EZEKEL 44:12 - Sumi Naga CL (Re-edited) Bible (BSI)

¹² Kughengu panongu no pano süatu julhoqo zülono Israel kibolomi lau achine kümla shino panongu lau apukhu küpsüpu xine shike, tighenguno I no panoqo ghenguno tushoqhive, ipi Ampeu Alhou no asheshu, eno panongu ye pano ghime xapu nani.

BAIBEL (BSI)

¹² Ikemu panonguno Israilmi ghenguno asu-atu julho mllakeu peithatsuke ghenguno eno tishikeu lono timiqo axinelo musu sawu kehu ni, Akughushu MPEU no tsaquino tushoqhi anike panonguye ghimeqhi masani cheni.

EZEKEL 44:12 Iomraidhean Croise

LESHELE 106:26

Tighenguno Pa no Pa u süqhe no panoqo vilo tushoqhive eno Pa no panoqo pelo yenguyike-a lono thivepe,

ISAIAH 9:16

kughengu timi hipaqo lapiyemi no panongu pishiqhipe saküghüzüvae.

EZEKEL 20:15

Tinguno alau, akichhizü ngo akhingozü no qowu akeu, ayeghi kümtsü nguno ajuküvü, khikhi I no panoqo tsü keno Ni ye tile panoqo sailomo nani kepi asayeqha lono I no tushoqhi ke,

EZEKEL 20:23

Tinguno alau, asayeqha lono panoqo lau I no tushoqhive, I no shiyeqo gholo panoqo kutholeve nani eno aghakhuqo lo panoqo haleve nani,

EZEKEL 20:28

Kughengu kughou I no panoqo tsüni kepi tushoqhi keu yeghi lo panoqo saighi keno, panongu no khile khilemu atoghi qhemghai keu momu anipa miniboi keu sübo ithulu aye, panongu no tilau no aghakishiqo mlla eno tilau no aloghu shikighide keu kümllagho pephe tsüke; panongu no tilau no alokiqi xokütsüngü piti mlla, eno atsaizü kümllagho leqhike.

EZEKEL 20:6

Tipa tsalani I no panoqo vilo, I no Egypt yeghi lono panoqo saipeghi no ayeghi panoqo ghenguno phu püakeu, akichhizü ngo akhingozü no qowu akeu yeghi, ayeghi kümtsü nguno ajuküvü yeghi lo sawuni kepi ashoqhi shike.

EZEKEL 44:10

Ikemu Israelmi no lavela lo wuve kelo Levimi khunono I launo putosüve no ajulhoqo pape wuve keno, panongu ye aghime xapu nani.

EZEKEL 44:13

Panongu ye achinemi shi I qenike I kupunu ighimo nani momu Iw akimthe thime khikhi ighono akimthe keno tipaqo kupunu ighimo nani, ikemu panongu ye pano kukujo eno aphikümqhüpu shive keqo xapu nani.

EZEKEL 48:11

Hi ye kishekimtheve kemi chinemi, Zadok limi, khunoqo Israelmi ngo Levimi no lavela lo wuve keloghi panongu ye wumono I zakütsü pape cheni keno panoqo ghenguno ke.

HOSIYA 4:6

Iw timiqo ye akighithi mikheke ghenguno kütsavae; kughengu nongu no akighithi milive ke, I chinemi shipe monike I no nongu milivae. Eno nongu no nongu Lhou yezah kümsümave akeke Ni ghi nongu tianuliqo kümsümave nani.

HOSIYA 4:9

Ikehu timi ghi achineu ghi atho; panow hekibide ghenguno I no panongu ghime nani eno pano kümla ghenguno I no panongu tsüchile nani.

HOSIYA 5:1

Hi inilo, O achinemiqo! Amlo tsüqhiyilo, O Israelmi! Akini xükholo, O akükau limi! Kughengu küghakütha ye nongu ghenguno ke; kughengu Mizpah lo nongu no alichhe ilhouve ke, eno Tabor shou akhame sükhope qhike.

AMUS 8:7

Ampeu no Jacob qheküza ghenguno tushoqhivae: “Mtsüqheino Ni ye khilemu pano kümla kümsümamo nani.