EZEKEL 34:25 - Sumi Naga CL (Re-edited) Bible (BSI)

²⁵ “I no panoqo sasü külakishi puloshoqhi shi nani eno pano yeghi lono tüghashi hapupove nani, tishikeu lono panongu ye asayeqha lo sükushopu shi küghünalu eno aghasüqo lo zühulu nani.

BAIBEL (BSI)

²⁵ Panoqo pelo ithapemo nikeu shi ino panoqo sasu puloshoqhi lakhi shi nani. Aghakhulo akumsapu lhoxu kumtsu ino hapupovetsu nani tishianguno iwu bheriqoye aluzalo sushokulushi xulu nani eno aghasalo zulu nani.

EZEKEL 34:25 Iomraidhean Croise

JOB 5:22

Kütsakungo eno püqümiye ighi kelo nono junu nani, no ye ayeghi lo tüghashiqo msa akepu küha nani.

JOB 5:23

Kughengu o lulo atu akeqo ye o pünaqhimo nani, eno aluza lo tüghashiqo no o sasü külakishi lono anani.

LESHELE 4:8

Ni ye aloino qhiyi ihozü no zühulu nani; kughengu, O Ampeu, O likhi no I pelo sükusho lono xülupe cheni.

AHOLE 3:24

Nono akulhoqhi anamu msamo, eno zü akelo aloinoqhiyi nani.

ISAIAH 35:9

Abongshuu momu ayiküsa tüghashi mu tilehi ighimo nani; tipaqo lakhimu ithumla nani ikemu xachile luve kemi no ti püla nani.

ISAIAH 54:10

Naghutoqo no ikauve namu eno atoghiqo no ipa ikiqive namu, Iw iqemokeu kikimiye ye o launo wuvemo nani, eno Iw külakishi puloshoqhi ye ikhivemo nani,” ipi Ampeu o shou kimiyekini achekeu no piani.

ISAIAH 55:3

O kini kughopuwo lo eno I lau ighilo; Inilo tishianguno o ngulho ye xülu nani; eno I no nongu sasü shekhaha puloshoqhi shini, eno Iw iqemokeu kikimiye David shou akeu nongu tsüni.

ISAIAH 61:8

Kughengu ni Ampeu ye achipiu xakütha kimiye; I no aküpka ngo akumou mithi ke; I no amikucho lono panongu asaxü tsü nani, eno I no panoqo sasü lhokta ghenguno puloshoqhi shi nani.

JEREMIYA 23:4

I no panongu tucho mjoni kemi akhemi qhinani, panongu ye msa kithemo nani, shithüghüive, momu lakhimu pühavemo nani, ipi Ampeu no sheshu.

JEREMIYA 23:6

Pa ghuloki lono Judah xaluve nani, eno Israel ye sükusho lono xünani. Pa je hipau ku nani: ‘Ampeu ye niw achipiu mikucho.’

JEREMIYA 32:37

Julo, I no I mlokighide, I loghu eno axukighide lono hapupove keqo aghakhu kümtsü lono xukumqo nani, eno I no panongu pelo sükusho lono xülupe nani.

JEREMIYA 33:16

Tipa tsala lo Judah ye xaluve nani, eno Jerusalem ye sükusho lono xülu nani. Aje hipau pe ishi ku nani: ‘Ampeu ye ni chipiu mikuchoe.’

EZEKEL 16:60

ikeghi o lhothe tsala lo toi Ni ye Iw puloshoqhi o sasü shikeu kümsülu nani, eno I no o ghenguno shekhaha puloshoqhi lakhi shi nani.

EZEKEL 16:62

I no o sasü Iw puloshoqhi shi nani, eno Ni ye Ampeu kepi nono ithi nani,

EZEKEL 20:37

I no nongu pelo ghaküsü küsü katha wupe nani, eno I no puloshoqhi kütsügha lo nongu saighive nani.

EZEKEL 28:26

Panongu no sükusho lono küghünauve nani, panongu no atsaibo shosü eno aki shiqhe puku nani. I no pano kisüghümi khunono küthaküghapu shi pano peitha keno panoqo kümtsü lau Iw küghakütha bekelo panongu ye sükusho lono küghünauve nani. Tileno panongu no Ni ye Ampeu pano Lhou kepi ithi nani.”

EZEKEL 34:27

Aluza lo asüboqo no axathi pithi nani, ayeghi no ikoishe athi pithi nani, eno panongu ye pano yeghi lo sükusho lono anani. Kughou I no panow kuokhasü hephove eno panoqo qhasüpe akemi u lono xaphe luni keno panongu no Ni ye Ampeu kepi ithi nani.

EZEKEL 34:28

Panongu ye shiyeqo no ghime keu shimo nani momu tüghashiqo no tsüqhimo nani. Panongu ye sükusho lono küghünalu nani eno khunomu panoqo shikümsa mla nani.

EZEKEL 37:26

I no panoqo sasü külakishi puloshoqhi shi nani. Ti ye panoqo sasü shekhaha puloshoqhi shikeu ke. I no pano yeghi lo panoqo qhino kughukotsü nani, eno alholo panoqo gholo I kimthe-a qhinani.

EZEKEL 38:8

Atsala kutomo thiuno no hekütsü nani. Ampe kutomo thiu aghüshi lono athoputho luve keu yeghi nongu no lewu nani, tipa yeghi lo timiqo ye ashiaye kutomo xuküqhape alhokuthu kütsape achekeu Israel naghutoqo lo acheni. Pano timiqo ye ashiaye kutomo gholono saighi no itehi ye kümtsü sükusho qholono küghüna ani.

EZEKEL 39:26

Panongu no pano kukujo eno I pishiqhi ighikeu kümtsü kümsümave nani, panongu ye khunomu pano shikümsa mlano pano yeghi lo sükusho qholono xülu nani,

ACHINE 25:19

Ayeghi no achuqupu tsüno nongu no aghakiqi shi chuno sükusho lono xülu nani.

ACHINE 26:5

Now ghile no pofushi atsaithi ghile kutolo pekütsü khamla nani, eno atsaithi ghile no ghixu kutolo pekütsü khamla nani. Nongu ye kupukuno shi chusho no sükusho lono no yeghi lo xülu nani.

ACHINE 26:6

I no aghakhu lo iqüghai keu tsü nani, eno kiumu nongu shikümsa mono nongu no zühulu nani. I no aghakhu lono tüghashiqo haleve tsü nani, eno tile aghükishi küha nani.

ZEKHARIA 14:11

Eno timi no tile küghünauve nani, kughengu itaghi shishe kütsave peni keu xaküthaza ye khilemu ighi kithemo nani. Jerusalem ye sükusho auve nani.

ZEKHARIA 6:13

Ampeu chineki shiqheni keu, ayekipe gigihu xapu eno kükalakhü lo iqa no ayepeni keu ye pa ke. Pa kükalakhü lo achinemi lakhi anani, eno külakishi no pama dolo anani.”’

AKIKIHI 25:12

Tighenguno ishi pilo, ‘Julo, I no Iw aloino keu puloshoqhi pa tsü ani,

IBRIMI 13:20

Itehi ye aloinokütsü Lhou, khuu no lhokta puloshoqhi shikeu ji vecheo akithi lono ni Mpeu Jisü, ambekheu akijeu xüputhu keno, Pa no