EZEKEL 36:5 - Sumi Naga CL (Re-edited) Bible (BSI)

⁵ tighenguno Ampeu Alhou no ishi piani: Mtsüqheino shiye kütami eno Edommi kümtsü, khunono alokivishi eno shishe küthaküghapu shi I yeghi pesü pano ampi tsüve, tishikeu lono ayeghi tipau pesü atsüni kümtsha-a shiniye shikeno, panoqo lau I no I loghu külü lono pivae.

BAIBEL (BSI)

⁵ “Ni, Akughushu MPEU no iloghu kighide lono acheaxulo ashiayehqo shou piani eno akhotoshi Edom shou piani. Alovi ilhe eno phimo gihumo puzu panonguno iyeghi khathaluve eno tipaulo aluza pighi auveke.

EZEKEL 36:5 Iomraidhean Croise

LESHELE 137:7

O Ampeu, Edommi no Jerusalem leighike tsala lo panongu no pi, “kuboleve lo, kuboleve lo, iqi aboqhaqo kutolo kuboleve lo” ipikeu kümsü lulo!

LESHELE 79:5

Ampeu, khitohi kea? No ye alholo amloide anani kea? O nhekushu ye ami toi iqüni keshea?

AHOLE 17:5

Kumlhomi shikujo kemi ye pa Lhoküsüu thaigha ani, amhekiqi sholu kelo alovi keu ye ghime moveni keu kumoe.

JEREMIYA 12:14

I kisüghümi lhoksami khunono I no Iw timi Israel tsüve keu mheghi luvetsü keno, pano ghenguno Ampeu no ishi piani: “Julo, I no ayeghi lono panongu nhüve nani, eno panongu gholono Judah kibo nhüve nani.

JEREMIYA 25:9

julo, I no ahuu shiayeqo eno Babylon kükau I qeu Nebuchadnezzar kunani, ipi Ampeu no sheshu, I no panoqo sawo ayeghi hipau lo küxümi eno tipau hokümxa lo shiye akeqo mjochile nani. I no qhoi panoqo kütsaleve no panongu pesü aküighüpu, atichepu, eno pülhapuju ghenguno pighive tsü nani.

JEREMIYA 49:1

Ammonmi ghenguno. Ampeu no ishi piani: “Israel ye anu kühave akeshea? Pa mheghi kiyighiu kühave akeshea? Imaye kishino Milcom ye Gad leve no paw timiqo pesü tile xüsüvepe kea?

JEREMIYA 50:11

“O I mheghi xüpuwuve keqo, nongu no alovi amloqi anamu, amshiti no aluza lo ilhe akeshi, khurshitsü no igha keshi anamu,

AKUMLO 4:21

O Edom limi, khuu Uz yeghi lo ani keno; alovi eno amloqilo; ikemu o lau ghi ajukhu ighi nani; no ye shomzüve no o phikümsa shive nanie.

EZEKEL 36:3

tighenguno tungkuptsa pilo, Ampeu Alhou no ishi piani: Kughengu mtsüqheino panongu no nongu pesü kütsaleve eno ako kümtsü lono nongu chisheqhi kehu nongu ye shiye kütami no lepuwuve, timi tsa kipipu eno kixikila shi xishi-jeku keu shive kehu,

EZEKEL 36:6

Tighenguno Israel yeghi ghenguno tungkuptsa pilo, eno naghutoqo ngo atoghiqo, aghokiti ngo akhilaqo vilo pilo, Ampeu Alhou no ishi piani: Julo, I no I loghu nhekushu lono pivae, kughengu nongu no shiyeqow küthakügha xapuke.

EZEKEL 38:19

Kughengu I nhekushu lono eno I loghu miküqü lono I no asheshu, Tipa tsalani ayeghi küghütha kije Israel yeghi lo ighi nani.

EZEKEL 5:13

“Ikehu I mlokighide ye titoi ighi nani, eno I no I loghu panoqo shou lepuku no I likhi I ghapiqi nani. Panongu no Ni ye Ampeu kepi ithi nani, kughou I no I loghu kighide panoqo shou lepukuni keno panongu no Ni ye I nhekushu lono piqhi kepi ithi nani.

Obadiah 1:12

Ikemu o thiküzüu nguküsa tsala lo pa ju anheshu kelauno alovi kevilo; Judah timi shou kütsakungo keu tsala lo alokivi shi akevilo; aghime tsala lo qheza kevilo.

MICAH 7:8

I shou alovi akevilo, O I ghümi; kughou I no ikiqiveni keno, ni ye ithughive nani; kughou I no aküzü lo ani keno, Ampeu no I küvü shi nani.

ZEFANIA 3:8

“Tighenguno I no ithughi no thopi tsüni keu tsala khelo” ipi Ampeu no sheshu. Kughengu Iw xakütha ye shiye eno kükaqhaqo hekütsüni keu, panongu shou I xukighide pitipüza keu lepukuni keu ke; kughengu I loghu miküqü no ayeghi kümtsü pitileve nani.

ZEKHARIA 1:14

Ikehu kungumi khuu I pütsa akeno pa no I vilo pi, ‘Ighamku lo, aqokitikhi Mpeu no piani: Ni ye Jerusalem eno Zion ghenguno shishe anheshu ani.

ZEKHARIA 1:15

Eno Ni ye ililai akeqo shiye jupe shishe amloide ani; Ni ye kitila likhi amloide akemu panongu no ihulo ghimeve ake.

Mark 3:8

Jerusalem ngo Idumea, Jordan kukuu eno Tyre ngo Sidon hokümxa lo akeqoe. Kughou Jisü no mlaitha keu ghili kümtsü aqokitikhi kije no chilu keno, panoqo no pa lau ighi.

ZAKINIU 4:24

Kughengu Ampeu nongu Lhou ye amiküqü eno anhekushu Lhou ke.