EZEKEL 43:11 - Sumi Naga CL (Re-edited) Bible (BSI)

¹¹ Eno panongu no pano xine ghenguno kujove aye, panongu pelo achineki kogheküghü ithi pelo, tipau ikipe ikulo laghi, kogheküghü kupuju ithi pelo; eno panoqo pelo tipau khuayeqo, kogheküghü kupuju eno ayezah kümtsü ithi pelo, pano nhethe lono ti kümtsü yesüpe qhilo, tishianguno panongu no tipa khuaye kümtsü papelu nani.

BAIBEL (BSI)

¹¹ Tishikelo, panonguno panoqono kiu mulave akeno tipaulo kujove aye panoqo vilo Achineki kughu keu chixechilei pilo: tipau koghe, tipau ikulola eno ipekeu tipau koghekughu, thwokha kithikiyi shikeu eno tipaulo akhuayeh jeli kumtsu pilo. Tipaqo kumtsu panoqo ghenguno yehpe qhilo tishianguno panongu pelo thwokha jeli kishi kithipe puani keno ithulu pelo eno tishianguno ayeh jeli kumtsu pewolu nanike.

EZEKEL 43:11 Iomraidhean Croise

EZEKEL 11:20

tishikeu lono panongu no I kükütsü lo cheche nani eno Iw pimheye papelu no tipaqo gholu nani. Eno panongu ye Iw timi shive nani eno I no pano Lhou shive nani.

EZEKEL 12:3

Timi nu, o ghenguno haphe sawuve kemi toi akho kutolo, eno tsüküvü lono panoqo nhethe lono haphe sawuve kemi paphishi wuvelo. No ye haphe sawuve kemi toi o kungo-a lono a-a kütau lo panoqo nhethe lono wuve lo. Ishiake panongu no hekibide kibolomi lakhi shi aghimu panongu ghi vethaluvi ke.

EZEKEL 36:27

Eno I no I Ghungu nongu lolo sütsü no nongu pelo I yezah pape eno Iw pimheye gholuni ke kutokupui penani.

EZEKEL 43:10

“Timi nu, no ye Israel kibolomi vilo achineki ghili pesü pilo, tishianguno panongu no pano kipimi ghenguno kujove nani; eno achineki kukughu mighiju nani.

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

John 13:17

Nongu no hipaqo ithi no papelu aye nongu kümghapue.

1 Kor. 11:2

Ni ye nongu akishe tsü ani, kughengu nongu no thokha lo I kümsülu eno I no nongu lau pekiye tsükeu khuaye papelu ke.

IBRIMI 8:5

Panongu ye kungugha lo akimthe-a akeu julho kimihi lono shicheni. Kughengu Moses no aphiki shiniye akelo, Alhou no ishi pa mijetsü, “Naghuto lo o piye keu ghola lono thokha kümtsü shilo.”