EZEKEL 29:3 - Sumi Naga CL (Re-edited) Bible (BSI)

³ Ampeu Alhou no ishi piani pi pütsa: “Julo, Egypt kükau Pharaoh, Ni ye o lachile ani, dragon kije pa ghoki mta lo ani, tipau no pi, ‘Nile ye Iw ke; I no I ghenguno mlae.’

BAIBEL (BSI)

³ Ishi pilo ike Akughushu MPEU no Ijip lo akukau vilo kiu piani keno tiye hike: No akha ngushu aghokilo zuakeu, niye oghumike. Nono pikeuno Nayil ghokiye owu eno nono tipau shipuani pike.

EZEKEL 29:3 Iomraidhean Croise

LESHELE 68:30

Tüghashi ayeghübo dolo akeqo sakiyi lo, amshitsü loji timi mishiti gholo akeqo sakiyi lo. Khunono asüqha mine cheni keno apukhu no pano qodave lo; khunono aghüshi lo azüvü cheni keno panoqo haleve lo.

LESHELE 76:7

Ikemu No ye sümsa kepue! Kughou O loghu ghuthu lakhi ipeghini keno khuu no O zülo puthugho luni kea?

ISAIAH 27:1

Tipa ghuloki lo Ampeu no Pa zütakikihi kütsügha, akuloghi eno mtotoi keu pesü hechije chekeu, itikiche pighi, Leviathan ghime eno ti azüghi lo achekeu ghawu ghiqhive nani.

ISAIAH 51:9

Ithulo, ithulo, ni shikumto tsülo, O Ampeu küka; khaghilo toi eno wovekeu tiqheli lo toi ithulo. Rahab aleqhishi ghithave keu eno dragon jipilive keu ye Noke kumo keshea?

JEREMIYA 44:30

Ampeu no ishi piani, Julo, I no Egypt kükau Pharaoh Hophra pesü pa küxü phuche kemi pa ghümi u lo süvetsü nani; ti ye I no Judah kükau Zedekiah pesü Babylon kükau Nebuchadnezzar u lo süvetsü ketoi nani; pa ye Zedekiah ghümi shiche ke.”

EZEKEL 28:2

“Timi nu, Tyre kükapuu vilo pilo, Ampeu Alhou no ishi piani: “O mlo ye aqheküza eno nono pike, ‘Ni ye alhou, ni ye alhouqo lakhü lo eno azüghi mta lo iqa acheni,’ ikemu nono alhou toi kümsü anamu no ye timi thono alhou kumoe,

EZEKEL 28:22

Ampeu Alhou no ishi piani: “Ni ye o lachile ani, O Sidon, I no o lau I juküvü pephe nani. Kughou I no li shou küghathani, eno li lau I kimthe pepheni keno panongu no Ni ye Ampeu kepi ithi nani;

EZEKEL 30:12

I no Nile qhaive tsü nani eno ayeghi pesü kixikilami u lo jesüve tsü nani; inaghami vecheo I no ayeghi eno tile akeu qhoi kütsave tsü nani; Ni ye Ampeu ke; I no piqhivae.

EZEKEL 30:22

Tighenguno Ampeu Alhou no ishi piani: Julo, Ni ye Egypt kükau Pharaoh lachile ani eno I no pa umlo alo akeu ngo hechheve keu gha hechheve tsü nani, eno I no azütakikihi pa u lono ikiqivepe nani.

EZEKEL 32:2

“Timi nu, Egypt kükau Pharaoh lau akumlo le phelo eno pa vilo pilo: “Nono o pesü shiyeqow abongshuu kepi kümsü cheni, ikemu no ye azüghi lo dragon ke; nono o ghoki lono ilhe ipeghi cheni, o pukhu no azü shipuqove, eno aghokiqo qonyive ke.

DANIEL 4:27

Ikehu, O akükau, I kükümsü o lau ikhikulupu shitsülo: achipiu mikucho pape keu vecheo o xine phevelo, eno aghime no qhasüpe akeqo lau kikimiye pephe keu vecheo ow küsaküghaqo phevelo, tishiaye ow küakini ye pepushu luvike.”

AMUS 6:13

ti ye nongu Lo-debar lono alokivishi, “Ni kumto lono ningu ampi no Karnaim leluve ake kumo?” ipi chekeqo noke.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

ZAKINIU 8:17

Ikehu nongu mlo lono, ‘I küka kumto lono küakini hipau ithulue,’ ipilu nosake tsükhüi lo.

Piyeküsü 13:11

Tileno ambeti toi akibo kini eno dragon toi atsa pikeu tüghashi kütau ayeghi lono ipe cheghi keu I no ithulu.

Piyeküsü 13:2

Tüghashi tipau ye akhighiu ngushuu mihi; apukhu no ava pukhu toi, eno akichi no abongshuu kichi toi. Dragon no pa kumto, pa kükalakhü eno kükagha kuloghi pesü tüghashi tsüve.

Piyeküsü 13:4

Timi kümtsü no dragon mllauve, kughengu pa no kükagha pesü tüghashi tsüve ke, eno panongu no tüghashi ghi mlla ghi pi; “Tüghashi toike khuu ani kea? Khuu no tipau sasü kichighilu nani kea?”

Piyeküsü 16:13

Tileno mithekumo ghawu küthü, achuyi toi püzü dragon kichi lono lakhi, tüghashi kichi lono lakhi, eno kichileu tungkupu kichi lono lakhi ishi ipe cheghi keu I no ithulu.

Piyeküsü 20:2

Eno pa no dragon khuu pesü tüghami eno Satan ipiche keno mulho pighi hu tsüqü luve no ampe qhethonhe ghenguno tsüghape,