EZEKEL 30:24 - Sumi Naga CL (Re-edited) Bible (BSI)

²⁴ I no Babylon kükau umlo shikumtove tsü nani eno I zütakikihi pa u lo sütsü nani, ikemu I no Pharaoh umlo ye hechheve tsü nani, eno pa ye timi lakhi no akithipu ghüzaku xapu aketoi Babylon kükau zülo aküsü ghügha igha nani.

BAIBEL (BSI)

²⁴ Tithiuno ino Babilon kukau umlo mutotoi shitsuni. Ikemu Ijip kukau umlo hephovetsu nani eno pano sukutu igha nani eno pa ghumi gizu lono thi nani.

EZEKEL 30:24 Iomraidhean Croise

NEHEMIA 6:9

Panongu ye ni shikümsa niye ishi kümsü ae, “Panongu ye au süchile niae eno akümla kishekha lumoae.” Ikemu, O Alhou, itehi I shikumto tsülo.

JOB 24:12

Aphughi lo aghüzaku kupumi eno thiuche kemi no kuphu lopi igha keghi Alhou no khuu kutokumo mu phüju tsümove.

LESHELE 144:1

Ampeu, I tuqu, sheqhelo, Pa no aghüshi ghenguno I u ngo I u lotiqo qophetsü cheni.

LESHELE 17:13

Ithulo, O Ampeu! pa mjochile lo, pa qhasüve lo! O zütakikihi pesü kixikilami launo I ngulho xaphe tsülo,

LESHELE 18:32

Alhou no akumto pesü I lolo shepichhi tsüe eno I laghi lo tukutiye kühakeu shitsüe.

LESHELE 18:39

Kughengu Nono aghüshi ghenguno akumto pesü I tsüe; khunono I mjochile keno Nono panoqo pelo I qholo ikiqivepe.

ISAIAH 10:15

Amüghü momu küxüyi ye pa peitha chekeu kütsü lo iku qolu nani keshea? Ti ye aqheküsü momu asüthalu no timi peitha cheghi kepu toive niae!

ISAIAH 45:1

Ampeu no Paw nukikishe Cyrus vilo ishi piani, I no pa pelo shiyeqo qhasü penike pa u ajeu tsüqü luvae, kükami pokha xaluve tsü, pa zülo ahukikhaqo khaqhi tsü, eno khaghoqo khapemo nike pi:

ISAIAH 45:5

Ni ye Ampeu; alhou kütau khumu kühae, I nguno kütau lhou kühae; nono Ni ithimo kemu, I no o shikumto cheni,

JEREMIYA 51:52

“Ikehu, Ampeu no sheshu, I no li julho shou küghathani keu tsala cheni, li ghakhu kümtsü lo izave kemi no aküsü xapu igha nani.

EZEKEL 26:15

“Ampeu Alhou no Tyre vilo ishi piani: Nono ikiqi keu ghügha mtsa izape akemi no aküsü ghügha igha, eno nongu dolo ghiqhi keu huno azüghimkü lo akeqo ye thüthüshi moni keshea?

EZEKEL 29:19

Tighenguno Ampeu Alhou no ishi piani: Julo, I no Egypt yeghi pesü Babylon kükau Nebuchadnezzar tsüve nani; eno pa no tipau xüle no küakini xulepuwuve nani; eno tino paw ghüshimi ghenguno ajume shi nani.

EZEKEL 30:10

“Ampeu Alhou no ishi piani: “I no Babylon kükau Nebuchadnezzar vecheo Egypt küakini kishekhave tsü nani.

EZEKEL 30:11

Pa eno pa paw timi, shiyeqo dolo ayiküsau, ayeghi kütsani ke saghi nani, panongu no Egypt mjochileni ke azütakikihi pesü ghiqhi no akumo no ayeghi chhitoi nani.

EZEKEL 30:21

“Timi nu, I no Egypt kükau Pharaoh umlo hechheve tsüae, julo, ti viluve penike aphi kümtsha pesü khapipe moe, tishikeu lono ti ye akumto shive no azütakikihi tsüqülu peniye ke.

EZEKEL 30:25

I no Babylon kükau umlo shikumtove tsü nani, ikemu Pharaoh umlo ye ikiqive nani. Kughou I no I zütakikihi pesü Babylon kükau u lo süve tsüno pa no Egypt yeghi mjochile ghi ti chhopuwoni keno panongu no Ni ye Ampeu kepi ithi nani.

ZEFANIA 2:12

O nongu Cushmiqo ghi, I zütakikihi no ghiqhive nani.