EZEKEL 37:12 - Sumi Naga CL (Re-edited) Bible (BSI)

¹² Tighenguno tungkuptsa panoqo vilo pilo, Ampeu Alhou no ishi piani: Julo, O Iw timiqo, I no nongu kumoki lhapheni eno nongu saipeghini. I no Israel yeghi lo nongu sailoni.

BAIBEL (BSI)

¹² Tighenguno iwu timiqo Israilmi lau tungkuptsa pilo eno ni, Akughushu MPEU no panoqo kumoki lhapheni cheni kepi pitsulo. Ino panoqo saipeghini cheni eno Israil yeghilo sachile saghini cheni.

EZEKEL 37:12 Iomraidhean Croise

ISAIAH 11:11

Tipa ghuloki lo Ampeu no Assyria, Egypt, Pathros, Cush, Elam, Shinar, Hamath, eno azüghimkü lo Paw timi achilishi ghüpüaghi keqo itaghi ghuthu akiniu xaphe nike Pa küka peitha nani.

ISAIAH 26:19

Ow timi thive keqo ye pano phimpi no xüthughive nani. Nongu ayeghimkhu lo akeqo, ithu alokivishi ale phelo! Kughengu O tsüzü ye inaqhe tsüzü, tino ayeghi vepüxüpe kithimi lau aküxüpu tsünanie.

ISAIAH 66:14

Nongu no hipaqo ithulu nani eno nongu mlo no alovi nani; nongu phi lo aghiqo no atsüni toi thuwu nani; tileno Ampeu küka ghili Pa qemiqo no ithive nani, eno Ampeu no Pa ghümi shou Pa mlokiqi kumo puku nani.

EZEKEL 28:25

“Ampeu Alhou no ishi piani: Kughou I no ashiaye gholo kuthole puwuve keqo Israel laghami hekütsü luve no shiyeqo nhethe lono I kimthe panoqo gholo pephe piyeni keno, tileno I no I qeu Jacob tsükeu yeghi lo panongu no küghünauve nani.

EZEKEL 36:24

I no shiyeqo launo nongu salu nani eno aghakhu kümtsü lono nongu hekütsü no nongu yeghi lo saighi nani.

EZEKEL 37:13

Kughou I no nongu kumoki lhaphe, eno akumoki lono nongu saipeghini keno O Iw timiqo, nongu no Ni ye Ampeu kepi ithi nani.

EZEKEL 37:21

tileno panoqo vilo pilo, Ampeu Alhou no ishi piani: Julo, shiye khuno gholo Israelmi no wuve keno tipaqo gholono I no panongu saluve nani, eno aqha kümtsü lono panoqo hekütsü sasü pano yeghi lo ighive nani.

EZEKEL 37:25

I no I qeu Jacob tsükeu yeghi, khile nongu puasüqo no xüche keno nongu no tile küghüna nani. Panongu eno pano tianuli ngo atilimi no tilehi alholo küghüna acheuve nani, eno I qeu David no alholo panow kükapuu shive nani.

EZEKEL 37:4

Tile Pa no I vilo pi, “Asaghi hipaqo vilo tungkuptsa pilo, eno ishi pilo, O asaghi qhaive keqo, Ampeu tsa inilo.

DANIEL 12:2

Eno ayeghimkhu lo zü akemi kutomo ithughive nani, khami ye lhokta küxü lo eno khami ye akukujo ngo shekhaha küthakügha lo auve nani.

HOSIYA 13:14

Kithigha küka launo I no panoqo qhüchilelu nani; Akithi lono I no panoqo xachilelu nani. O akithi, ow püsaqo khile ania? O Kithigha, o sahu khile ania? Amlo ighiqhiyi keu ye I nhethe lono küsüvae.

HOSIYA 6:2

Atsala kini thiu Pa no ningu püxü kithetsü nani; atsala aküthüu lono Pa no ningu sünheqhe nani, tishianguno nino Pa zülo xüni.

JOYIL 3:5

Kughengu nongu no Iw ghükayi ngo ameshoyi luve, eno I küakiniqo xapu nongu chineki lo süveke.

ZEFANIA 3:20

Kughou I no nongu hekütsüni keno tileno I no nongu sasü kümtsa aki lo ighi nani; kughengu ayeghi lo ashiaye kümtsü gholono I no nongu je pipitsü eno sheqhe nani, ti ye I no nongu nhethe lono no küakini tsüchile kelono tishi nani,” ipi Ampeu no pi.

ZAKINIU 32:39

“‘Itehimu Ni ye Pa huke julo, I nguno alau kütau lhou kühae; I no pithive eno püxüve cheni; I no ghüzave no shipivi cheni; khunomu I u lono xaphe mlae.

1 Thes. 4:16

Kughengu Ampeu ampi no kungugha lono iqighi nani, tile azakütsü ghügha anani, kungumi atou sütsa chilu nani, Alhou fuko igha nani, eno Khristo laumi shi thive kemi paghino ithughi nani.

Piyeküsü 20:13

Azüghi lono thive kemi tilau azüghi no ikhiphe tsü, Akithi ngo Kithigha ghi tilau kithimi akeqo ikhiphe tsü, eno panongu lakhikhi no kiu mlapüa keno tipau kiqi lono küghathabe tsü.

SAMUEL ATUGHIU 2:6

Ampeu no pithive eno püxü tsü cheni; Pa no Kithigha lo saiqive no saputhu cheni.