EZEKEL 34:16 - Sumi Naga CL (Re-edited) Bible (BSI)

¹⁶ I no pühave keqo phuwu nani, eno I no itsüsü wuve keqo sachile ighi nani, izapusü akeqo khakide küdai tsü nani, miqemlei keqo shikumto tsü nani, eno atha pubeyi akeqo ngo akumto shi akeqo ye I no kütsave nani. Achipiu lono I no panoqo loji nani.

BAIBEL (BSI)

¹⁶ “Khunoqo puha pesu ani keno ino juwuni, itsu itsuwuvekeqo saide saghini, izavekeqo khakide kudaive tsuni eno suaghikeqo shipivi tsuni; ikemu atha pubei eno mutotoi keqoye ino kutsave nani kughengu niye achipiu shichekeu bherikheuke.

EZEKEL 34:16 Iomraidhean Croise

LESHELE 147:3

Pa no amlo ipopinyi kemi shipivi eno pano zaku khatsü cheni.

LESHELE 72:2

Pa pelo achipiu mikucho pesü Ow timiqo, eno kuchou xakütha pesü kumlhomi xatha tsü pelo!

ISAIAH 1:5

Kushiye nongu heqhi apeni kea? Nongu ye kushiye hebide auveni kea? Azaku no akütsü kuchopu sü ani, eno amlo no pumhomoivae.

ISAIAH 10:16

Ikehu aqokitikhi MPEU Alhou no paw ghüshimi chhikhoi keqo lau aphikiqi küsü puwu tsüno pa küakini qhoi ami no pitive nani.

ISAIAH 40:11

Pa no ambekheu toi aloji tucho nani; Pa u lono ambetiqo khape nani; Pa mla lo khadape xapu nani, agholau no ati pazaqo saphe nani.

ISAIAH 49:26

I no nongu qoda kemi pelo pano phiashi chupe nani; eno aji sho akeshi pano jih shope nani. Tileno timi kümtsü no Ni ye nongu Xakuluu Ampeu, nongu Xachilekuluu, Jacobw Akumtou kepi ithi nani.”

ISAIAH 5:17

Tishino ambeqo no pano tsüni kümza-a lono chu nani, eno kupokichemi no kinimi kipighi-a lono chu nani.

JEREMIYA 10:24

Kuchou xakütha lono I shikithe tsülo, O Ampeu; O mlokighide lono kumoe, ni ye kiumu kumove nosake.

JEREMIYA 23:15

Ikehu aqokitikhi MPEU no tungkupmi vilo ishi piani: “I no khumtsai keu chuqupu pesü panongu lojini eno tüghü zü pesü ye penike panongu piyeni, kughengu Jerusalem tungkupmi launo Alhou kümtha khuaye ayeghi kümtsü lo wuvae.”

JEREMIYA 23:5

“Jualo, Ampeu no asheshu, I no David ghenguno amikucho Loka lakhi süqheni keu tsala cheni, pa no akükau shino alokütsü lono ayepe nani, eno ayeghi lo kuchou xakütha ngo achipiu mikucho anani.

JEREMIYA 31:8

Julo, I no ahuu ghakhu lono panongu saghi nani eno ayeghi shekha lono panoqo hekütsü nani, panongu gholo anhechemi ngo apukhu kinitave kemi, mishipu akemi totimi eno punu niye akemi, aqo kije küqhano hile ideighi nani.

JEREMIYA 50:11

“O I mheghi xüpuwuve keqo, nongu no alovi amloqi anamu, amshiti no aluza lo ilhe akeshi, khurshitsü no igha keshi anamu,

JEREMIYA 50:6

“Iw timiqo ye pühave keu mbeqo toivae. Pano khemi no pano saküghüzüvae eno naghutoqo lo pühave peke. Naghuto lono atoghi lo itsüsü wuve, eno panongu ye pano loji kümsümavae.

JEREMIYA 9:15

Tighenguno Israel Lhou, aqokitikhi MPEU no ishi piani: Julo, I no khumtsai keu chuqupu pesü timi hipaqo lojini, eno tüghü zü pesü panongu piyeni.

EZEKEL 20:34

I no timi hipaqo launo eno aghakhu khile nongu kutholepe ani keno, tilau no au kumto eno au xachhope aloghu lephe keu lono nongu saipeghive no nongu hekütsü luve nani.

EZEKEL 24:5

Ambe akiviu lakhi kishelo; tipau qholo asü süghülo; akivishi tipau kumqholo; tipau ghiqo ghi tileno belelo.

EZEKEL 34:11

“Kughengu Ampeu Alhou no ishi piani: Julo, I no, Ni ampi no I mbeqo phuwu nani eno panoqo juwu nani.

EZEKEL 34:4

Nongu no miqemlei kemi shikumto tsümoe, aküsüu shipivi moe, aghüza kupuu khakide küdai tsümoe, itsüsü wuve keqo sachile ighimoe, pühave keqo phuwu moe, eno mkamihi panoqo shou ayepeke.

EZEKEL 39:18

Ambetsü, ambeti, anetsü, amshitsü, Bashan lo lhoxü atha pubeyi keqo toi nongu no akumtomi shi chunani, eno ayeghi lo yepemi ji yenani.

MICAH 5:3

Tighenguno apunu küsü lo akeu huno punu moke kutolo Pa no panongu qhive nani; Tithiuno pa thiküzümi no Israelmi lau ideighi nani.

MICAH 7:14

O küsü pesü Ow timi hejulo, O mheghi loji khunoqo thilishi aghasa lo xüani eno aghutu yeghi mta lo ani keno; panoqo pelo khaghi lo toi Bashan eno Gilead lo mzachu pelo.

ZEFANIA 3:19

Julo, tipa ghuloki lo I no nongu qhasü chekemi ghimeqhi nani. I no aphiau kinitave kemi xalu eno hapheve kemi hekütsü nani, eno pano kukujo pesü shekiqhe lo süve tsüno ayeghiqha kümtsü ajepipi tsü nani.

ZEKHARIA 10:3

“I mlokighide ye ambekhemi shou ani, I no sakiphemiqo ghime nani; kughengu aqokitikhi Mpeu ye Pa mbeloji, ti ye Judah laghami, tucho cheni, eno panoqo pe aghüshi lo khurshi kughushu toi shi nani.

MATTHEW 15:24

Pa no khochile, “Israel lagha lo püha püakeu mbeqo lau likhi I puwu püanie.”

Mark 2:17

Hi chilu kelo Jisü no panoqo vilo pi, “Ashiaji vithai akeqou no kumo püzü khunono küsükini shi ani keno shikipiviu avehupu shi cheni. I no ighi keu ye amikuchomi kumono axinemi kuniye ke.”

Luke 19:10

Kughengu Timi Nu ye pühave no akemi phuni ke eno xaluni ke ighie.”

ZAKINIU 32:15

“Ikemu Jeshurun no chhikhoive kelo hebideuve; nongu no atha pubeyi, chhikhoi, eno athinibeive; tileno pa no pa lhokeu Lhou pheve, eno xakulupu Tuqu thogha ke.