EZEKEL 39:17 - Sumi Naga CL (Re-edited) Bible (BSI)

¹⁷ “Timi nu, Ampeu Alhou no ishi piani: Aghau jeli eno aluza lo tüghashi kümtsü vilo pilo, ‘Hekütsüpe ighilo, aghakishi ghulhu, Israel lo naghutoqo shou aghakishi ghulhu kije lakhi I no nongu ghenguno kuto akeu lo aqha kümtsü lono ighi no hekütsülo, nongu no ashi chu eno aji yelu nani.

BAIBEL (BSI)

¹⁷ Akughushu MPEU no ivilo pi, “Thinikuau timio, aqha kumtsulo ashi aghauqo ighilopi kulo ino panoqo ghenguno heqhipe mllakeu chupeniyeke. Tiye Israil naghutolo aghulhu kije lakhi shi nani, tipa-alo panonguno ashi chu eno ahji tsuyelu nanike.

EZEKEL 39:17 Iomraidhean Croise

BOTHUBO 31:54

Jacob no atoghi ghakhu lono aghakishi lakhi mlla eno pa sholokumi kusü no asho chue. Panongu no asho chuve no atoghi ghakhu lono tsüküzü puwove.

ISAIAH 18:6

Tipaqo kümtsü naghuto lo ashikuchu ghau ngo tüghashiqo sala shive nani. Mütsü tusho lono aghau chuqupu, eno süsü lono tüghashi chuqupu shinani.

ISAIAH 29:2

Ikemu I no Ariel khasüve nani, tile amloghuju eno akumlo anani, tipau ye aghakishi-a toive nani.

ISAIAH 34:6

Ampeu zütakikihi ye ambe ngo ane ji eno anetsü michilothi lo atha akeu no küzülu khavae. Ti ye Pa no Bozrah lo aghashi keu, Edom lo zaghishi kütsake lonoe.

ISAIAH 34:7

Aviala no timi gholono thi nani, eno ashithetsü no amshitsü gholono ikiqi thi nani. Pano yeghi ye aji no pütsüve nani, eno atha no ayeghi iyivetsü nani.

ISAIAH 56:9

Aghasü lo tüghashi akeqo eno aluza lo tüghashiqo, hilau ighi no tsüchuve lo.

JEREMIYA 12:9

I mheghi ye atine ki toive akeo? Ashikuchu ghauqo no li homxa luve akeshea? Tüghashiqo no tsüchuve penike wuno kümtsü hekütsü saghilo.

JEREMIYA 25:33

“Tipa ghuloki lo Ampeu no heqhive kemi ayeghi shekha lono ashekha kutolo pekishe wonani. Panongu kümsü qamo, kumqomo, momu akumo shiqhomo nani, panongu ye tübatüzü toi ayeghi lo anani.

JEREMIYA 46:10

Tipa tsalani ye aqokitikhi MPEU tsala, Pa ghümi shou amkhü luni keu, amkhükulu tsala ke. Azütakikihi no aghaqilu moke kutolo aji pele eno tsüye nani. Kughengu ahuu Euphrates ghoki lono aqokitikhi MPEU no aghakishi shiani.

EZEKEL 29:5

I no asayeqha lo o peve nani, no eno o ghoki lo akha kümtsü; no ye aluza lo ikiqive nani eno khunomu o hekütsümo nani. I no o pesü ayeghi lo tüghashi eno atsütsü lo aghau chuqupu shi tsüve nani.

EZEKEL 39:16

(Hamonah ye mishighüna je ghi ke.) Panongu no hitoi shi ayeghi shikimthe nani.

EZEKEL 39:4

No eno ow aqokitikhi ngo timi khunoqo o gholo ani keno kümtsü Israel naghutoqo lono ikiqive nani. I no nongu pesü aghau jeli kümtsü lojive nani eno aluza lo tüghashiqo pelo tsüqhivepe nani.

ZEFANIA 1:7

Ampeu Alhou zülo iqüghai lo! Kughengu Ampeu tsala ye kupunuvae; Ampeu ye aghakishi kutovae eno kuküsümi kishekimthevae.

MATTHEW 24:28

Khile khilemu akithi kumo akeu lo küzüva lhuquqo anani.

SAMUEL ATUGHIU 16:3

Aghakishi lo Jesse kusü lo, eno nono kiu shikepu keno I no o piyeni. I no khuu o lau shuphe tsüni keno nono I ghenguno pa nukisheni.”

SAMUEL ATUGHIU 17:46

Ishi tsala lono Ampeu no o pesü I u lo süvetsü nani, eno I no o ghiqhive no o kütsü micheve tsü nani. I no Philistiami aqokitikhi sükumoqo pesü aghau ngo tüghashiqo tsüve nani, tishikeu lono ayeghiqha no Israel lo Alhou anie pi ithi peni,

SAMUEL ATUGHIU 9:13

Nokujo no mishighüna lo iloghi kelo pa no qhemghaike-a lo chusho niye wumphi lono pa sholu nani. Kughengu pa no aghakishi kümghatsü masa keke pa ighi kumo züu ye timiqo ye chushomo nani; tithiu no khunoqo kusü püani keno panoqo no chusho nani. Itehi wulo, nokujo no lo-i pa sholu nani.”