EZEKEL 31:11 - Sumi Naga CL (Re-edited) Bible (BSI)

¹¹ I no tipa pesü shiyeqo gholo akumtou u lo süvetsü nani. Pa no mtsüqheino paw küsakügha kiqi lono peitha nani. I no tipau peve ake.

BAIBEL (BSI)

¹¹ ikehu ino tipau lumoveke eno inaghami ayehkipemi lakhi pelo tipau luvepe. Tipau subono kixikila lhoksa ghenguno ithulu kepushi akeu qhemi ayehkipemino pa tsu nani.

EZEKEL 31:11 Iomraidhean Croise

BOTHUBO 3:24

Pa no Timi hu hapheve, eno aküxüpu sübo laghi khekuto penike Pa no cherubim eno amiküiqü zütakikihi pesü Eden ghutu kipelau qhive.

LESHELE 119:126

Ampeu, Nono mla kepu do ighivae, kughengu O yezah ye kubovae.

JEREMIYA 25:9

julo, I no ahuu shiayeqo eno Babylon kükau I qeu Nebuchadnezzar kunani, ipi Ampeu no sheshu, I no panoqo sawo ayeghi hipau lo küxümi eno tipau hokümxa lo shiye akeqo mjochile nani. I no qhoi panoqo kütsaleve no panongu pesü aküighüpu, atichepu, eno pülhapuju ghenguno pighive tsü nani.

JEREMIYA 50:18

Tighenguno, aqokitikhi MPEU, Israel Lhou no ishi piani: Julo, I no Assyria kükau ghimeqhi ketoi Babylon kükau Nebuchadnezzar ngo pa ghakhumi ghimeni cheni.

AKUMLO 1:21

“Panongu no I küsü ghügha chilu kemu khunomu I lokughuno tsüni kemi kühae. I ghümi kümtsü no ti chiluvae; Nono hipau shivae pi panongu ye alovi anie. Nono sheshuke tsala lono saghivae; itehi ye panoqo ghi I toive pelo.

EZEKEL 11:9

I no aghakhu lono nongu saipeghive nani, nongu ye inaghami u lo phesüve tsü nani, eno nongu shou küghakütha benani.

EZEKEL 21:31

Eno I no I loghu kighide nongu shou lepuku nani; I no I loghu miküqü pesü nongu ghaqhi nani, eno nongu pesü ajiküxümi, kütsakungo keu lo shitsami u lo phesüve tsü nani.

EZEKEL 23:28

“Kughengu Ampeu Alhou no ishi piani: Julo, nono khunoqo mithi cheni eno khunoqo launo inhilai shi tsüghüve keno I no panoqo u lo no phesüve nani,

EZEKEL 30:10

“Ampeu Alhou no ishi piani: “I no Babylon kükau Nebuchadnezzar vecheo Egypt küakini kishekhave tsü nani.

EZEKEL 30:11

Pa eno pa paw timi, shiyeqo dolo ayiküsau, ayeghi kütsani ke saghi nani, panongu no Egypt mjochileni ke azütakikihi pesü ghiqhi no akumo no ayeghi chhitoi nani.

NAHUM 3:18

O mbekhemi ye zü auvae, O Assyria kükau; ow yepemi ye ingu auvae. Ow timiqo ye naghutoqo lo hakiphivae khunomu panoqo hekütsüni kemi kühae.

ZAKINIU 18:12

hipaqo shikemi ye Ampeu zülo aphikümqhüpu ke. Hi ghenguno nongu nhethe lono Ampeu Alhou no shiye hipaqo hapheve ani.

1 Tim. 1:20

Timi tipaqo gholo Hymenaeus ngo Alexander pama ghike, I no pama pesü Satan küka lau phesüve tsüae, tishikeu lono Alhou thaigha pemo niye ke.

James 2:13

Kughengu khunono akipimi qhitsü moni keno küghakütha lo pano kipimi qhitsümo nani. Akipimi qhikütsü no küghakütha shou tokulu cheni.

XAKUTHAMI 1:7

Tileno Adoni-bezek no pi, “Kükami pano 70 auloqu ngo apukhuloqu ghithave kemi no I no ilhu cheke-a lo ikiqive keqo kiche chuche. I no panongu lau mlake toi itehi ye Alhou no I lau mlavae.” Eno panongu no pa sasü Jerusalem lo ighi no pa ye tilauno thive.

XAKUTHAMI 16:23

Tithiu Philistiami yepemi no kumqo no aghakishi kije pesü pano lhou Dagon mllani keu shi. Panongu no pi, “Ni lhou no ni ghümi Samson pesü ningu u lo süve tsüae.”