EZEKEL 39:21 - Sumi Naga CL (Re-edited) Bible (BSI)

²¹ “I no shiyeqo gholo I juküvü pephe nani, eno shiye kümtsü no Iw küghakütha eno I no panoqo shou I u bekeu ithulu nani.

BAIBEL (BSI)

²¹ AMPEU no pike, “Ino ashiayehqo pelo ikimthe jekipi jupe nani eno niye kishi ikuka kumto peithano iwu amikucho xakutha shilupe acheni keno panoqo piye nani.

EZEKEL 39:21 Iomraidhean Croise

LESHELE 32:4

Kughengu putho pucho I shou O u mishishei ikughi; mütsü lo khetsünhe no pügha pühave ketoi I küka ye qhaivae.

LESHELE 94:10

Pa no shiyeqo ghime cheni, Pa ye panoqo sakiyi moveni keshea? Khuu no akighithi pesü timiqo shika cheni keno—

IPEKULU 14:4

Eno I no Pharaoh mlo shikümkave tsüno pa no panoqo hawu nani, eno Pharaoh ngo paw aqokitikhi vecheo I no ajuküvü ithuluve nani, Egyptmi no Ni ye Ampeu kepi ithi nani.” Ikehu panongu no titoi shive.

IPEKULU 7:4

Pharaoh ye o tsa ini tsümo nani. Tileno I no Egypt shou I u benani eno Iw timi aqokitikhi, Israel nuliqo, amchipu kümla kije vecheo Egypt yeghi lono saipeghive nani.

IPEKULU 8:19

Tithiu küdüumi no Pharaoh vilo pi, “Hipau ye Alhou u kena.” Ikemu Pharaoh mlo ye kuthovive, eno Ampeu no pi ketoi, pa no panoqo tsa initsü move.

IPEKULU 9:16

Ikemu I no I küka o piye, eno tishikeu lono ayeghiqha kümtsü lo I je sheshu peni keu kimji ghenguno I no o saputhu ke.

ISAIAH 26:11

O Ampeu, Nono O u peqhepe ani, ikemu panongu ye ithulu amoe. Ow timi ghenguno Nono müamzü keu panongu pelo ithulu no kujove pelo. O ghümi ghenguno ami akeu pesü panongu pitilo.

ISAIAH 37:20

Ikehu itehi pa u lono ni xalu tsülo O Ampeu ni Lhou, tishianguno ayeghi lo kükaqha kümtsü no O likhino Ampeu kepi ithi nani.”

EZEKEL 36:23

I no I je kimthe khikhi shiyeqo gholo shipixive keno, eno khikhi nongu no panoqo zülono shipixive keno, tipau chipi phuphe nani. Kughou I no nongu vecheo panoqo nhethe lono I kimthe phupheni keno shiyeqo no Ni ye Ampeu kepi ithi nani, ipi Ampeu Alhou no asheshu.

EZEKEL 38:16

Khüngküsü kije no ayeghi küzüpe aketoi nono Iw timi Israelmi leighi nani. O Gog, hithiu tsala lo I no o sawo I yeghi lepe nani, tishikeu lono shiyeqo nhethe lo o vecheo I no I kimthe chipiu phuphe kelono panongu no Ni ithi nani.

EZEKEL 38:23

Ikehu I no I kughushu eno I kimthe piye nani eno shiye kutomo pelo Ni ithipe nani. Tileno panongu no Ni ye Ampeu kepi ithi nani.

EZEKEL 39:13

I no I juküvü pepheke tsalani I no aghakhu lo timi kümtsü no panoqo shiqho nani, eno tino panoqo jekipipu shitsü nani, ipi Ampeu Alhou no asheshu.

MICAH 2:9

Nongu no Iw timi totimiqo pano lokughuno ki lono eno pano tianuliqo launo hapheve, eno alholo ghenguno I juküvü pewuve tsüae.

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

MALAKI 1:5

Nongu nhethi ampi no hipau ithulu nani, eno nongu no pi nani, “Ampeu ye Israel lughi nguno hulau ghi kije ke!”

SAMUEL ATUGHIU 5:11

Tighenguno panongu no wuno Philistiami ampemi kümtsü ghakütsü no pi, “Israel Lhouw Puloshoqhi Bohu tsüpuwuve lo, ti ye pa-a lo idewove pelo, tishikeu lono tino ningu eno niw timiqo heqhimo nani.” Kughengu kichimamai keu kije no mishighüna kümtsü shou ighive ake. Ampeu u no ighono mishishei tile ighiveke.

SAMUEL ATUGHIU 5:7

Kughou Ashdodmi no kiu shi akeno ithuluve kelo ye panongu no pi, “Israel Lhouw Puloshoqhi Bohu ye ningu gholo püa kepu kumoe, kughengu pa u no mkamghai ningu eno ni lhou shou ikughi anie.”

SAMUEL ATUGHIU 6:9

eno jukutolo. Tsala tino Beth-shemesh lo wuve aye, pa no aghime kije hipau ningu lau süghi, ikemu ti küdau wumo aye pa u no ningu ghime mono azümülhü vecheo küsakusho sholu kepi ithive nani.”