EZEKEL 44:7 - Sumi Naga CL (Re-edited) Bible (BSI)

⁷ kughou achuqupu, atha, eno aji pesü I mlla keno nongu no inaghami, amlo eno ashi lo aphighüyiko ghamo kemi I chineki lo ngo peniye sasü eno I chineki shikitiqeve ke. Now aphikümqhüpu nguno alau nongu no Iw puloshoqhi kubovae.

BAIBEL (BSI)

⁷ Panonguno ichineki shipixive tsuke tiye ayiko ghamokemi inaghami, igholumokemi pelo kughono aghashi mllakeu atha ngo ahji pesu imlla ake lono Achinekilo iloghipeke. Ikehu iwu timiqoye kuchhube kutsula jeli kumtsu panonguno shiveno iwu puloshoqhi hephoveke.

EZEKEL 44:7 Iomraidhean Croise

BOTHUBO 17:14

Kiptimi khukhumu aphighüyiko ghamo keu ye paw timi launo kütüta shiveni; pa ye Iw puloshoqhi hephovae.”

IPEKULU 12:43

Ampeu no Moses ngo Aaron vilo pi, “Hi no Hechekulu yezah ke: Inaghami khumu hipau chumoni,

IPEKULU 12:48

Tsala inami lakhi no nongu gholo ado hami küghüna no Ampeu lau Hechekulu ikhiluni shi aye, pa gholo kiptimi kümtsü aphighüyiko ghaveni. Tithiuno pa ye punukhoi ighi no ti pelu nani; pa ye Israelmi lakhi toi shilu nani. Ikemu aphighüyiko ghamo kemi khumu hi chumoni.

ISAIAH 24:5

Timi no ayeghi shikitiqevae; kughengu panongu no Alhou yezah, akhuaye eno shekhaha puloshoqhi shikeu hexave ke.

JEREMIYA 11:10

Panongu ye I tsa milive no pano puasü xine lo idewovae. Panongu ye alhou kütauqo huthu nike pape wuvae. Israel ngo Judah kibo ye I no pano puasü sasü puloshoqhi shikeu hephovae.

JEREMIYA 31:32

ti ye I no Egypt yeghi lono pano puasüqo au lono sünhe sapeghike tsala lono puloshoqhi shikeu toimo nani, kughengu I no panongu kimi shi anamu panongu no Iw puloshoqhi tipau kubove ke.

JEREMIYA 4:4

Ampeu lau nongu phighüyiko ghalo, nongu mlo yiko ikhivelo, Judah ngo Jerusalem lo küami; tikumo aye no lhoksa ghenguno I loghu no ami toi khunomu ghapinhe mla kepushi piti nani.”

JEREMIYA 9:25

“Julo, atsala ye cheni, ipi Ampeu no asheshu, khunono ashi lono aphighüyiko gha keno pano ghime nani

JEREMIYA 9:26

Egypt, Judah, Edom, Ammon nuliqo, Moab, asayeqha lo xüküami, acheku lo asa amqo lakhi tsache keqo, shiye hi kümtsü aphighüyiko ghamo keqo, eno Israel kibolomi pano mlo lono aphighüyiko ghamo keqo kümtsü ghime nani.”

EZEKEL 22:26

Li chinemi no I yezah shou ngukangugha shivae eno Iw akimthe thimeqo shikitiqevae. Panongu no akimthe ngo balha dolo kishe kütüta shimoe, momu mithekumo ngo akimthe dolo kiyeqü keu shika tsümoe, eno Iw Sabbath gihu tsümoe, ikehu panongu gholo Ni shikitiqevae.

EZEKEL 44:15

“Ikemu Zadok laghami, Levimi achinemi, khunoqo Israelmi no I launo lavela lo wuve kelo I kimtheki lo aghini shiche keno, panongu no I huthuni ke I kupunu ighi nani. Eno panongu no atha eno aji pesü I mllani ke I zülo puthugho nani ipi Ampeu Alhou no asheshu.

EZEKEL 44:9

“Ikehu Ampeu Alhou no ishi piani: Inaghami Israelmi gholo akemi, amlo eno ashi lo aphighüyiko ghamo kemi khumu I kimtheki lo ilomo nani.

EZEKEL 7:20

Panongu ye panow jukivi chiku-chila pesü qheza eno tipau pesü panow aphikümqhüpu julhoqo eno niqhinilai keu juthoqo mlae. Tighenguno I no hipaqo pesü panoqo ghenguno mithekumo thime shive tsüni.

ACHINE 17:11

Kughengu aküxü ye aji lo ani, eno tino akiptia lono timiqo xine lovetsü penike I no azah shitsüe, aji huno timi xine tha-lovetsü cheni.

ACHINE 21:17

“Aaron vilo pilo, Tiqheli kupuju lo nongu polo kughukomi aphimpi lo tukutiye akemi khumu achuqupu kümllagho I lau süghi moni.

ACHINE 21:21

Achineu Aaron polo kughukomi aphimpi lo tukutiye akemi khumu achuqupu kümllagho I lau süghi moni.

ACHINE 21:6

Panongu ye pano Lhou lau akimthe shini eno Pa shipütha moni. Kughengu panongu no Ampeu chuqupu kümllagho pesü mlla cheni kehu akimthe shini.

ACHINE 21:8

Achinemi ye akimthe kepi kihilo, kughengu pa no achuqupu kümllagho pesü nongu Lhou tsücheni; nongu shikimthe chekeu Mpeu ye akimthe kehu achinemi ye akimthe kepi kihilo.

ACHINE 22:25

momu inaghami launo küqhükili shi saghi keu lhoxü pesü no Lhou chuqupu shitsü mlae. Tipaqo ye tukutiye ani kehu ikhilu tsümo nani.”

ACHINE 26:15

eno Iw pimheye ngo akhuayeqo milive no I zakütsü papemo, Iw puloshoqhi kubove aye,

ACHINE 26:41

kughengu Ni ghi panongu mjochile no pano ghümi yeghi lo puwuve kehu, panongu no mtshaivü eno axine lhoaye shikithe aye,

MALAKI 1:7

Kitiqeve keu chuqupu I kümlla khache lono mlla keu vecheo ke. Ikemu nongu no pi, ‘Ningu ye kishi O jukünathave kea?’ Ti pikeu lono Ampeu khache shikitiqeve peniye ke.

MALAKI 2:4

Tishikeu lono azah hipau ye I no nongu tsü kepi nongu no ithi nani, eno Levimi lau Iw puloshoqhi ye puthugho lu nani, aqokitikhi Mpeu no pi.

MALAKI 2:8

Ikemu nongu ye mtsüqhei keu laghi lono tsüghü wuvae. Nongu kükütsütsa vecheo timi kutomo no küpxavae. Nongu no Levimiw puloshoqhi shipüsavae, aqokitikhi Mpeu no pi,

Apostolmi 21:28

ighamku pi, “Israelmi, ni kuphulo! Timi hipau no aqha kümtsü lo timi kümtsü vilo Israelmi ngo Ayezah eno a-a hipau lhoksa picheni. Tinguno alau pa no Greekmi achineki lo sailoghi no akimthe-a hipau kitiqevae.”

Apostolmi 7:51

“Nongu kuthovi keqo, amlo eno akini kilimo kemi, no puasüqo toi nongu ye alhokuthu Aghungu Kimthe mjochile cheni.

ZAKINIU 10:16

Tighenguno nongu mlo shikimthe lo, eno hinguno hilau ye kuthovi kevilo.

ZAKINIU 30:6

Ampeu nongu Lhou no nongu eno no polo kughukomi mlo kishekimthe nani, tishikeu lono nongu no amlo eno angulho kuchopu pesü Ampeu nongu Lhou kimiye eno xülu nani.

ZAKINIU 31:16

Ampeu no Moses vilo pi, “No ye o puasüqo gholo züuveni keu do tovae. Tithiu timi hipaqo ye panongu no iloche keu yeghi lo I milive no inami lhouqo mllauve nani, eno I no pano sasü puloshoqhi shikeu kubove nani.

ZAKINIU 31:20

Kughou I no pano puasü lau tushoqhi ketoi panongu sasü akichhizü ngo akhingozü no qowu akeu yeghi lo iloghini, eno panongu no achuqupu chunishi ke thaqhü chuno atha pubeiveni keno, panongu ye tsüghüsü kütau lhouqo mllauve nani, eno I milive no Iw puloshoqhi kubove nani.

IBRIMI 8:9

ti ye pano puasü no Egypt yeghi lo akelo I no au no sünhe saipeke tsalani no panoqo sasü puloshoqhi shikeu toimo nani. Kughengu panongu no Iw puloshoqhi pulo move kehu I no panongu jukuto moveke, ipi Ampeu no sheshu.