EZEKEL 33:12 - Sumi Naga CL (Re-edited) Bible (BSI)

¹² “Eno no, timi nu, ow timiqo vilo pilo, Kughou amikuchomi no hebideveni keno pa chipiu mikucho ye pa xalumo nani, eno kixikilamiw kixikila ghengu ye, kughou pa no paw kixikila lono tsüghü luni keno, pa ye pa kipimi lono thimo nani, eno kughou amikuchomi no axine shiveni keno, pa ye pa chipiu mikucho lono xülumo nani.

BAIBEL (BSI)

¹² “Thinikuau timio, itehiye Israilmi vilo pilo, ike kughou alokemi lakhi axine shi aye pano akivi shipuakeu huno pa xaluni chemoe. Tsala alhoksami lakhino alhoksa shimove aye pa ghimeqhi move nanike eno kivimi lakhino axine shithuve aye pa kuxu puxutsumo nanike.

EZEKEL 33:12 Iomraidhean Croise

YEKIKITHI AKINIU 7:14

tsala Iw timi I je kuche keqo no kuchuni püzü inikhu no I phuighi eno panow kixikila lono tsüghü ighi aye, I no kungugha lono panongu kighini chilutsü nani eno pano xine qhive tsüno pano yeghi shipivi tsü nani.

JEREMIYA 18:10

tipau no I zülo alhoksa kümla shino I tsa lumove aye, akivi shinipi kughu akeu lono I kükümsü kilive nani.

JEREMIYA 18:8

I no ghutuve keu shiye no alhoksa kümla lono xaideve aye, I no amhekiqi kümla shini pi kughuve keu lono I kükümsü kilive nani.

EZEKEL 18:21

“Ikemu tsala kixikilami no pa no mlaitha chekeu xineqo lono tsüghü ighi no I yezah kümtsü pape eno kiu no achipi eno kuchou keno shi aye, pa ye mtsüqheino xü nani; pa ye thimo nani.

EZEKEL 3:18

Tsala I no kixikilau vilo, ‘No ye mtsüqheino thive niae,’ ipini eno nono pa kütüghü move momu pa küxü xalu tsüniye paw kixikila laghi lo ideighi penike kütüghü move aye, pa ye pa xine ghenguno thive nani, ikemu pa ji ghenguno nono kihikülai tsü masa nani.

EZEKEL 33:2

“Timi nu, ow timiqo pütsa no panoqo vilo pilo, Tsala I no ayeghi lo azütakikihi süghi aye, eno ayeghi lo timiqo no pano gholo milakhi pesü pano ghukheu shipe aye,

EZEKEL 33:20

Ikeghi nongu no pi, ‘Ampeu laghi ye achipi kumoe.’ O Israel kibolomi, I no milakhikhi laghi kiqi lono kümtsü shou küghathabe nani.”

Rommi 3:25

Khristo no axine pevekulupu ghakishi shikeu aküpülü lono ikhilu peniye Alhou no Pa pephetsü. Hi ye Alhou chipiu-mikucho piyeni kehue, kughengu Paw kheakulu vecheo Pa no püzüu xineqo juzüve tsüe.

1 John 2:1

I tianuliqo, I no nongu lau hipaqo yepuwu akeu ye nongu pelo axine shi pemo niye ke. Ikemu khuana no axine shi aye, ningu ye Apu zülo ni ngulau Jisü Khristo amikuchou hu anike.