EZEKEL 44:5 - Sumi Naga CL (Re-edited) Bible (BSI)

⁵ Eno Ampeu no I vilo pi, “Timi nu, akivishi jukimchi luvelo, o nhethi tsükhope julo, o kini kughope Ampeu chineki lo ayezah I no o vilo piniye akeu kümtsü inilo. Eno achineki kulaghi ngo akimtheki lono ipeve kepu laghiqo kümtsü akivishi jukimchi luvelo.

BAIBEL (BSI)

⁵ ike AMPEU no ivilo pi, “Thinikuau timio, nono kiu ithuluni eno chiluni keno amlo tsuqhiyi julo. Ino ovilo Achineki ghenguno akhuayeh pesu pinike. Tsaqui jukutolo, timi khipaqo pelo Achinekilo ilo penani eno khipaqo pelo ilopemo keno ithilo.

EZEKEL 44:5 Iomraidhean Croise

YEKIKITHI ATUGHIU 22:19

Ikehu nongu mlo kükümsü kutope Ampeu nongu Lhou phulo. Ithu no Ampeu Alhou je ghenguno achineki shilo, tishianguno Ampeuw Puloshoqhi Bohu ngo akümlla lo akimthe liqo pewo tile qhikepu shinike.”

YEKIKITHI AKINIU 11:16

Israel shiaye dolo khunono Ampeu Israel Lhou mllani shikeno tipaqo ye Levimi papesü Jerusalem lo wuve, eno panongu no Ampeu pano puasü Lhou lau aghashie.

LESHELE 119:4

Nono O yezah pesü ni tsüe eno amlo tsüqhiyi tipau gholu peni keu za tsüke.

LESHELE 24:3

Khuu no Ampeuw naghuto lo ikuluni kea? Khuu no Pa kimthe-a lo puthugho luni kea?

IPEKULU 9:21

ikemu Ampeu tsa lo amlo tsümo keqo ye pano qüaxemi ngo atsü-aqu aluza lo qhive.

AHOLE 24:32

I no ti ithulupe kümsüju kelaye tileno akükütsütsa lakhi ithulue.

EZEKEL 40:4

Pa no I vilo pi, “Timi nu, o nhethi tsükhope julo, o kini kughope inilo, eno I no o piyeni ye akeu kümtsü lo o mlo tsüqhiyi shilo, kughengu ni ye o piyeni ye hile o saighi ani. Nono ithulu keu kümtsü Israel kibolomi lau asheshu lo.”

EZEKEL 42:9

Achebo hipaqo qhou timi no ashou akikhala lo iloghi kelo kipelau ipeve kepu laghi ae.

EZEKEL 46:19

Tithiu pa no khagho phelo akulaghi achinemi ghenguno akimthe chebo ajo ajoshi ahuu akeqo-a lo I saighi, eno julo, kulolau ashekhau-a I piye.

EZEKEL 47:6

Pa no I vilo pi, “Timi nu, no ye hipau ithuluve akema?” Tishino pa no aghoki xüsa lo I sachile ipeghive.

DANIEL 10:12

Tileno pa no I vilo pi, “Msa kevilo, Daniel, kughengu nono o mlo tsüqhiyi vethaluni ye pükapütsa keu eno o Lhou zülo aqhokighe shi ighikeu tsala hukuthu lono o tsa chiluve tsüae, eno ni ye o tsa ghenguno ighi anie.

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

Apostolmi 8:36

Pama no wuche kelo azü ake-a lo ighi, eno shoko huno pi, “Julo, azü hi ani! I no baptiz shinike kiuala no I lakha kepu anio?”

ZAKINIU 12:32

“I no azah nongu tsü akeu thokha shilo; tile kiumu süküpha kevi momu ikhive kevilo.

ZAKINIU 32:46

pa no pi, “Mtsüqheino nongu ye ishi tsala lo I no azah hipaqo nongu tsükeu amlo lo süpulo, Tishino no tianuli vilo hipaqo pesü kütülo, tishianguno panongu pelo amikucho shi Ayezah hi kümtsü papelu peni.