikhakümla heqhipe mllae.

EZRA 1:5

Tithiu Judah eno Benjamin shiaye lo ali tomi, achinemi ngo Levimi, eno Alhou ghungu no khunoqo xukutho keno, panoqo no ithuve no Ampeu ki khikhi Jerusalem lo ani keno, tipau shiqhe kitheni ke iqhove.

LESHELE 22:29

Ayeghi lo kinimi kümtsü no chusho no mllae; ayeghimkhu shive kemi kümtsü, pa ampi püxü mlave kemi ghi Pa zülo itsaqi nani.

LESHELE 68:18

Nono qhemghai ke-a lo iku, akughumi aqokitikhi sasü O gholo shekujo sawu eno timiqo launo agho ikhilu, hekibidemi lau ghi, tishino No Ampeu Alhou no ngoniye shike.

ISAIAH 66:23

Aqhi kithe lono aqhi kithe kutolo, eno Sabbath lono Sabbath kutolo, kümtsü no ighi no I mlla nani,” ipi Ampeu no sheshu ani.

EZEKEL 43:27

Kughou panongu no atsala hipaqo kupuveni keno, atsala akütacheu nguno hulau ye achinemi no akümlla-khache lono akipti kümllagho eno külakishi kümllagho mllani, eno I no nongu ikhilu nani ipi Ampeu no asheshu.”

EZEKEL 45:15

Axine peve tsünike ghenguno athi kümllagho, akipti kümllagho, külakishi kümllagho gholo Israel yeghi lo azü akeu-a lo atsüni mzachu chekeu ambe loji aqhe kini akelo lakhi pesü tsülo ipi Ampeu Alhou no asheshu.

EZEKEL 46:1

“Ampeu Alhou no ishi piani: Akikhala alou khagho kipelau akeu ye atsala tsügho khape qhini, ikemu Sabbath tsalani ye khaqhini, eno aqhi akithe ipeghike tsalani ti ye khaqhini.

ACHINE 4:27

“Inapüghami khuana no mthano Ampeu zakütsü lo shimo kepu lakhimu shive no küqüve, eno kutou no pa kipimi kümsü chilelu aye,

AKIKIHI 29:29

Atsala akütsüghoni amshitsü tache, anetsü kini eno ampe lakhi mbetsü chighibidi tsülo, ti ye tukutiye küha keqo,

John 1:16

Paw kupukülai keu lono ningu kümtsü no küpükini shou küpükini ithuluvae.

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

Kolosiami 3:17

Nongu no kiukiu mla namu, atsapi eno akümla lo Ampeu Jisü je lono Apu Alhou shikimthi ghi thokha shilo.

IBRIMI 13:10

Jewmi phiki lo mlaitha chekemi ye niw akiptia lo chukepu chipiu kühae.

IBRIMI 13:15

Jisü vecheo ningu tamono Alhou lau shekiqhe ghakishi tsüni nolo, ti ye akichi lono pa je piphe tsüni keue.

1 Peter 2:24

Pa phimpi lono Pa ampi no ni xine xapu kros lo ikuve, tishianguno ningu pelo axine küdau ye thive no amikucho lono xülu peniye ke. Pa ghüzaku vecheo nongu shipivi luvae.

1 Peter 3:18

Kughengu Khristo ghi ni xine ghenguno ghuthu lakhi imeve, ningu sasü Alhou lau ighi niye amikuchou no amikucho kumomi ghenguno imeve, ashi küdau ye pithive kemu aghungu lono xüputhuve,