EZEKEL 34:23 - Sumi Naga CL (Re-edited) Bible (BSI)

²³ I no panoqo shou ambekheu lakhi, I qeu David, qhinani eno panoqo mbekheu shive nani.

BAIBEL (BSI)

²³ Panoqo shou akheu lakhi shipe nike ino iqeu David toikemi akukau lakhi panoqo tsu nani eno panoqo tuchohiju nani.

EZEKEL 34:23 Iomraidhean Croise

LESHELE 78:71

ambequ ati pape cheke lono Pa no pa pelo Jacob, Paw timi, Israel, Pa mheghi khekuto peniye saghike.

LESHELE 89:49

Ampeu, khaghi Ow iqemokeu kikimiye khipa pesü O pükhükulu lono David lau tushoqhi keno ti ye khile ania?

YETSAPIU 12:11

Alokütsümi tsa ye ambekhemi küsü lo ayi mtsüsüi keu toike, ahole pekütsü püakeu ye ayishu tsatsai yesü püake toike. Tipaqo ye Ambekheu lakhi launo ighie.

ISAIAH 11:1

Jesse süzüngü lono akhuni ipeghi nani, eno pa kuhu loka lono axathi pithi nani.

ISAIAH 40:11

Pa no ambekheu toi aloji tucho nani; Pa u lono ambetiqo khape nani; Pa mla lo khadape xapu nani, agholau no ati pazaqo saphe nani.

JEREMIYA 3:15

“‘I no I mlokuchuu ambekhemi nongu tsüni, panongu no akighithi eno vethakulu pesü nongu loji nani.

JEREMIYA 30:21

Pano sakipheu ye pano dolo timi no shinani; pano yepeu ye pano gholono ipeghi nani; I no pa sasü aphivilo ighi eno pa no I kupunu ighi nani, kughengu khuu no I kupunu ighi luni kea? ipi Ampeu no asheshu.

JEREMIYA 30:9

Ikemu panongu ye Ampeu pano Lhou, eno pano kükau David, I no pano ghenguno saputhu niye akeu huthu nani.

JEREMIYA 33:14

“Julo, Ampeu no asheshu, I no Israel ngo Judah kibo lau tushoqhi püakeu shikupuni keu tsala cheni.

EZEKEL 34:13

I no ashiayeqo dolono panongu saipeghi nani, aghakhuqo lono panoqo hekütsü nani, eno pano yeghi lo saighive nani. I no Israel lo naghutoqo, aghokitiqo, eno aghakhu lo küghüna akeu-aqo lono panoqo loji nani.

EZEKEL 34:15

Ni ampi no I mbeqo kheu shinani, I no panoqo pelo ihozüpe nani, ipi Ampeu Alhou no asheshu.

EZEKEL 37:22

I no Israel naghutoqo lo, pano yeghi lo panoqo pesü shiye lakhi shive tsü nani. Akükau lakhi no panoqo kümtsü kükau shinani, eno panongu ye shiye kini momu kükaqha kijetha pesü kini shimove nani.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

John 10:11

Ni ye akheu kiviue. Akheu kiviu ye ambeqo ghenguno pa küxü pephe tsüve cheni.

John 10:16

Hipa loji lo kühakeu ni ye ambe kütau aphi. Ni ye tipaqo ghi saghi masae, panongu no I sütsa ini nani. Tileno aloji lakhi, akheu lakhi shive nani.

IBRIMI 13:20

Itehi ye aloinokütsü Lhou, khuu no lhokta puloshoqhi shikeu ji vecheo akithi lono ni Mpeu Jisü, ambekheu akijeu xüputhu keno, Pa no

1 Peter 2:25

Kughengu nongu ye ala vepimi wuvekeu mbe toi cheke, ikemu itehi ye nongu ngulho Kheu eno Jukükütsüu lau idechile ighivae.

1 Peter 5:4

Eno kughou Ambe Khetou ipeghini keno, nongu no aju idimo keu juküvüpu kütsükuqho ithulu nani.

Piyeküsü 22:16

“Thime hipaqo pesü akukuhouqo lau sheshu penike Ni, Jisü no Iw kungumi puwuvae. Ni ye David laghami kuhu aghü, inaqhe yepu vüqai keue.”

Piyeküsü 7:17

Kughengu kükalakhü mta lo Ambeti huno pano kheu shino panoqo sasü aküxüpu züpuki lo tucho sawu nani, eno Alhou no pano nhethi lono anhezü isüvetsü nani.”