EZEKEL 38:13 - Sumi Naga CL (Re-edited) Bible (BSI)

¹³ Sheba ngo Dedan eno Tarshish lo kilhikishimi ngo panow sakiphemi no o vilo pi nani, ‘No ye aghüshi lono hakholu keu luniye ighi ani keshea? No ye xulelu keu thime, ghükayi ngo ameshoyi, atsüaqu, eno tinhemgha jeli xapu wuveni ye ow aqokitikhi hekütsüpe ani keshea?’

BAIBEL (BSI)

¹³ Sheba ngo Dedan lo akemiqo eno Spein taunqolo alhikishimino ovilo iniju nani, ‘Noye haleqhi eno xulepuwuve nike ghenguno oghushimiqo hekutsu kumqo kesha? Noye shunayi ngo tsandiyi, pichepighi eno tinhemgha luniye tishi kesha? Tipaqo kumtsu xapukishe wuniye shikesha?’ ”

EZEKEL 38:13 Iomraidhean Croise

LESHELE 57:4

I ngulho ye abongshuu dolo ani; ni ye mghamichi keu tüghashi dolo ihozü ani— timi nuliqo, panow ahu ye angupa ngo apijiqo ke, pano mili ye azütakikihi kütsügha ke.

ISAIAH 10:6

Alhou kümthami shiye, I loghu shikighide kemi lau wuno alaghila lo aniba qoda keshi püka, eno hakholu penike I no azah pa tsüno puwu ani.

ISAIAH 33:23

Nongu kighi ye ichonhei ani; tino ashuka tsükucho mtotoi mlano fusawu kepu phi xakholu amoe. Tishino hakhokulu thimeqo pofushi kije no kulhokughomi ghi pano saje ithulu nani.

JEREMIYA 15:13

“Nongu xine ghenguno aghakhu kümtsü lo I no nongu küakini eno akini khukiqo ame tsümono hakhope wuvepe nani.

JEREMIYA 50:17

“Israel ye abongshuu no haleve keu mbe toivae. Atüghüshi Assyria kükau no Israel kütsave, eno itehi Babylon kükau Nebuchadnezzar no panoqo saghi tsachheve tsüae.

JEREMIYA 51:38

“Babylon no abongshuu toi, abongshuu tiqo toi igha nani.

EZEKEL 25:13

Ampeu Alhou no ishi piani, I no Edom shou I u chho nani eno timi na tüghashi namu kütsave nani. I no tipau pesü küghüküghaleive tsü nani; Teman lono Dedan kutolo azütakikihi lono ikiqive nani.

EZEKEL 27:12

“O küakini jeli kutomo achekeu ghenguno Tarshish no o sasü lhidi shiche: panongu no ghükayi, ayi, ayipa eno aküsayi pesü ow tinhemgha kilhisho cheke.

EZEKEL 27:15

Dedan timiqo no o sasü lhidi shiche. Azüghimkü ghakhu kutomo no ow kütavi kilhikishi-a shiche; panongu no ame tsüno akühahu ngo tsübuike sü o lau peighi che.

EZEKEL 27:20

Khurshi shou qhaiqa chekeu ashiyiko pesü Dedan no o sasü kilhisho che.

EZEKEL 27:25

Tarshish lo zükiluqo no ow kilhikishi nhemghaqo pesü izüwu che. Ikehu no ye chhitoive no azüghi mta lo akho mishisheipe ngove.

EZEKEL 32:2

“Timi nu, Egypt kükau Pharaoh lau akumlo le phelo eno pa vilo pilo: “Nono o pesü shiyeqow abongshuu kepi kümsü cheni, ikemu no ye azüghi lo dragon ke; nono o ghoki lono ilhe ipeghi cheni, o pukhu no azü shipuqove, eno aghokiqo qonyive ke.

JOYIL 3:8

I no Judah timiqo u lo no tianuliqo jesüve nani, eno panongu no putou akemi shiye Sabeami lau jepuwuve nani, kughengu Ampeu no piqhivae.”

ZEKHARIA 11:3

Ambekhemi no mloqa igha ani, kughengu pano jekipi ye kütsavae! Abongshuuqo no ighamku ani, kughengu Jordan lo aghasü ye kütsavae!