EZEKEL 36:11 - Sumi Naga CL (Re-edited) Bible (BSI)

¹¹ I no timi ngo tüghashiqo o lau kughuko tsü nani, eno panongu no kughuko no athi pithi nani. I no nongu pelo khaghi lo toi küghüna lupe nani, eno püzüu nguno alau nongu lau akivi alau shinani. Tileno nongu no Ni ye Ampeu kepi ithi nani.

BAIBEL (BSI)

¹¹ Ino timi ngo pichepighi alau ikowolupe nani. Nonguye puzuu nguno kutomo shive nani eno nonguye atianuli kutomo shi nani. Nonguno puzuu achekeu toi ino nongu pelo tilehi xulupe nani eno ino nongu pelo puzuu nguno kinikulu shilupe nani. Tileno niye AMPEU kepi nonguno ithi nani.

EZEKEL 36:11 Iomraidhean Croise

JOB 42:12

AMPEU no Job küxü hukuthu lo nguno alau ashekhalau no pa kümghatsü. Ikehu pa ye ambe qhethonhe chighibidi, sayeshi 6,000, amshitsü 1,000, eno khurhaqu 1,000 auve.

ISAIAH 30:26

Itaghi, kughou Ampeu no Paw timi ghime kelono azaku pipekeu khavetsü eno shipivini keno, tipa tsala lono aqhi küvü no khetsünhe küvü toive eno khetsünhe küvü huno ghulo tsüni küvü peküqha keshi ghuthu tsüni piqi alaushi vüqaive nani.

ISAIAH 51:3

Kughengu Ampeu no Zion lopiqitsü cheni; Pa no tile ixapinyi ke-aqo lopiqitsü cheni eno liw yenguyi ke-a pesü Eden toi kughulho tsü cheni, li sayeqha pesü Ampeu ghutu toi shitsü cheni; alokivi ngo alokiqipu eno shikimthikütsü ngo ale kungo sütsa ye li lolo anani.

JEREMIYA 23:3

Tileno I no ghükulumi aghakhu khile panoqo hapuwuve keno ti kümtsü lono hekütsü sawo pano lojilo qhinani, panongu ye pithi kighishe eno alau ikowo nani.

JEREMIYA 23:4

I no panongu tucho mjoni kemi akhemi qhinani, panongu ye msa kithemo nani, shithüghüive, momu lakhimu pühavemo nani, ipi Ampeu no sheshu.

JEREMIYA 30:18

“Ampeu no ishi piani: Jualo, I no Jacob phiki kinigha athoputho tsü nani eno pa kungo-a lo kimiyeqhiyi keu anani; mishighüna ye xaleqhive keu shou shiqhe puku nani, eno kükaki ye thosü-a lo puthugho nani.

JEREMIYA 31:27

“Julo, Ampeu no sheshu, I no Israel ngo Judah kibo lo timi xüthi eno tüghashi xüthi pesü xusüni keu tsala cheni.

JEREMIYA 33:12

“Aqokitikhi MPEU no ishi piani: Timi na tüghashi namu kühano pighive keu-a hipau lo, eno mishighüna kümtsü lo itaghi ambekhemi no küghüna no ambe loji kulhoqhi tsü nani.

EZEKEL 16:55

O tsünipu Sodom ngo li ngaqo ye püzüu tholo ideighive nani, eno Samaria ngo li ngaqo ye püzüu tholo ideighive nani.

EZEKEL 35:9

I no o pesü alhokupuju küghüve tsü nani, eno ow mishighünaqo lo küghüna move nani. Tileno nongu no Ni ye Ampeu kepi ithi nani.

EZEKEL 36:35

Eno panongu no pi nani, ‘Ayeghi hipau küghüküghalei achekeu ye Eden ghutu toivae, eno kütsave keu, ixapinyi shipüsape akeu mishighünaqo ye itehi ye kümtsü shiqhevae eno küghüna luvae.’

EZEKEL 37:13

Kughou I no nongu kumoki lhaphe, eno akumoki lono nongu saipeghini keno O Iw timiqo, nongu no Ni ye Ampeu kepi ithi nani.

EZEKEL 37:26

I no panoqo sasü külakishi puloshoqhi shi nani. Ti ye panoqo sasü shekhaha puloshoqhi shikeu ke. I no pano yeghi lo panoqo qhino kughukotsü nani, eno alholo panoqo gholo I kimthe-a qhinani.

EZEKEL 37:6

I no nongu shou anhü ngo apiti ikughi peni, ayiko pesü nongu küzüve no atuthu nongu lolo sütsüni, eno nongu ye xüluve nani, eno Ni ye Ampeu kepi nongu no ithi nani.”

HOSIYA 2:1

O thiküzümi vilo, “Nongu ye Iw timi,” eno o chelimi vilo, “Nongu ye küpükini ithuluvae,” ipilo.

HOSIYA 2:20

I no pükhükulu lono no inisü nani. Eno nono Ampeu ithive nani.

AMUS 9:11

“Tipani David pushonha khikhi ikiqive keno I no ikhiqhe nani, tipau kighipeqo pukho kithe eno ixapinyive keu shiqhe kithepe khaghi lo toi atho shive tsüni,

AMUS 9:15

I no panongu pesü pano yeghi lo shosü nani, eno panongu ye I no tsükeu yeghi lono itaghi khilemu nhüvemo nani,” Ampeu nongu Lhou no piani.

MICAH 7:14

O küsü pesü Ow timi hejulo, O mheghi loji khunoqo thilishi aghasa lo xüani eno aghutu yeghi mta lo ani keno; panoqo pelo khaghi lo toi Bashan eno Gilead lo mzachu pelo.

ZEKHARIA 10:8

“I no miji panongu kuno hekütsü nani, kughengu I no panongu qhüchile luvae, eno panongu ye püzüu qhemi kutomo shive nani.

ZEKHARIA 2:8

Kughengu aqokitikhi Mpeu no pi, Pa juküvü no nongu xüle pewuve keu shiyeqo lau I puwu kethiu, khuu no nongu buni keno pa nhethi no juküsü shi püakeu buvae:

ZAKINIU 30:5

Ampeu nongu Lhou no nongu puasüqo mheghi yeghi lo nongu saghi no nongu pelo tile ngope nani. Eno Pa no nongu puasüqo nguno alau kinikülü ngo atianuli kughuko tsü nani.

IBRIMI 11:40

kughengu Alhou no ningu ghenguno kiukela akiviu kughupüa kehu ningu gholono panongu ghi kupukülailu peniye ke.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.