EZEKEL 34:12 - Sumi Naga CL (Re-edited) Bible (BSI)

¹² Ambekheu no ambe hami pa gholo akelono apanaghave keqo phuwu ketoi, I no I mbeqo phuwu nani, eno khüngküsü ngo aküzü kutho tsala lo panongu no khile apanaghave keno tilau no I no panoqo xaphelu nani.

BAIBEL (BSI)

¹² Bherikheuno paw bheri hami hapiye pighivekeqo phujuwu puzu saghi kithe keshi ino iw bheriqo phuwu nani. Ti akuzu eno kutsapinyive keu tsalalo a-a khipaqolo panoqo hapiye pighive keno tilauno ino panoqo sachile saghi nani.

EZEKEL 34:12 Iomraidhean Croise

AHOLE 27:23

O tsüaquqo pasü ithilo, eno tsaqütsalei jukuto lo,

ISAIAH 40:11

Pa no ambekheu toi aloji tucho nani; Pa u lono ambetiqo khape nani; Pa mla lo khadape xapu nani, agholau no ati pazaqo saphe nani.

ISAIAH 50:10

Nongu dolo khuu no Ampeu sümsa cheni eno Pa qeu tsa lucheni kea? Khuu no aküzü lo püla cheni eno aküvü küha keno, pa pelo Ampeu je pükhübe eno pa Lhou pükhülu pelo.

ISAIAH 56:8

Ampeu Alhou Khuu no Israelmi hapiyepighive keu hekütsü keno, Pa no pi ani, “Ti hekütsüpe qhive keqo nguno alau, itaghi I no kütami ghi panongu gholo hekütsü nani.”

JEREMIYA 13:16

Pa no aküzü süghi mphi züuno, zümoive keu naghutoqo lo nongu pukhu no küpxa mphi lono, eno nongu no aküvü laju akelo Pa no züchiyive tsüno aküzü kutho shivetsü mphi lono, Ampeu o Lhou sheqhelo.

JEREMIYA 23:3

Tileno I no ghükulumi aghakhu khile panoqo hapuwuve keno ti kümtsü lono hekütsü sawo pano lojilo qhinani, panongu ye pithi kighishe eno alau ikowo nani.

JEREMIYA 31:10

“Ampeu tsa inilo, O shiyeqo, eno putou azüghimkü lo küami vilo sheshulo; ‘Khuu no Israelmi kuthole keno Pa no xukumqo nani, eno ambekheu no aloji khe aketoi pano khekuto nani’ ipilo.

JEREMIYA 31:8

Julo, I no ahuu ghakhu lono panongu saghi nani eno ayeghi shekha lono panoqo hekütsü nani, panongu gholo anhechemi ngo apukhu kinitave kemi, mishipu akemi totimi eno punu niye akemi, aqo kije küqhano hile ideighi nani.

JEREMIYA 33:12

“Aqokitikhi MPEU no ishi piani: Timi na tüghashi namu kühano pighive keu-a hipau lo, eno mishighüna kümtsü lo itaghi ambekhemi no küghüna no ambe loji kulhoqhi tsü nani.

EZEKEL 30:3

Kughengu atsala ye kupunuvae, Ampeu tsala ye kupunuvae; ti ye khüngküsü no nhapho keu tsala, shiyeqo ghimepu tsalae.

EZEKEL 32:7

Kughou I no no ikhiveni keno, I no atsütsü küzüve nani, eno ayepuqo zümoive tsü nani, I no khüngküsü pesü khetsünhe nhave tsü nani eno aqhi no aküvü tsümove nani.

ZEFANIA 1:15

Tipa tsala ye aloghu tsala, aghime eno amloghuju tsala, ixapinyi eno kütsale keu tsala, züchiyi keu eno aküzü tsala, khüngküsü kutho zümoike tsala,

ZEKHARIA 10:3

“I mlokighide ye ambekhemi shou ani, I no sakiphemiqo ghime nani; kughengu aqokitikhi Mpeu ye Pa mbeloji, ti ye Judah laghami, tucho cheni, eno panoqo pe aghüshi lo khurshi kughushu toi shi nani.

ZEKHARIA 9:16

Tipani Ampeu panongu Lhou huno Paw timi loji xalu nani; kükakütsüqho lo achiku toi panoqo no Pa yeghi lo vü nani.

Luke 15:8

“Momu totimi khuu no pisa muno chighi akelo lakhi pühave aye, ti ithulu moke kutolo akulu küqüpe aki khu no chixechilei phujumo nani kea?

Luke 19:10

Kughengu Timi Nu ye pühave no akemi phuni ke eno xaluni ke ighie.”

John 10:16

Hipa loji lo kühakeu ni ye ambe kütau aphi. Ni ye tipaqo ghi saghi masae, panongu no I sütsa ini nani. Tileno aloji lakhi, akheu lakhi shive nani.