EZEKEL 31:9 - Sumi Naga CL (Re-edited) Bible (BSI)

⁹ I no tipa lokaqo sükhotsü eno jukivi shitsüe, Alhou ghutu lo Eden süboqo kümtsü no tipau jumine ke.

BAIBEL (BSI)

⁹ Tipauno aloka sukho pesu jukighilepu shi ino mlake. Tiye Alhou ghutu, Eden lo asubo kumtsuno jumineqhiyi cheke.

EZEKEL 31:9 Iomraidhean Croise

BOTHUBO 13:10

Lot no pa nhethi tsüpuku no Jordan Khila huye azünihoi Ampeu ghutu toi, Zoar küdau Egypt yeghi toi aghikeu ithulu. (Hi ye Ampeu no Sodom ngo Gomorrah kütsa mphi züuke.)

BOTHUBO 26:14

Pa ye atsü-aqu eno lhoxü loji ngo aqemi kutomo pighi luve, ikehu Philistiami ye pa ju anheshuve.

BOTHUBO 37:11

Pa mu noqo ye pa ju anheshuve, ikemu pa pu no atsa hipaqo pa mlo lo qhiluve.

IPEKULU 9:16

Ikemu I no I küka o piye, eno tishikeu lono ayeghiqha kümtsü lo I je sheshu peni keu kimji ghenguno I no o saputhu ke.

AHOLE 27:4

Aloghu ye ayiküsa, eno amlo kighide ye kütsakungo keu, ikemu khuu no anhekushu zülo puthugho luni kea?

YETSAPIU 4:4

Itaghi I no ithulu keu no timi lakhi no akaghashi mlakeu eno akümla lo shitsa shikeu kümtsü pa kisüghüu jumine kelau noke. Hi ghi adou eno amülhü küghaju püha keu paphie.

ISAIAH 51:3

Kughengu Ampeu no Zion lopiqitsü cheni; Pa no tile ixapinyi ke-aqo lopiqitsü cheni eno liw yenguyi ke-a pesü Eden toi kughulho tsü cheni, li sayeqha pesü Ampeu ghutu toi shitsü cheni; alokivi ngo alokiqipu eno shikimthikütsü ngo ale kungo sütsa ye li lolo anani.

ISAIAH 55:12

“Kughengu nongu ye alokivi lono ipeve nani ke; eno aloino keu lono saipeve nani; naghutoqo ngo atoghi nongu zülo akeqo no vekipighi ale phenani, eno aluza lo asübo kümtsü no panongu u kukhu nanie.

EZEKEL 16:14

O jukivi ghenguno o jekipi ye shiyeqo dolo veküpha wove, kughengu ti ye I no o shou jukighilepu shi pukutsü keu vecheo kupukülailu kepi Ampeu Alhou no asheshu.

EZEKEL 17:22

Ampeu no ishi piani: “Ni ampi no qhemghai keu cedarbo kütsüqa lono akhuni pughotha pesü wunani. I no tipau akemtsü lo akhuni kümtsha pigheve nani, Ni ampi no tipau pesü qhemghaike-a eno chuqumghai keu naghuto lo shosü nani.

EZEKEL 17:24

Eno aluza lo asübo kümtsü no Ni ye Ampeu kepi ithi nani; asübo qhemghai keu I no aqhou saiqighive nani, eno chuninhei keu pesü qhemghaive tsü nani, miniboi akeu pesü kimghoive tsü nani eno qhaikeu pesü xüthilei tsü nani. Ni ye Ampeu ke; I no piqhivae, eno I no tipau shi nani.”

EZEKEL 28:13

No ye Eden, Alhou ghutu lo ache; akughupu tu jeli no o küzüpe ache, sardius, topaz, eno mlaputu, beryl, onyx, eno jasper, sapphire, emerald, eno carbuncle; ameshoyi no meda eno kixi puku o nanu shiche. O lhoke tsalani no tipaqo kutope qhitsüe.

EZEKEL 31:16

Tipau ikiqi keu ghügha mtsa I no shiyeqo pelo ithape ke, ti ye aqo lo ikiqi ilove keqo gholono I no tipau Kithigha lo vesüve ke. Eno Eden lo asübo kümtsü, Lebanon sübo kishekiphe eno akiviu khikhi azü no pütsü cheni keno tipaqo ye ayeghi qhou alokughuno shive.

EZEKEL 31:18

“Imaye Eden süboqo dolo ajekipi eno akughushu gholo no ye khikhiu toi kea? No ye Eden süboqo gholono ayeghi qhou sailove nani. No ye azütakikihi lono ghiqhive kemi, aphighüyiko ghamo kemi gholo ngove nani. “Hi ye Pharaoh eno paw aqokitikhi kümtsü ghenguno, ipi Ampeu Alhou no asheshu.”

EZEKEL 36:35

Eno panongu no pi nani, ‘Ayeghi hipau küghüküghalei achekeu ye Eden ghutu toivae, eno kütsave keu, ixapinyi shipüsape akeu mishighünaqo ye itehi ye kümtsü shiqhevae eno küghüna luvae.’

DANIEL 2:21

Pa no ado-aghuloki eno atusho kilivetsü cheni; Pa no kükami ikhive eno süküsü shi cheni; Pa no alokütsümi lau alokütsü tsü eno vethakulumi lau akighithi tsü cheni;

ZEKHARIA 11:2

Mloqa lo, O Cypressbo, kughengu cedarbo ye ikiqivae, ajekipi süboqo ye kütsavae! Mloqa lo, Bashan phisüboqo, kughengu aghasü ye yeqhivae!

SAMUEL ATUGHIU 18:15

Kughou pa no tokulu kije shikeu Saul no ithulu keno, pa ye alau msaighüve.