EZEKEL 38:22 - Sumi Naga CL (Re-edited) Bible (BSI)

²² I no püsa ngo ajikuqo pesü pa shou küghatha nani, I no pa ngo paw aqokitikhi eno timi kutomo khunoqo pa gholo ani keno panoqo shou pasapagha tsütsüghu, mürasü, ami eno amichu ghuqhitsü nani.

BAIBEL (BSI)

²² Ino kusukini ngo ghiqhikile keu pesu pa ghimeqhi nani. Pa eno pawu aghushimi eno ashiayeh kumzapu pa kudau shi akemiqo shou tsuqhu tsughukeu ngo apughu eno tipa gholo ami ngo amichu lepukutsu nani.

EZEKEL 38:22 Iomraidhean Croise

BOTHUBO 19:24

Tishino Ampeu no atsütsü lono Sodom ngo Gomorrah shou tsübuta kipti ngo ami ghuqhi tsü.

LESHELE 11:6

Kixikilami shou amibalu ghuqhi tsülo; ami, amichu eno pitipüza keu mülhü no pano saje shitsü lo.

ISAIAH 28:17

I no kuchou xakütha pesü akimghipu kighi shi nani, achipiu mikucho pesü akimghipu tu shi nani; akimki sükusho-a ye mürasü no jole sawuve no atshünazü no akicheqho-a yimive nani.”

ISAIAH 29:6

tsütsüküsü, ayeghi küghütha, aghügha kuloghi, pasapagha ngo miyitsü, eno piti-maha chekeu miküqü lono aqokitikhi MPEU no nongu xuju ighi nani.

ISAIAH 34:3

Panoqo sükumo ye peve no tino muthu münashui nani; panoqo ji no naghuto lono qowu nani.

ISAIAH 66:16

Kughengu Ami ngo azütakikihi vecheo, Pa no timi kümtsü shou küghathabe nani, eno Ampeu no kutomo pithive nani.”

JEREMIYA 25:31

Akumqhu no ayeghi shekha kutolo veküva nani, kughengu Ampeu no shiyeqo akipimi tsü nani; Pa ye lhoxü kümtsü shou küghathabeni cheni, kixikilami ye ghiqhive nani, ipi Ampeu no sheshu.’

EZEKEL 13:11

khunoqo no metsüghoi nudave tsü keno panoqo vilo hipau ye ikiqive nani ipi lo! Tsütsüghu kije ghuqhi nani, O mürasü kije eno pasapagha mülhü ighi nani eno nongu ye ikiqive nani.

EZEKEL 28:23

kughengu I no li lau püsa ngo ajikuqo puwu nani; azütakikihi no ako kümtsü lono li shou ikughi kelo akumo no li zülo ikiqi nani. Tileno panongu no Ni ye Ampeu kepi ithi nani.

EZEKEL 39:6

I no Magog ngo azüghimkü lo sükusho qholono küghüna chekemi shou ami puku nani, eno panongu no Ni ye Ampeu kepi ithi nani.

EZEKEL 5:17

I no püqümiye eno tüghashiqo nongu lau puwu nani, eno tipaqo no nongu nuliqo püqapunu nani. Püsa eno aji no nongu shou ighi nani, eno I no azütakikihi nongu shou puku nani. Ni ye Ampeu ke; I no piqhivae.”

JOYIL 3:2

shiye kümtsü I no hekütsü sasü Jehoshaphat Khila lo ighi nani. Eno tilauno I no Iw timi eno I mheghi Israelmi züqhushi panoqo shou küghathabe nani, kughengu panongu no I timi pesü shiyeqo dolo hakiphive tsüno I yeghi kijetha luve,

MATTHEW 7:27

Tsüqhu-tsüghu ighi, atshünazü ighi, eno amülhü no aki tipau lo fupuku, ikelo ti ye ikiqive, eno mzamghalei ikiqi qhoi kütsa khave.”

JOSHUA 10:11

Panongu no Israelmi zülono posü iqi Beth-horon ikuqho küdau cheke lono Ampeu no mürasü kuloghi Azekah laghi kutolo ghuqhi no panongu pithive. Israelmi no heqhive tsükeu nguno akichiu no mürasü no veqhive.

Piyeküsü 14:10

azü temokeu tsaiji toi pa jukhu lo Alhou loghu akümkau lesü no pije nani, eno kungumi kimthemi ngo Ambeti zülono ami eno amichu pesü ghimeqhi piti nani.

Piyeküsü 16:21

Atsütsü lono apüghütu kuloghi, lakhikhi lo ahu lhopungu qhalo shi timiqo shou ghuqhi; püsa tipau ye panoqo ghenguno akumou mkamghai kehu pulho kelauno panongu no Alhou ghushove.

Piyeküsü 20:9

Panongu no aqayeghi nhakhape chesü iqhoghi no küpülümi no achekeu-a, kimiyekiche phughi hu boluve, ikemu kungugha lono ami iqighi no panongu pitiqhive.

Piyeküsü 8:7

Kungumi atüghüu no pa fuko küigha kelo aji no apüghü ngo ami gholo xukütshü püzü ayeghi lo veqhi. Ikelo ayeghi eno asübo kikije küthü lo lakhikhi ye pitileve, tipau gholo atsüni küxü ghi qhoi pitive.