EZEKEL 3:3 - Sumi Naga CL (Re-edited) Bible (BSI)

³ Pa no I vilo pi, “Timi nu, I no liküküzü kaku hipau o tsü akeu chulo eno hipau pesü o po shepichhi lulo.” Tileno I no chu keloye I kichi lo akhingozü toi ngonyi chulue.

BAIBEL (BSI)

³ Pano pi, “Thinikuau timio, ino likuzu kaku hipau otsukeu chuvelo; eno tipau pesu opo sunhei shilulo.” Ino tipau chuve eno tiye akhi ngozu toi micheluke.

EZEKEL 3:3 Iomraidhean Croise

JOB 23:12

Ni ye Pa no piqhikeu zakütsü qhive mphi; Pa no pikeu tsa no I chuqupu nguno akughupu shicheni.

LESHELE 119:103

O tsa ye I ghenguno kishita jumghai kela! I kichi lo akhingozü nguno ngonyi ke.

LESHELE 119:11

I mlo lo O tsa pekütsü luvae, tishikeu lono ni ye O hebide keu xine shimo niye ke.

LESHELE 119:97

O ni ye O yezah kishita kimiye kelae! Ti ye atsala kupuju I no kümsüputho achekeu ke.

LESHELE 19:10

Ameshoyi nguno alau, ameshoyi kütsüghü nguno alau tipaqou lunishi qhiyi kepue; akhingozü eno akhilha lono ijiqighi keu nguno alau akungoue.

LESHELE 19:11

Tinguno alau, tipaqo vecheo O qemi ghutulu cheni; ti papelu keu lo asaxü kije ani.

JEREMIYA 15:16

O tsa phulu kelo I no chuve, eno O tsa no I lopivi tsüno I mlo züküvüpu shitsüe, kughengu O je lono I kulue, O Ampeu, aqokitikhi Lhou.

JEREMIYA 20:9

I no, “Ni ye Pa je pimoae, eno Pa je kumoae,” ipi aye, Pa tsa no I mlo lo eno I saghilo ami toi pitiqhi cheni, ni ye tipau mtupe ngokeu no qeive no tokümlapu shivae.

JEREMIYA 6:11

Ikehu ni ye Ampeu loghu no chhitoi ani; ni ye ti süchile keu no lhovae. “Alaghila lo atianuliqo shou tipau lepuku lo, eno lhothemi kumqo akeqo shou ghi lepuku lo; akimi anipu gha, kichimi eno kitemi ghi, sasü wuve nani.

EZEKEL 2:10

Pa no tipau I zülo xükho tipau lo azüu ngo athiu yepuku püaghi, eno akumlo, amloghuju eno ahasapu tsa yepuku püaghie.

EZEKEL 2:8

“Ikemu no timi nu ye I no o vilo kiu pi keno inilo. Hekibide lagha hupau toi hebide kevilo; o kichi xükho no I no kiu o tsü keno tipau chulo.”

EZEKEL 3:4

Pa no I vilo pi, “Timi nu, Israel laghami lau wuno I tsa panoqo vilo pilo.

John 7:38

Khunono I pülüni keno, Kuchoyesü no pike toi, ‘Pa mlo lono aküxüpu zü qoipeghi nani.’”

Kolosiami 3:16

Khristo tsa pelo nongu lolo kinikülü shi apelo, alokütsü lono shika eno qophe kile, nongu mlo lono Alhou shikimthi ghi leshele, akishe le, eno aghungulo le phelo.